SRH: ఐపీఎల్ 2026లో సన్రైజర్స్ హైదరాబాద్ మ్యాచ్లలో అంపైర్ల నిర్ణయాలు వివాదాస్పదమవుతున్నాయి. క్లాసెన్, అభిషేక్ శర్మ క్యాచ్ ల విషయంలో అంపైర్లు తీసుకున్న నిర్ణయాలు, అభిమానుల ఆగ్రహంపై పూర్తి వివరాలు ఇక్కడ తెలుసుకోండి.
ఐపీఎల్ 2026లో సన్రైజర్స్ హైదరాబాద్.. కేకేఆర్(KKR)పై 65 పరుగుల తేడాతో ఘనవిజయం సాధించి బోణీ కొట్టింది. అయితే, జట్టు విజయాల కంటే గత రెండు మ్యాచ్ల్లో అంపైర్లు తీసుకున్న నిర్ణయాలు ఇప్పుడు తీవ్ర చర్చకు దారితీస్తున్నాయి. ఎస్ఆర్హెచ్ బ్యాటర్ల విషయంలో అంపైర్లు వ్యవహరించిన తీరుపై అభిమానులు ఆగ్రహం వ్యక్తం చేస్తున్నారు.
25
హెన్రీచ్ క్లాసెన్ క్యాచ్ వివాదం
ఆర్సీబీ(RCB)తో జరిగిన మ్యాచ్లో హెన్రీచ్ క్లాసెన్ కొట్టిన షాట్ను బౌండరీ వద్ద ఫిల్ సాల్ట్ క్యాచ్ పట్టాడు. అయితే ఆ సమయంలో అతడి కాలు బౌండరీ రోప్ను తాకినట్లు స్పష్టంగా అనిపించినా, అంపైర్ అవుట్ గా ప్రకటించారు. సునీల్ గవాస్కర్ వంటి దిగ్గజాలు కూడా ఈ నిర్ణయాన్ని తప్పుపట్టారు. అంపైర్ మరికొంత సమయం తీసుకుని ఉంటే బాగుండేదని అభిప్రాయపడ్డారు.
35
అభిషేక్ శర్మ అవుట్ పై అసంతృప్తి
కేకేఆర్తో జరిగిన మ్యాచ్లో అభిషేక్ శర్మ క్యాచ్ కూడా వివాదానికి కారణమైంది. వరుణ్ చక్రవర్తి పట్టిన క్యాచ్ టీవీ రిప్లేలో నేలకు తాకినట్లు కనిపించినా, టీవీ అంపైర్ దానిని అవుట్ గా ప్రకటించాడు. రిప్లేలో బంతి చేతుల్లోకి వెళ్లే ముందు బౌన్స్ అయినట్లు కనిపించినప్పటికీ, అంపైర్ వేళ్లు బంతి కింద ఉన్నాయనే సాకుతో అవుట్ ఇచ్చారు.
కీలక సమయంలో మంచి ఫామ్లో ఉన్న బ్యాటర్లను అవుట్ చేయడంపై ఎస్ఆర్హెచ్ అభిమానులు సోషల్ మీడియాలో మండిపడుతున్నారు. సన్రైజర్స్ను ఓడించేందుకు అంపైర్లు కుట్ర చేస్తున్నారా అని వారు ప్రశ్నిస్తున్నారు. అంపైర్లకు స్పష్టత లేనప్పుడు నిర్ణయం బ్యాటర్లకు అనుకూలంగా ఉండాలనే నిబంధన ఉన్నా, ఈ రెండు సందర్భాల్లో అది పాటించలేదని వారు ఆరోపిస్తున్నారు.
55
టెక్నాలజీపై ప్రశ్నలు
నిర్ణయాల విషయంలో టీవీ అంపైర్లు మరింత సమయం కేటాయించాలని, నాణ్యమైన కెమెరాలను ఉపయోగించాల్సిన అవసరం ఉందని విశ్లేషకులు భావిస్తున్నారు. క్లాసెన్, అభిషేక్ శర్మ వంటి కీలక ఆటగాళ్లు ఆ సమయంలో అవుట్ కావడం జట్టు స్కోరుపై ప్రభావం చూపించిందని అభిమానులు ఆవేదన వ్యక్తం చేస్తున్నారు.
