మన ప్రణాళికలను ఎప్పుడైతే ఇతరులకు షేర్ చేస్తామో... అప్పుడే మన పనుల్లో అడ్డంకులు మొదలౌతాయి. అడ్డంకి సృష్టించేవారు మన పక్కనే ఉంటారు. కాబట్టి.. చేసే పనులను రహస్యంగా ఉంచాలి.
కష్టపడనిదే ఏదీ సొంతం కాదు. కష్టపడకుండా ఏది మనకు దక్కినా అది ఎక్కువ కాలం నిలవదు. అదే శ్రమించి సాధించుకున్నది అయితే.. కలకలం నీ వెంటే ఉంటుంది. ఈ సంగతి పక్కన పెడితే.. చాణక్య నీతి ప్రకారం... మీలో కనుక ఈ కింది లక్షణాలు ఉంటే.. మీరు కచ్చితంగా జీవితంలో ఏదో ఒక సమయంలో ధనవంతులు అవుతారట. మరి ఆ లక్షణాలేంటో ఓసారి చూద్దాం...
1. చాణక్య నీతి ప్రకారం.. దేంట్లో అయినా గోప్యత మెయింటైన్ చేయాలట. ఏదైనా విషయం తెలిస్తే... దానిని సీక్రెట్ గా ఉంచకునేవారు లైఫ్ లో ధనవంతులు అవుతారట. అంటే.. అన్ని సీక్రెట్స్ కావు. భవిష్యత్తు ప్రాణాళికలు వేసుకొని, వాటిని అనుసరించి, ఎవరితోనూ చర్చించకుండా రహస్యంగా ఉండేవారు విజయం సాధించగలరు. అలా కాకుండా.. మన ప్రణాళికలను ఎప్పుడైతే ఇతరులకు షేర్ చేస్తామో... అప్పుడే మన పనుల్లో అడ్డంకులు మొదలౌతాయి. అడ్డంకి సృష్టించేవారు మన పక్కనే ఉంటారు. కాబట్టి.. చేసే పనులను రహస్యంగా ఉంచాలి.
2.లక్ష్యాలను అందరూ పెట్టుకుంటారు. కానీ దానిని సాధించడంలోనే చాలా మంది వెనకడుగు వేస్తూ ఉంటారు. కానీ.. లక్ష్యసాధనకు భయపడని వారు, ధనవంతులుగా మారే వారు కాకి లేదా డేగలా తమ లక్ష్యాలను ఎప్పుడూ గమనిస్తూ ఉంటారు. అంతేకాదు వీరు చాలా ఓపిక గా ఉంటారు. వారు ఎల్లప్పుడూ తమ లక్ష్యాలను సాధించడానికి ప్రయత్నిస్తారు. తమ లక్ష్యాన్ని సాధించడంలో ఏ సమస్య వచ్చినా భయపడరు. అలాంటి వారు త్వరలోనే ధనవంతులు అవుతారు.
3. ఇక ఏదైనా కష్టం వచ్చినప్పుడు చాలా మంది చాలా ఎమోషనల్ అవుతారు. కానీ.. చాణక్య నీతి ప్రకారం.. అలా ఎమోషనల్ అవ్వకుండా.. సమస్యలకు పరిష్కారం వెతికేవారు జీవితంలో కచ్చితంగా ముందుకు వెళతారట,, డబ్బు సంపాదిస్తారట. వారు కోరుకున్న విజయం వారికి దక్కుతుందట.
4. అంతేకాకుండా.. నిత్యం భగవంతుడిని ఆశ్రయిస్తూ... ధర్మ మార్గాన్ని అనుసరించే వ్యక్తి తన ఆత్మ విశ్వాసం, దయ ఉన్నవారు కూడా కచ్చితంగా ధనవంతులు అవుతారట. ఏ పని అయినా ఇష్టపూర్వకంగా చేసేవారు కచ్చితంగా భవిష్యత్తులో ధనవంతులు అవుతారు. మరి మీలో అలాంటి లక్షణాలు ఉన్నాయా..?