న్యూఢిల్లీ : మొబైల్, ల్యాప్‌టాప్ అండ్ కంప్యూటర్‌లు ఆధిపత్యం చెలాయించే ఈ ఆధునిక యుగంలో యూజర్లు గూగుల్ సెర్చ్(google search) చేయడం సర్వసాధారణం. పిల్లల మెటీరియల్ నుండి స్పేస్ సైన్స్ వరకు ఏదైనా సబ్జెక్ట్‌కి గూగుల్ వెన్నెముక్కగా ఉంటుంది. ఇంటర్నెట్(internet) మీరు సెర్చ్ చేసిన కంటెంట్ గురించి ప్రపంచంలోని మొత్తం సమాచారాన్ని మైక్రో సెకన్లలో అందిస్తుంది.
అత్యధిక సంఖ్యలో ఇంటర్నెట్ యూజర్లు అత్యధికంగా సెర్చ్ చేసిన పదాల జాబితాను గూగుల్ 2021 ఇయర్ సెర్చ్ రిపోర్ట్ బుధవారం విడుదల చేసింది, ఈ సంవత్సరంలో యూజర్లు భారతదేశంలో అలాగే ప్రపంచవ్యాప్తంగా సెర్చ్ చేసిన వాటి గురించి చూద్దాం...
ఇండియన్ ప్రీమియర్ లీగ్ అండ్ ఐ‌సి‌సి టి20 వరల్డ్ కప్ అత్యధికంగా సెర్చ్ చేసిన వాటిలో క్రికెట్ సెర్చ్ భారతదేశంలో అగ్రస్థానంలో ఉన్నాయి. 'కోవిన్' అండ్ 'కోవిడ్ వ్యాక్సిన్' కోసం చాలా సెర్చులు జరుగుతున్నాయని సెర్చ్ ఇంజన్ దిగ్గజం గూగుల్ తెలిపింది. బ్యాటిల్ రాయల్ గేమ్( Garena Free Fire) అనేది గేమింగ్ విభాగంలో అత్యధికంగా సెర్చ్ చేసిన అంశాలలో ఒకటి, ఇది దేశంలో అత్యంత ట్రెండింగ్ జాబితాలలో ఒకటిగా నిలిచింది.
2021లో టాప్ ట్రెండింగ్ గూగుల్ సెర్చ్ టాపిక్స్
భారతదేశంలో 'ఇండియన్ ప్రీమియర్ లీగ్', 'కోవిన్', 'ఐ‌సి‌సి టి20 వరల్డ్ కప్', 'యూరో కప్', 'టోక్యో ఒలింపిక్స్' 2021లో గూగుల్ టాప్ 5 ట్రెండింగ్ సెర్చ్ గా ఉన్నాయి. కరోనా సెకండ్ వేవ్ నేపథ్యంలో గూగుల్ లో ఎక్కువగా కోవిడ్ వ్యాక్సిన్‌లు, ఆసుపత్రుల గురించి శోధించారు. ప్రాణాంతకమైన కరోనా వైరస్ వ్యాప్తి నేపథ్యంలో 'ఆక్సిజన్ సిలిండర్‌లు' అలాగే 'సి‌టి స్కాన్‌లు' గురించి సెర్చ్ నియర్ మీలో పెరిగాయి. అదేవిధంగా ఈ సంవత్సరం గూగుల్‌లో ఫుడ్ డెలివరీ, టిఫిన్ సర్వీసెస్, టేకౌట్ రెస్టారెంట్‌ల గురించి ప్రశ్నలు వచ్చాయని కంపెనీ తెలిపింది.
గూగుల్ లో ట్రెండింగ్‌లో ఉన్న 'హవ్ ' అండ్ 'వాట్' ప్రశ్నలు?
మొత్తం ట్రెండింగ్ టాపిక్‌లతో పాటు ఈ సంవత్సరం గూగుల్‌లో 'హవ్'(how) అండ్ 'వాట్ (what)క్వషన్స్' సెర్చ్ సెక్షన్‌లు భారతదేశంలో క్విడ్ సంబంధిత ప్రశ్నలతో నిండి ఉన్నాయి. 'కోవిడ్ వ్యాక్సిన్' కోసం ఎలా రిజిస్టర్ చేసుకోవాలి, 'వ్యాక్సిన్ సర్టిఫికేషన్‌ను ఎలా డౌన్‌లోడ్ చేసుకోవాలి' ఇంకా 'ఆక్సిజన్ లెవెల్స్ ఎలా పెంచాలి' వంటి ప్రశ్నలను ప్రజలు ఎక్కువగా వెతుకుతున్నారు. గూగుల్ ప్రకారం ఈ సంవత్సరం మొదటి మూడు 'హౌ-టు' సెర్చ్ లు ఇవే.
'వాట్' సెర్చ్‌లలో 'బ్లాక్ ఫంగస్ అంటే ఏమిటి' అండ్ 'రెమెడిసివిర్ అంటే ఏమిటి' వంటి ప్రశ్నలు అగ్రస్థానంలో ఉన్నాయి. కీలక ప్రశ్నలలో 'తాలిబాన్ అంటే ఏమిటి', 'ఫ్యాక్టోరియల్ ఆఫ్ హండ్రెడ్' వంటి కొన్ని సెర్చులు ఉన్నాయి.
ఈ సంవత్సరం గూగుల్ లో ట్రెండింగ్ పర్సన్స్
టోక్యో ఒలింపిక్స్‌లో జావెలిన్ త్రోయర్ నీరజ్ చోప్రా ఈ సంవత్సరం గూగుల్‌లో అత్యంత ట్రెండింగ్ వ్యక్తులలో ఒకరుగా ఉన్నారు. బాలీవుడ్ నటుడు షారుక్ ఖాన్ కొడుకు ఆర్యన్ ఖాన్, టెస్లా వ్యవస్థాపకుడు ఎలోన్ మస్క్ అండ్ విక్కీ కౌశల్, షెహనాజ్ గిల్ అలాగే రాజ్ కుంద్రాతో సహా కొందరు ప్రముఖులు 2021లో గూగుల్‌లో టాప్ ట్రెండింగ్ వ్యక్తులలో ఉన్నారు.
ఈ సంవత్సరం గూగుల్ లో ట్రెండింగ్ సినిమాలు
తమిళ సినిమా జై భీమ్ టాప్ ట్రెండింగ్ సినిమాల జాబితాలో అగ్రస్థానంలో ఉంది. అలాగే ఈ సంవత్సరం భారతదేశంలో గూగుల్ వినియోగదారుల ఆసక్తిని ఆకర్షించడంలో ఈ ప్రాంతీయ సినిమా విజయం సాధించింది. ఆ తర్వాత బాలీవుడ్ చిత్రాలు షేర్షా, రాధే, బెల్ బాటమ్ ఉన్నాయి. గాడ్జిల్లా వర్సెస్ కాంగ్, ఎటర్నల్స్‌తో సహా కొన్ని హాలీవుడ్ సినిమాలు దేశంలో ఈ సంవత్సరం టాప్ ట్రెండింగ్ సినిమాలలో ఉన్నాయి.
గూగుల్ లో ట్రెండింగ్ రెసిపీలు !
కరోనా కాలం ప్రారంభమైన తొలి నెలల్లో ప్రజలు ఎక్కువగా ఇళ్లలోనే ఉంటున్నందున వంటకాలను చేయడానికి చాలా మంది గూగుల్ ని ఉపయోగించారని నివేదిక చూపుతోంది. ఈ సంవత్సరం భారతదేశంలో గూగుల్ లో టాప్ ట్రెండింగ్ రెసిపీలు 'ఎనోకి మష్రూమ్స్', 'మోదక్', 'కుకీలు' ముఖ్యంగా ఉన్నాయి. ఈ సంవత్సరం సెర్చ్ చేసిన టాప్ వంటకాలు 'మేతి మీటర్ మలై' మరియు 'పాలక్', 'కడ' అని గూగుల్ తెలిపింది. ఈ వంటకాలు రోగనిరోధక శక్తిని కూడా పెంచుతుంది.
గూగుల్ లో ట్రెండింగ్ స్పోర్ట్ ఈవెంట్‌లు
టాప్ ట్రెండ్‌ లాగానే గూగుల్ ఇండియన్ ప్రీమియర్ లీగ్, ఐ‌సి‌సి టి20 వరల్డ్ కప్, యూరో కప్‌లను భారతదేశంలో సెర్చ్ చేసిన మూడు టాప్ స్పొర్ట్స్ అని పేర్కొంది. వీటి తర్వాత టోక్యో ఒలింపిక్స్, కోపా అమెరికా ఉన్నాయి.
గూగుల్ లో ట్రెండింగ్ న్యూస్ ఈవెంట్‌లు
ఈ ఏడాది భారత్‌లో గూగుల్ 'న్యూస్ ఈవెంట్స్' విభాగంలో టోక్యో ఒలింపిక్స్ ఆధిపత్యం చెలాయించింది. అప్పటి నుండి బ్లాక్ ఫంగస్, ఆఫ్ఘనిస్తాన్ న్యూస్, పశ్చిమ బెంగాల్ ఎన్నికలు, తుఫాను కోసం ఎక్కువగా సెర్చ్ చేశారు.
గూగుల్ గ్లోబల్ ట్రెండింగ్
భారతదేశంలోని టాప్ ట్రెండ్‌లతో పాటు ప్రపంచవ్యాప్తంగా ఉన్న ప్రముఖ సెర్చ్ సమాచారాన్ని కూడా గూగుల్ వెల్లడించింది. 70కి పైగా దేశాలలో అత్యధిక సెర్చ్ నిర్వహించింది. 'ఆస్ట్రేలియా vs ఇండియా' అనేది అత్యధికంగా సెర్చ్ చేసిన అంశం, తర్వాత 'ఇండియా vs ఇంగ్లాండ్', 'ఐ‌పి‌ఎల్', 'ఎన్‌బి‌ఏ', 'యూరో 2021'.
గత సంవత్సరం 'ఇండియన్ ప్రీమియర్ లీగ్' టాప్ ట్రెండింగ్ క్వచెన్ అయినప్పటికీ, 'కరోనావైరస్', 'యుఎస్ ఎన్నికల ఫలితాలు', 'పిఎమ్ కిసాన్ ప్రాజెక్ట్' గూగుల్‌లో అత్యధిక సెర్చ్ కొషన్స్ గా ఉన్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి