భోగి పండుగ నాడు పాటించాల్సిన ఆచారాలు ఇవి..
First Published Jan 14, 2024, 10:15 AM ISTSankranti 2024: ఈ సంవత్సరం భోగి పండుగ జనవరి 14న వచ్చింది. అంటే ఈ రోజే భోగి. అయితే ఈ రోజు మనం పాటించాల్సిన ఎన్నో నియమాలు ఉన్నాయి. అవి మీకు తెలుసా?
Sankranti 2024: ఈ సంవత్సరం భోగి పండుగ జనవరి 14న వచ్చింది. అంటే ఈ రోజే భోగి. అయితే ఈ రోజు మనం పాటించాల్సిన ఎన్నో నియమాలు ఉన్నాయి. అవి మీకు తెలుసా?
Sankranti 2024: మన దేశంలో సంక్రాంతి పండుగను ఎంతో వైభవంగా జరుపుకుంటారు. ముఖ్యంగా రెండు తెలుగు రాష్ట్రాల్లో.. రంగురంగుల ముగ్గులను వేయడం, భోగి మంటలు, పిండి వంటలు, నోరూరించే స్వీట్లు, గంగిరెద్దులు, హరిదాసుల కీర్తనలు.. ఇలా చెప్పుకుంటూ సంక్రాంతి పండుగకు ఎన్నో ప్రత్యేకతలు ఉన్నాయి. రేపు మకర సక్రాంతి. అంటే ఈ రోజు భోగి పండుగను జరుపుకుంటున్నాం. దక్షిణ భారతదేశంలో సంక్రాంతి పండుగను నాలుగు రోజుల పాటు జరుపుకుంటారు. ఈ సంక్రాంతి పండుగ మొదటి రోజును తెలంగాణ, ఆంధ్రపదేశ్, తమిళనాడు, రాష్ట్రాల్లో భోగి పొంగల్ గా జరుపుకుంటారు. భోగి అనే పదం.. ఆహారానికి, ఆనందం సంబంధించినదిగా కూడా భావిస్తారు.
కొత్త పంటల కాలం ప్రారంభమవడాన్ని, చలికాలం ముగింపును, ఎండాకాలం ప్రారంభాన్ని ఈ పండుగ సూచిస్తుంది. ఈ పండుగకు సూర్యభగవానుడిని, ఇంద్ర దేవుడిని ప్రత్యేకంగా పూజిస్తారు. రాబోయే ఏడాది సుభిక్షంగా ఉండాలని ఆ దేవుడిని కోరుకుంటారు. అందుకే ఈ రోజున జనాలు తమ పాత బట్టలు, వస్తువులు, ప్రతికూలతను సూచించే వస్తువులను ఇంట్లోంచి తీసేస్తారు. అలాగే ఈ రోజు ఖచ్చితంగా కొత్త బట్టలను ధరిస్తారు. ముఖ్యంగా నువ్వులు, బెల్లం, కొత్త బియ్యం, చెరుకుతో రకరకాల వంటకాలను తయారుచేస్తారు. భోగి పండుగ నాడు సంప్రదాయం ప్రకారం.. ప్రజలు ఏం చేస్తారో తెలుసుకుందాం పదండి.
భోగి మంటలు
భోగి పండుగ నాడు ప్రజలు తమ ఇండ్ల ముందు భోగి మంటలను వెలిగిస్తారు. ఈ రోజు ఉదయాన్నే లేచి ఇంటిని శుభ్రం చేసి అలంకరిస్తారు. అలాగే కొత్త బట్టలు ధరిస్తారు. తర్వాత పనికిరాని వస్తువులను అంటే కర్రలను, ఆవు పేడతో పిడకలను, కలపతో పాటుగా భోగి మంటల్లో కాలుస్తారు. ఈ పండుగతో కొత్త పంట సీజన్ ప్రారంభం అవుతుంది. అందుకే ఈ రోజున ప్రజలు కొత్త ప్రారంభాలను, అదృష్టాన్ని కోరుకుంటారు.
పాలు పొంగించడం
పొంగల్ నాడు పాలను పొంగించే ఆచారం ఉంది. అందుకే ఈ రోజున జనాలు కొత్త మట్టి కుండలను కొని వాటి చుట్టూ మామిడి ఆకులను కట్టి.. పూలతో అందంగా తయారుచేస్తారు. ఇక ఇంటిముందు చిన్న పిడకలతో మంట పెడతారు. ఒక కొత్త కుండలో బియ్యం, పాలు, బెల్లం కలిపి మంటపై పెట్టి ఉడికిస్తారు. అలాగే పాలు పొంగేలా చూస్తారు. పాలను పొంగించడం అనేది కుటుంబ శ్రేయస్సు, సమృద్ధికి సంకేతంగా భావిస్తారు.
పశువులను పూజించడం
పొంగల్ కొత్త పంట సీజన్ కు స్వాగతం పలుకుతుంది. మన దేవ వ్యవసాయంలో ఆవులకు, ఎద్దులు వంటి పశువులకు ఎంతో ప్రాముఖ్యత ఉంది. వ్యవసాయంలో ఇవి కీలక పాత్ర పోషిస్తాయి. నేటికి కూడా చాలా మంది ఎద్దులతోనే భూములను దున్నుతారు. పశువులు అన్నదాతకు ఎన్నో విధాలుగా మేలు చేస్తాయి. అందుకే ఈ రోజున వాటికి కడిగి పూలదండలతో అలంకరిస్తారు. అలాగే వాటికి ఇష్టమైన ఆహారాన్ని అన్నదాతలు తినిపిస్తారు. అంటే ఈ రోజు పశువులను కూడా పూజిస్తారు. అలాగే వాటికి కృతజ్ఞతను వ్యక్తం చేస్తారు.
ముగ్గులు
సంక్రాంతి పండుగలో రంగురంగుల ముగ్గులు చాలా ప్రత్యేకం. మీరు గమనించారో లేదో సంక్రాంతి పండుగకే పెద్ద పెద్ద రంగోలి ముగ్గులను వేస్తుంటారు. ఈ రోజున గ్రామాల్లో ఆవు పేడతో వాకిలిని అలికి తెల్లని ముగ్గుతో అందమైన డిజైన వేసి.. అందులో కలర్లను నింపుతారు. అలాగే వీటిపై గొబ్బెమ్మలు పెట్టి తీరొక్క ధాన్యాలను వేస్తారు.
సంప్రదాయ దుస్తులు
సంక్రాంతి పండుగకు సంప్రదాయ దుస్తులను వేసుకునే ఆచారం కూడా ఉంది. అందుకే ఈ రోజు పురుషులు కుర్తా, ధోతీలను ఎక్కువగా వేసుకుంటారు. ఇక ఆడవారైతే పట్టు చీరలను కట్టుకుంటారు.