vaishali rameshbabu: చెన్నైకి చెందిన వైశాలి రమేష్‌బాబు భారత 84వ గ్రాండ్‌మాస్టర్‌గా అవతరించింది. కోనేరు హంపి, హారిక ద్రోణవల్లి తర్వాత భారత్ నుంచి గ్రాండ్ మాస్టర్ నిలిచిన మూడో మహిళగా నిలిచారు. భారత మరో గ్రాండ్ మాస్టర్ ఆర్.ప్రజ్ఞానంద కు తోబుట్టువు కావడం విశేషం.
India’s 84th grandmaster: 2023 ఐవీ ఎల్లోబ్రేగట్ ఓపెన్ లో 2500 రేటింగ్స్ ను అధిగమించి వైశాలి రమేష్ బాబు భారత 84వ గ్రాండ్‌మాస్టర్‌గా అవతరించింది. కోనేరు హంపి, హారిక ద్రోణవల్లి తర్వాత భారత్ నుంచి మూడో మహిళా గ్రాండ్ మాస్టర్ వైశాలి రికార్డు నెలకొల్పింది.
వైశాలి, ఆమె తమ్ముడు ఆర్.ప్రజ్ఞానంద ఇప్పుడు గ్రాండ్ మాస్టర్లుగా ఉన్న మొదటి తోబుట్టువుల జంట కావడం విశేషం. రెండో రౌండ్ లో టర్కీ ఎఫ్ ఎం టామర్ తారిక్ సెల్బెస్ (2238)ను ఓడించి రేటింగ్ ను అధిగమించి వరుసగా రెండు విజయాలతో టోర్నమెంట్ ను ప్రారంభించింది.
ఎక్స్ ట్రాకాన్ ఓపెన్ 2019, ఫిషర్ మెమోరియల్ 2022, ఖతార్ ఓపెన్ 2023 అనే మూడు జీఎం నిబంధనలను కలిగి ఉన్న ఈ 22 ఏళ్ల గ్రాండ్ మాస్టర్ వైశాలికి 2500 మార్కును దాటడానికి కేవలం 4.5 రేటింగ్స్ మాత్రమే అవసరం అయింది.
ప్రస్తుతం మహిళల ర్యాంకింగ్స్ లో 2501.5 లైవ్ రేటింగ్ తో ప్రపంచ 11వ ర్యాంకర్ గా, భారత్ రెండో స్థానంలో వైశాలి ఉంది. ఫిడే ఉమెన్స్ గ్రాండ్ స్విస్ 2023 విజేతగా నిలిచిన వైశాలి 2024కు అర్హత కూడా సాధించింది.
కాగా, వైశాలి స్వ‌స్థ‌లం త‌మిళ‌నాడులోని చెన్నై. ఆమె గ్రాండ్‌మాస్టర్ ఆర్ ప్రజ్ఞానానందకు తోబుట్టువు. ఆమె తండ్రి రమేష్‌బాబు ఎన్టీఎస్సీలో బ్యాంక్‌లో బ్రాంచ్ మేనేజర్‌గా పనిచేస్తున్నారు. ఆమె తల్లి నాగలక్ష్మి గృహిణి.
గ్రాండ్ మాస్టర్ గా అవతరించిన తర్వాత ఆర్ వైశాలి మాట్లాడుతూ.. "నేను చదరంగం ఆడటం ప్రారంభించినప్పటి నుండి గ్రాండ్ మాస్టర్ (జీఎం) కావడమే నా లక్ష్యం, కాబట్టి నేను చాలా ఉత్సాహంగా ఉన్నాను కానీ కొంత ఒత్తిడిని అనుభవించాను... ఎట్టకేలకు టైటిల్ పూర్తి చేయగలిగాను. చాలా సంతోషంగా ఉందని" తెలిపింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి