Camphor: నీటిలో కర్పూరం వేసుకొని స్నానం చేస్తే ఏమౌతుంది?

రోజూ స్నానం చేసే సమయంలో నీటిలో కొంచెం కర్పూరం వేసుకొని స్నానం చేస్తే ఏమౌతుంది..?    

కర్పూరం

కర్పూరం అందరికీ తెలిసినదే.  రెగ్యులర్ గా కర్పూరంని పూజ గదిలో వాడతారు.ముఖ్యంగా హారతి ఇవ్వడానికి వాడతారు. ఈ మధ్య రూమ్ ఫ్రెషనర్ గా కెమికల్స్ ఉండే మార్కెట్లో దొరికే ఉత్పత్తులకు బదులుగా.. ఈ కర్పూరం ని వాడుతున్నారు. అయితే.. ఇదే కర్పూరాన్ని మనం ఆరోగ్యాన్ని మెరుగుపరుచుకోవడానికి కూడా వాడొచ్చని మీకు తెలుసా? అదెలాగో చూద్దాం..

స్నానం

మనం ప్రతిరోజూ స్నానం చేస్తాము. అయితే, స్నానం చేసిన గంటలోపే ఆ తాజాదనం పోతుంది. చెమట కూడా వాసన రావడం మొదలవుతుంది. ఆ వాసనను నియంత్రించడానికి మనం పెర్ఫ్యూమ్‌లు, డియోడరెంట్‌లను ఉపయోగిస్తాము. అవి కూడా మరో గంట మాత్రమే మనల్ని తాజాగా ఉంచగలవు. అలా కాకుండా  స్నానం నీటిలో కర్పూరం వేస్తే.. రోజంతా తాజాగా ఉండొచ్చు.

కర్పూరం

స్నానం చేసేటప్పుడు కర్పూరం వాసన మానసిక ఒత్తిడి,ఆందోళనను తగ్గిస్తుంది. ఈ రోజుల్లో చాలా మంది తమ పనిలో ఒత్తిడితో బాధపడుతున్నారు. స్నానం చేసేటప్పుడు ఈ కర్పూరం ఉపయోగించడం వల్ల వారు ఆ ఒత్తిడి నుండి బయటపడే అవకాశం ఉంది.

కర్పూరం స్నానం

గోరువెచ్చని నీటిలో కర్పూరం వేసి స్నానం చేయడం వల్ల అలసట , బలహీనత తగ్గుతాయి. మీరు చురుకుగా ఉంటారు. ఇది ఒక కొత్త శక్తిలా పనిచేస్తుంది. ఈ నీటి నుండి వచ్చే మంచి సువాసన మనస్సును ప్రశాంతంగా ఉంచుతుంది.