4G: సముద్ర గర్భంలో 4జీ సిగ్నల్స్.. ఎక్కడ.? అసలు దీని ఉపయోగం ఏంటి.?

మారుతోన్న కాలానికి అనుగుణంగా టెక్నాలజీ సైతం మారుతోంది. ముఖ్యంగా ఇంటర్నెట్ వేగం రోజురోజుకీ పెరిగిపోతోంది. 5జీ సేవలు విస్తృతంగా అందుబాటులోకి వచ్చాయి. అయితే సమద్ర గర్భంలో ఇంటర్నెట్ సేవలు అందుబాటులోకి వస్తే ఎలా ఉంటుంది. దీనిని సాకారం చేశారు. అండమాన్ నికోబార్ దీవుల్లో నీటి అడుగున 4G సిగ్నల్ రావడం ఆశ్చర్యం కలిగిస్తోంది. ఇది ఎలా సాధ్యమైంది.? దీని వల్ల ఉపయోగాలు ఏంటి.? ఇప్పుడు తెలుసుకుందాం. 

నీటి అడుగున 4G నెట్‌వర్క్ సిగ్నల్స్ అందుకుంటున్న స్మార్ట్‌ఫోన్

సముద్రం అడుగున 4G సిగ్నల్

భారతదేశంలో 5G నెట్‌వర్క్ సేవలు వేగంగా విస్తరిస్తున్నాయి. చిన్న చిన్న పట్టణాల్లో కూడా 5జీ సేవలు అందుబాటులోకి వస్తున్నాయి. అయితే 5జీ సేవలు అందుబాటులో లేని చోట్ల 4 జీ సేవలు లభిస్తున్నాయి. అయితే స్మార్ట్‌ఫోన్‌లకు నీటి అడుగున కూడా 4G సిగ్నల్స్ వస్తాయని నమ్మగలరా?

అండమాన్ నికోబార్ దీవుల్లోని స్వరాజ్ దీప్‌లో సముద్రం అడుగున 4G నెట్‌వర్క్ సిగ్నల్స్ అందుకుంటున్న స్మార్ట్‌ఫోన్ వీడియోను టెలికాం శాఖ (DoT) పంచుకుంది. ఇది భారతదేశ టెలికాం రంగంలో వచ్చిన అభివృద్ధిని చూపిస్తుంది. కానీ 4G నీటి అడుగున ఎలా పనిచేస్తుంది? 

సముద్రపు నీటి అడుగున 4G సిగ్నల్

నీటి అడుగున 4G రేడియో వేవ్

నాల్గవ తరం వైర్‌లెస్ కమ్యూనికేషన్ టెక్నాలజీ, మొబైల్ ఫోన్లు, IoT (ఇంటర్నెట్ ఆఫ్ థింగ్స్) పరికరాల కోసం తయారు చేశారు. 4G రేడియో తరంగాలను ఉపయోగించి డేటాను పంపుతుంది. కానీ అవి నీటిలో అంత బాగా ప్రయాణించలేవు.

నీటి అడుగున 4G సిగ్నల్స్ అందుకోవడం కష్టం, ఎందుకంటే నీరు రేడియో సిగ్నల్స్‌ను నీరు బలహీనపరుస్తుంది. దీంతో సిగ్నల్స్ సముద్ర గర్భానికి చేరుకోవడంలో ఇబ్బందులు ఏర్పడుతాయి. కానీ, నీటి అడుగున 4G కనెక్షన్ అందుబాటులోకి తీసుకురావడానికి, కమ్యూనికేషన్ సౌండ్ వేవ్స్ (సౌండ్ సిగ్నల్స్) లేదా ఆప్టికల్ సిగ్నల్స్‌పై (లేజర్స్ లేదా LEDలు) ఆధారపడాలి.

నీటి అడుగున 4G నెట్‌వర్క్

సబ్‌మెరైన్‌లు సోనార్

సబ్‌మెరైన్‌లు సోనార్ ద్వారా కమ్యూనికేట్ చేసినట్లే సౌండ్ వేవ్స్‌ను ఉపయోగించి సౌండ్ కమ్యూనికేషన్ డేటాను పంపుతుంది. డాల్ఫిన్స్ సోనార్ ద్వారా కమ్యూనికేట్ చేసినట్లు ఉంటుంది. ఈ టెక్నాలజీ 4G నెట్‌వర్క్‌లను దూరం వరకు వెళ్లడానికి అనుమతిస్తుంది.

అయితే, 4G నెట్‌వర్క్‌కు తక్కువ బ్యాండ్‌విడ్త్, ఎక్కువ లేటెన్సీ ఉంటుంది. దీని వల్ల సముద్రం అడుగున డేటా స్పీడ్ తక్కువగా ఉంటుంది. ఇది కాకుండా సముద్ర జీవులు, ఓడలు లేదా అలల వల్ల సమస్యలు వస్తాయి. నీటిలో సౌండ్ వేగం కమ్యూనికేషన్ సిస్టమ్‌లో ఆలస్యమవుతుంది. 

నీటి అడుగున 4G

నీటి అడుగున పనిచేసే రోబోట్లు

నీటి అడుగున 4G కనెక్షన్ రావడం వల్ల డైవర్స్, నీటి అడుగున పనిచేసే రోబోట్లు, నీటి అడుగున నడిచే ఆటోమేటిక్ వెహికల్స్ (AUV), సబ్‌మెరైన్‌లకు వేగంగా డేటా పంపడానికి, కమ్యూనికేషన్ సిస్టమ్స్‌ను అందించగలదు.

దీని వల్ల వాళ్లు మంచి క్వాలిటీ వీడియో, సెన్సార్ డేటాను స్ట్రీమ్ చేయవచ్చు. పెద్ద ఫైల్స్‌ను వెంటనే పంపవచ్చు. నీటి అడుగున పరిశోధనలు చేయడానికి ఇది  ఎంతగానో ఉపయోగపడుతుంది.