మన కర్మ సరిగా లేదు అనడానికి సంకేతాలు ఇవే...!

మనకు కర్మ సరిగా లేకపోవడానికి కూడా కొన్ని కారణాలు ఉంటాయట. అవి మనకు కొన్ని సంకేతాల రూపంలో ముందుగానే చెప్పేస్తుందట. ఆ సంకేతాలు ఏంటో ఓసారి చూద్దాం...  

spiritual

ఏదైనా మనకు మంచి జరిగింది అంటే  చాలా సంబరపడిపోతాం. మన టైమ్ బాగుందని మురిసిపోతాం. కానీ అలా కాకుండా.. ఏదైనా చెడు జరిగితే.. మన టైమ్ బాలేదని అనుకుంటాం. మన కర్మ ఇంతే అని సరిపెట్టుకుంటాం. అయితే.. మనకు కర్మ సరిగా లేకపోవడానికి కూడా కొన్ని కారణాలు ఉంటాయట. అవి మనకు కొన్ని సంకేతాల రూపంలో ముందుగానే చెప్పేస్తుందట. ఆ సంకేతాలు ఏంటో ఓసారి చూద్దాం...

meditation

1.చాలా మంది తమ కర్మ బాలేదని..ఫీలౌతూ ఉంటారు. ఈ క్రమంలో.. తమ కష్టాలకు తమనే బాధ్యులుగా భావిస్తూ...తమపై తాము అయిష్టత పెంచుకుంటూ ఉంటారు. కానీ.. మనపై మనకు గౌరవం లేకపోవడాన్ని , ఇష్టం లేకపోవడం లాంటివి చేయకూడదు. మనపై మనకే గౌరవం లేకపోతే.. ఇతరులు గౌరవం ఇస్తారు అనుకోవడం పిచ్చితనం. అది కూడా మనకు చెడు కర్మ తీసుకువస్తుంది. కాబట్టి.. ముందుగా.. ఎవరిని వారు ప్రేమించుకోవడం నేర్చుకోవాలి. మిమ్మల్ని మీరు ప్రేమించుకుంటే.. ఆ కర్మను కూడా జయించవచ్చు.

2.మనకు మనసులో ఓ పని చేయాలని ఉంది. కానీ.. ఆ పని చేయాలంటే భయం. ఒకటి కావాలి.. అది గెలుచుకోవాలి అన్నా కూడా భయమే. ఈ భయం కారణంగా కూడా  మన కర్మ చెడుగా ఉంటుందట. కాబట్టి... ముందుగా మనలోని భయాలను తొలగించుకునే ప్రయత్నాలు చేయాలి. అప్పుడే కర్మ మనకు అనుకూలంగా ఉంటుంది.

3.మన చుట్టూ నెగిటివిటీ ఉంటే.. మన ఆలోచనలన్నీ నెగిటివ్ గానే ఉంటాయి. అప్పుడు కూడా మన కర్మ అలానే ఉంటుంది. కాబట్టి.. ముందు మన ఆలోచనలు పాజిటివ్ గా మార్చుకోవాలి. ముందు మన ఆలోచనలను పాజిటివ్ గా మార్చుకోవడం మొదలుపెడితే... తర్వాత చుట్టూ పరిస్థితులు కూడా పాజిటివ్ గా మారుతున్నట్లు గుర్తించవచ్చు. తద్వారా కర్మ సరిగా ఉంటుంది.

4.చాలా మంది తమ బ్యాడ్ ఆటిట్యూడ్ ని కలిగి ఉంటారు. వారిపై వారికి నమ్మకం ఉండదు. ఎదుటివారిపట్ల కొంచెం కూడా మంచిగా ఆలోచించలేరు. ఇవి కూడా.. మన బ్యాడ్ కర్మకు కారణమౌతాయి. కాబట్టి.... ముందు బ్యాడ్ ఆటిట్యూడ్ మార్చుకోవడానికి ప్రయత్నించాలి.

5. మన కర్మ సరిగా లేదు అనుకుంటున్నవారు ముందుగా తమ బద్దకాన్ని తగ్గించుకోవాలి. మనకు ఒంటినిండా బద్దకం ఉంటే జీవితంలో ఏదీ సాధించలేం అనే విషయాన్ని గుర్తుంచుకోవాలి. మన బద్దకమే మనకు చెడు కర్మగా మారుతుంది అని గుర్తుంచుకోవాలి.

6.ఇక చాలా మంది ప్రతి విషయంలోనూ తమకు అర్హత లేదని భావిస్తూ ఉంటారు. మీకు మీరే మీకు అర్హత లేదు అనుకుంటే.. ఇతరులు మీలో అర్హత ఉందని గుర్తిస్తారు అనుకోవడం కూడా పొరపాటే. ఇలా మీ అర్హతను మీరే కోల్పోయి అవకాశాలను దూరం చేసుకునే అవకాశం ఉంది. ఇది కూడా చెడు కర్మగానే మారుతుంది.

spiritual

7.దేని గురించైనా ఆలోచించి పని చేయడం లో తప్పులేదు. కానీ మరీ ఓవర్ థింక్ చేయడం ఎప్పుడూ మంచిది కాదు. ఓవర్ థింకింగ్ కూడా బ్యాడ్ కర్మగా మారుతుంది. మీ అంతట మీరే మీ బుర్రను పాడుచేసుకుంటారు.

Spirituality

8.ఇక సమయాన్ని వృథా చేసుకోవడం కూడా మానుకోవాలి. ఇది కూడా... మీ బ్యాడ్ కర్మ గా మారే అవకాశం ఉంది. కాబట్టి... ఎప్పుడూ సమయాన్ని వృథా చేసుకోకూడదు.