షావోమీ 15 అల్ట్రా ఫీచర్లు:
షావోమీ 15 అల్ట్రా ఫోన్ను ప్రీమియం డిజైన్తో రూపొందించనున్నారు. ఈ ఫోన్ను సిల్వర్ క్రోమ్ కలర్ వేరియంట్లో తీసుకురానున్నారు. ఈ ఫోన్ను 16 జీబీ ర్యామ్, 512 జీబీ స్టోరేజ్తో తీసుకొస్తున్నారు. ఇక ఇందులో 6.73 ఇంచెస్తో కూడిన డబ్ల్యూక్యూహెచ్డీ+ అమోఎల్ఈడీ డిస్ప్లేను అందించారు. ఈ స్క్రీన్ 3200 నిట్స్ బ్రైట్నెస్కు సపోర్ట్ చేస్తుంది.
అలాగే ఇందులో అల్ట్రాసోనిక్ ఫింగర్ ప్రింట్ సెన్సర్ను ఇచ్చారు. ఈ ఫోన్ స్నాప్డ్రాన్ 8 ఎలైట్ చిప్సెట్ ప్రాసెసర్తో పనిచేస్తుంది. ఇక కెమరా విషయానికొస్తే ఇందులో లైకా ట్యూన్డ్ క్వాడ్ కెమెరా సిస్టమ్ను అందించనున్నారు. ఈ ఫోన్లో 200 మెగాపిక్సెల్స్తో కూడిన రెయిర్ కెమెరాను అందించనున్నారు.
ఈ ఫోన్ 4కే రిజల్యూషన్ వీడియో రికార్డింగ్కు సపోర్ట్ చేస్తుంది. ఇక బ్యాటరీ విషయానికొస్తే ఈ ఫోన్ 90 వాట్స్ వైర్డ్, 80 వాట్స్ వైర్లెస్ ఛార్జింగ్కు సపోర్ట్ చేసే 5410 ఎమ్ఏహెచ్ బ్యాటరీని అందించనున్నారు. ఈ ఫోన్ కూడా షావోమీ హైపర్ ఓఎస్తో పనిచేస్తుంది. ఈ రెండు ఫోన్లు అమెజాన్, ఎమ్ఐ.కామ్తో పాటు ఇతర ఆఫ్లైన్ స్టోర్లలో అందుబాటులోకి రానున్నాయి.