తండ్రి పిల్లలకు ఇవ్వాల్సిన బెస్ట్ గిఫ్ట్స్ ఇవే..!

 తండ్రి అంటే చాక్లెట్స్, బొమ్మలు కనిపెట్టడం కాదు.. పిల్లలకు మానసిక, భావోద్వేగ మద్దతు ఇవ్వాలి.  ముఖ్యంగా.. పిల్లలకు తండ్రి ఇవ్వాల్సిన బహుమతులు కొన్ని ఉంటాయట. అవేంటో చూద్దాం..  

father son

ప్రతి తండ్రి తన పిల్లల గురించి చాలా గొప్పగా ఆలోచిస్తాడు. తన పిల్లలకు అందరి కంటే బెస్ట్ ఇవ్వాలని అనుకుంటాడు. వారు అడిగిందల్లా కొనివ్వాలని అనుకుంటాడు. కానీ..  తండ్రి అంటే చాక్లెట్స్, బొమ్మలు కనిపెట్టడం కాదు.. పిల్లలకు మానసిక, భావోద్వేగ మద్దతు ఇవ్వాలి.  ముఖ్యంగా.. పిల్లలకు తండ్రి ఇవ్వాల్సిన బహుమతులు కొన్ని ఉంటాయట. అవేంటో చూద్దాం..

father and son

పిల్లలకు తండ్రి ఇవ్వాల్సినవేంటి..?

1.సమయం..
నేను సంపాదించేది నా పిల్లల కోసమే కదా...డబ్బు లేకపోతే వాళ్లకు ఏం ఇవ్వాలి అని అనుకుంటూ ఉంటారు. డబ్బు పిల్లలకు అవసరమే. కానీ.. దానికి మించినది వారికి ఇవ్వాలి. అదే సమయం.డబ్బు  పోతే మళ్లీ సంపాదించుకోవచ్చు. కానీ.. గడిచిపోయిన సమయం మళ్లీ రాదు. అందుకే వారి కోసం సమయం కేటాయించాలి. వారికి తోడుగా నిలవాలి. చదువు, ఆటలు, మాటలు ఏది నేర్చుకుంటున్నప్పుడు అయినా మీరు పక్కనే ఉ:డాలి. తండ్రి పక్కన ఉండటం వల్ల వారి ఆత్మవిశ్వాసం పెరుగుతుంది. తండ్రితో బంధం బలపడుతుంది.

2.అమితమైన ప్రేమ..
పిల్లలకు తండ్రి అమితమైన ప్రేమ, ఆప్యాయత, ముద్దులు అందించాలి. తండ్రి ప్రేమ, ముద్దులు పిల్లల మానసిక ఆరోగ్యాన్ని, భద్రతా భావాన్ని పెంచుతాయి. వారి ఆత్మగౌరవం పెరిగి, జీవితంలో సవాళ్లు ఎదుర్కొనేందుకు సిద్ధమవుతాయి.

3. జీవిత నైపుణ్యాలు నేర్పించడం (జీవితంలో ఎదురయ్యే సవాళ్లను ఎదుర్కొనేందుకు కావలసిన నైపుణ్యాలు) 
పిల్లలకు పుస్తకాలకంటే, సిలబస్ కంటే నేర్చుకోవాల్సినవి చాలా ఉన్నాయి. తండ్రి వారికి ఆత్మస్థైర్యం, సమస్య పరిష్కారం, కష్టపడి పనిచేయడం వంటి జీవిత నైపుణ్యాలు నేర్పించాలి. ఈ నైపుణ్యాలు వారి భవిష్యత్తుకు, వృద్ధికి తోడ్పడతాయి.

4. మార్కుల వెంట పరిగెత్తకండి
పిల్లల మార్కులే వారి విలువను నిర్ణయించవు. తల్లిదండ్రులు పిల్లలను మార్కుల ఆధారంగానే చూస్తారు. మంచి తండ్రి పిల్లల నిజమైన విజయం వారి కష్టంలో, ప్రవర్తనలో ఉందని గుర్తిస్తాడు. పిల్లల విలువ మార్కుల్లో కాదు, వారి ప్రయత్నంలో ఉందని నేర్పించాలి.

5. తండ్రి ఆదర్శంగా నిలవాలి 
తండ్రి పిల్లలకు మొదటి హీరో. తండ్రిని చూసి పిల్లలు పెద్ద కలలు కంటారు. తండ్రి ఎల్లప్పుడూ పిల్లలకు ఆదర్శంగా, ప్రేరణగా నిలవాలి. దీనివల్ల పిల్లలు తండ్రిలా ఉండాలని కలలుకంటారు, వారి ఆత్మవిశ్వాసం మరింత పెరుగుతుంది.

6. భావోద్వేగ స్థిరత్వం, భద్రత కల్పించడం (తండ్రులు భావోద్వేగ స్థిరత్వం, ప్రేమ, మద్దతు ఇస్తారు) 
తండ్రి పిల్లలకు భావోద్వేగ స్థిరత్వం, భద్రత కల్పిస్తాడు. తండ్రి తోడు, మద్దతు, ప్రేమ పిల్లలకు జీవిత సమస్యలు, భావోద్వేగాలు ఎదుర్కోవడానికి తోడ్పడతాయి. తండ్రి ప్రేమ, మద్దతుతో ఏ కష్టాన్నైనా ఎదుర్కోగలమని, కుటుంబం ఎల్లప్పుడూ వెన్నంటే ఉంటుందని పిల్లలు నేర్చుకుంటారు.