Ganesh Chaturthi 2023: వినాయక చవితి దగ్గర పడుతోంది. ఈ పండుగ హిందూ మతంలో అతి ముఖ్యమైన పండుగ. ఈ ఉత్సవాలను పది రోజుల పాటు జరుపుకుంటాం. అయితే ఈ సమయంలో వినాయకుడికి పది రోజుల పాటు కొన్ని వస్తువులను సమర్పిస్తే మీ కోరికలన్నీ నెరవేరుతాయని జ్యోతిష్యులు చెబుతున్నారు.
మత విశ్వాసాల ప్రకారం.. విఘ్నేషుడు శుక్లపక్ష చతుర్థి తిథి నాడు భాద్రపద మాసంలో జన్మించాడు. సుఖసంతోషాలకు ఆరాధ్య దైవం వినాయకుడు. ఈయన ఆశీస్సులు మనపై ఉంటే మన ప్రతి కోరికా నెరవేరుతుందని జ్యోతిష్యులు చెబుతున్నారు. అందుకే వినాయకుడే దేవతందరిలో తొలి పూజలు అందుకుంటాడు. అందుకే ప్రతి ఏడాది వినాయక చవితిని సెలబ్రేట్ చేసుకుంటాడు. ఈ పండుగను మనం 10 రోజుల పాటు జరుపుకుంటారు.
ఈ ఏడాది వినాయక చవితి సెప్టెంబర్ 19 న ప్రారంభమై 28 న ముగుస్తుంది. జ్యోతిష్యుల ప్రకారం.. ఈ పది రోజుల పాటు వినాయకుడికి పది వస్తువులను సమర్పిస్తే అంతా శుభమే జరుగుతుందట. అవేంటో ఇప్పుడు తెలుసుకుందాం..
మొదటి రోజు: బొజ్జ గణపయ్యకు మోదకాలంటే ఎంతో ఇష్టం. అందుకే వినాయక చవితి మొదటి రోజు విఘ్నేషుడికి మోదకాలను సమర్పించండి. దీంతో విఘ్నేషుడి ఆశీస్సులు మీపై ఉంటాయి. మీ ఇంట్లో సంతోషం వెల్లి విరుస్తుంది.
రెండో రోజు: వినాయకుడికి మోతీచూర్ లడ్డూలు కూడా ఎంతో ఇష్టం. అందుకే వినాయకుడి ఉత్సవాల్లో భాగంగా రెండో రోజు మోతీచూర్ లడ్డూలను సమర్పించండి.
మూడో రోజు: శెనగపిండి లడ్డూలంటే విఘ్నహర్త గణేషుడికి ఎంతో ప్రీతిపాత్రమైనవి. అందుకే గణేష్ ఉత్సవాల్లో మూడో రోజు ఈ లడ్డూలను సమర్పించండి.
నాల్గో రోజు: వినాయకుడికి నైవేద్యంగా అరటి పండ్లను సమర్పించడం మంచిదని జ్యోతిష్యులు చెబుతున్నారు. అందుకే వీటిని కూడా వినాయకుడికి సమర్పించండి.
ఐదో రోజు: జ్యోతిష్యుల ప్రకారం.. విఘ్నేషుడికి మఖనా ఖీర్ అంటే చాలా ఇష్టం. కాబట్టి ఐదో రోజున బొజ్జ గణపయ్యకు మఖానా ఖీర్ ను సమర్పించండి.
ఆరో రోజు: హిందూ మతంలో కొబ్బరిని పవిత్రమైనదిగా భావిస్తారు. అందుకే పూజ సమయంలో దీన్ని ఎక్కువగా ఉపయోగిస్తారు. కొబ్బరి కాయను దేవుడి ముందు కొట్టి దాన్ని ప్రసాదంగా పంచి పెడుతారు. అందుకే ఆరో రోజున బొప్పాకు దీన్ని సమర్పించొచ్చు.
ఏడో రోజు: వినాయకుడికి బెల్లాన్ని కూడా సమర్పించొచ్చు. ఎందుకంటే దీన్ని పవిత్రమైనదిగా భావిస్తారు. జ్యోతిష్యుల ప్రకారం.. విఘ్నేషుడికి బెల్లం ఎంతో ఇష్టమట. అందుకే ఏడో రోజున బొజ్జ గణపయ్యకు బెల్లం, నెయ్యిని సమర్పించండి.
ఎనిమిదో రోజు: వినాయకుడికి మోదకాలతో పాటుగా మావా లడ్డూలను కూడా ఎంతో ఇష్టపడతాడట. అందుకే ఎనిమిదో రోజున మోతీచూర్, శెనగపిండి లడ్డూలతో పాటుగా మావా లడ్డూలను కూడా సమర్పించండి.
తొమ్మిదో రోజు: బొజ్జ గణపయ్యకు పాలతో చేసిన కలాకండ్ కూడా ఎంతో ప్రీతిపాత్రమైనవి. అందుకే తొమ్మిదో రోజు పాలు, నెయ్యితో చేసిన స్వీట్లను సమర్పించండి.
పదవ రోజు: హిందూ మతంలో 56 భోగానికి ఎంతో ప్రాముఖ్యత ఉంది. అందుకే చివరి రోజైన పదవ రోజున వినాయకుడికి 56 నైవేద్యాలను సమర్పించండి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి