WhatsApp: వాట్సాప్‌లో డిలీట్ చేసిన ఈ మెసేజ్‌లను ఎలా చూడాలో తెలుసా.? సింపుల్‌ ట్రిక్‌..

ప్రతీ ఒక్క స్మార్ట్‌ ఫోన్‌లో కచ్చితంగా ఉండే యాప్స్‌లో వాట్సాప్‌ ఒకటని ప్రత్యేకంగా చెప్పాల్సిన పనిలేదు. యూజర్ల అవసరాలకు అనుగుణంగా ఎప్పటికప్పుడు కొంగొత్త ఫీచర్లను తీసుకొచ్చే వాట్సాప్‌లో మనకు తెలియని ఎన్నో హిడెన్‌ ఫీచర్లు ఉంటాయి. అలాంటి వాటిలో ఒక ఫీచర్‌ గురించి ఇప్పుడు తెలుసుకుందాం..   

Whatsapp

ప్రపంచంలో ఎక్కువ మంది ఉపయోగించే మెసేజింగ్ యాప్స్‌లో వాట్సాప్‌ మొదటి వరుసలో ఉంటుందని చెప్పడంలో ఎలాంటి సందేహం లేదు. ఎప్పటికప్పుడు యూజర్ల అవసరాలకు అనుగుణంగా కొంగొత్త ఫీచర్లను తీసుకొస్తోంది కాబట్టే వాట్సాప్‌కు ఇంతటి ఆదరణ ఉంటోందని చెప్పడంలో ఎలాంటి సందేహం లేదు. 

Whats App

ఇలా వాట్సాప్‌ తీసుకొచ్చిన బెస్ట్‌ ఫీచర్లలతో 'డిలిట్‌ మెసేజ్‌ ఫర్‌ ఆల్‌' ఒకటి. ఒకరికి పంపాల్సిన మెసేజ్‌ను మరొకరికి పంపడం సర్వ సాధారణమైన విషయం. అయితే ఈ సమస్యకు చెక్‌ పెట్టేందుకు వాట్సాప్‌ 'డిలీట్‌ మెసేజ్‌ ఫర్‌ ఆల్‌' అనే మెసేజ్‌ను తీసుకొచ్చింది. ఈ ఫీచర్‌ సహాయంతో అవతలి వ్యక్తి లేదా గ్రూప్‌లో అప్పటికే సెండ్‌ అయిన మెసేజ్‌ను కూడా డిలీట్‌ చేసుకోవచ్చు.

దీంతో మీరు ఏం మెసేజ్‌ డిలీట్‌ చేశారన్న విషయం అవతలి వ్యక్తికి తెలిసే అవకాశం ఉండదు. అయితే మన స్మార్ట్‌ ఫోన్‌లో ఉన్న ఒక చిన్న ట్రిక్‌తో ఎదుటి వ్యక్తి డిలీట్‌ చేసిన మెసేజ్‌ ఏంటో ఇట్టే తెలుసుకోవచ్చు. అదెలాగో స్టెప్‌ బై స్టెప్‌ ప్రాసెస్‌ మీ కోసం.. 

* ఇందుకోసం ముందుగా మీ ఫోన్‌లో సెట్టింగ్‌ ఆప్షన్‌ను సెలక్ట్‌ చేసుకోవాలి. 

* అనంతరం సెర్చ బాక్స్‌లో 'నోటిఫికేషన్‌ హిస్టరీ' అనే ఆప్షన్‌ను వెతకండి. 

* ఇందులో 'యూజ్‌ నోటిఫికేషన్‌ హిస్టరీ' అనే ఆప్షన్‌ను ఎనేబుల్ చేసుకోవాలి. 

* ఇలా చేసుకుంటే నోటిఫికేషన్‌ హిస్టరీలో 'రీసెంట్లీ డిస్‌మిస్డ్‌' అనే ఆప్షన్‌లో డిలీట్‌ అయిన మెసేజ్‌లు అన్నీ కనిపిస్తాయి. వాట్సాప్‌ యాప్‌లో డిలీట్‌ అయి కనిపించని మెసేజ్‌లు కూడా ఇక్కడ కనిపిస్తాయి. మరెందుకు ఆలస్యం ఈ క్రేజీ ట్రిక్‌ను మీరూ ఓసారి ట్రై చేయండి.