TVK Vijay : తమిళనాడు రాజకీయాల్లో కీలక పరిణామాలు చోటుచేసుకుంటున్నాయి. స్టాలిన్ ను కాదని విజయ్ కి పట్టం కట్టారు తమిళ ప్రజలు… ఆయన సీఎం కావడం ఖాయంగా కనిపిస్తోంది. మరి డిప్యూటీ సీఎం అయ్యేదెవరు..?
Tamilnadu Assembly Election Results 2026 : ఎవరూ ఊహించనివిధంగా తమిళనాడు అసెంబ్లీ ఎన్నికల ఫలితాలు వెలువడుతున్నాయి. తమిళ స్టార్ హీరో దళపతి విజయ్ విజయం దిశగా దూసుకెళుతున్నాడు... ఈ ట్రెండ్ ఇలాగే కొనసాగితే అతడు అధికారాన్ని చేజిక్కించుకోవడం ఖాయంగా కనిపిస్తోంది. విజయ్ పార్టీ TVK (తమిళగ వెట్రి కజగం) సింగిల్ లో మ్యాజిక్ ఫిగర్ కు సరిపడా సీట్లు సాధించకున్నా అన్నా డిఎంకే (AIADMK) తో కలిసి ప్రభుత్వాన్ని ఏర్పాటుచేసే అవకాశాలు మెండుగా కనిపిస్తున్నాయి.
24
టివికే, అన్నాడిఎంకే సంకీర్ణ ప్రభుత్వం...
తమిళనాడు ముఖ్యమంత్రి పీఠంపై విజయ్ కూర్చోవడం ఖాయం. కానీ ఆయన ఎవరి సపోర్ట్ తీసుకుంటారనేది ఆసక్తికరంగా మారింది. ఎన్నికల ప్రచార సమయంలో అధికార ద్రవిడ మున్నేట్ర కజగం (DMK) తోనే తమ పోటీ అని విజయ్ ప్రకటించాడు... స్టాలిన్ ను ప్రధాన ప్రత్యర్థిగా పేర్కొన్నాడు. కాబట్టి డిఎంకేతో కలిసే అవకాశాలే లేవు.
టివికే అత్యధిక సీట్లు సాధించి అతిపెద్ద పార్టీగా అవతరించినా హంగ్ పరిస్థితి వచ్చేలా కనిపిస్తోంది. ఇదే జరిగితే సీన్ లోకి బిజెపి ఎంటర్ అవుతుంది... మొదటిస్థానంలో ఉన్న టివికే, రెండోస్థానంలోని అన్నాడిఎంకే పార్టీల మధ్య సయోధ్య కుదిర్చే అవకాశాలుంటాయి. ఇలా విజయ్ అధికారాన్ని ఏర్పాటుచేయవచ్చు... ఈ సంకీర్ణ ప్రభుత్వంతో బిజెపికి తమిళ రాజకీయాల్లో చక్రం తిప్పే అవకాశం లభిస్తుంది.
34
సీఎం పదవి విజయ్ దే.. డిప్యూటీ సీఎం ఎవరు..?
తమిళనాడులో టివికే, అన్నా డిఎంకే ప్రభుత్వం ఏర్పాటయితే విజయ్ ముఖ్యమంత్రి కావడం ఖాయం. అన్నాడిఎంకే పార్టీకి డిప్యూటీ సీఎం పదవి దక్కవచ్చు... అంటే ఆ పార్టీ ప్రధాన కార్యదర్శి ఎడప్పాడి పళనిస్వామి డిప్యూటీ సీఎం అయ్యే ఛాన్సెస్ ఉన్నాయి. మంత్రిపదవులు కూడా పంచుకునే అవకాశాలుంటాయి.
ప్రస్తుతం విజయ్ పోటీచేసిన రెండు స్థానాలు పెరంబూర్, తిరుచ్చి ఈస్ట్ నియోజకవర్గాల్లోనూ ముందంజలో ఉన్నాడు. అతడి పార్టీ TVK కూడా ఏకంగా 100 నియోజకవర్గాల్లో లీడ్ లో కొనసాగుతోంది. ఇక రెండో స్థానంలో అన్నాడిఎంకే, మూడో స్థానంలో డిఎంకే కొనసాగుతున్నాయి. ఈ అసెంబ్లీ ఎన్నికల్లో పళనిస్వామి తన సొంత నియోజకవర్గం ఎడప్పాడి నుండే మళ్లీ పోటీచేశారు... ప్రస్తుతం ఆయన ముందంజలో ఉన్నారు.
తమిళనాడు అసెంబ్లీ ఎన్నికల పలితాలు వెలువడుతున్నవేళ ఆసక్తికర పరిణామాలు చోటుచేసుకుంటున్నాయి. విజయ్ విజయం ఖాయంగా కనిపించడంలో అప్పుడే టివికే శ్రేణులు సంబరాలు మొదలుపెట్టాయి... విజయ్ ఇంటివద్దకు భారీగా చేరుకుంటున్నారు. పార్టీ జెండాలు పట్టుకునివచ్చి విజయ్ కు అనుకూలంగా నినాదాలు చేస్తున్నాడు... బాణాసంచాలు కాలుస్తూ సంబరాలు చేస్తున్నారు. దీంతో పోలీసులు కూడా భద్రతను కట్టుదిట్టం చేశారు... బందోబస్తును మరింత పెంచారు.
