పెళ్లి తర్వాత మెగా కోడలు లావణ్య త్రిపాఠి నటించిన మూవీ `సతీ లీలావతి`. దేవ్ మోహన్ ఆమెకి జోడీగా చేసిన ఈ చిత్రం నేడు విడుదలయ్యింది. మరి ఈ సినిమా ఎలా ఉందనేది రివ్యూలో చూద్దాం.
హీరోయిన్ లావణ్య త్రిపాఠి పెళ్లి తర్వాత నటించిన చిత్రం `సతీ లీలావతి`. దేవ్ మోహన్ హీరోగా నటించిన ఈ చిత్రానికి తాతినేని సత్య దర్శకత్వం వహించారు. నాగ మోహన్ నిర్మాత. ఇందులో వీకే నరేష్, వీటీవీ గణేషన్, సప్తగిరి, మొట్టా రాజేంద్రన్ కీలక పాత్రలు పోషించారు. ఈ సినిమా నేడు శుక్రవారం(మే 8న) విడుదలైంది. మరి లావణ్య త్రిపాఠికి హిట్ పడిందా? సినిమా ఆడియెన్స్ ని ఆకట్టుకుందా? అనేది రివ్యూలో తెలుసుకుందాం.
26
సతీ లీలావతి మూవీ కథ
లీలా(లావణ్య త్రిపాఠి) పేరెంట్స్(వీకే నరేష్, పవిత్ర లోకేష్) చిన్నప్పట్నుంచి చీటికి మాటికి గొడవపడుతుంటారు. దీంతో లీలా ఒంటరిగా పెరగాల్సి వస్తుంది. ఈ క్రమంలో ఓ తోడుని వెతుక్కుంటుంది. సేతు(దేవ్ మోహన్) అనాథశ్రమంలో పెరుగుతాడు. ఆయన్ని చూసి ఇష్టపడుతుంది. ఇద్దరు పెళ్లి చేసుకుంటారు. ప్రారంభంలో ఎంతో ప్రేమగా ఉంటారు. కానీ తర్వాత ఆమె దర్శకురాలిగా బిజీ అవుతుంది. స్టార్ డైరెక్టర్ గా రాణిస్తుంది. దీంతో సేతుకి టైమ్ ఇవ్వలేకపోతుంది. ఆయన ఒంటరిగా బాధపడుతుంటాడు. తాను స్వతహాగా సైకియాట్రిస్ట్. కానీ తాను సైకియాట్రిస్ట్ కి చూపించుకోవాల్సి వస్తుంది. ఈ క్రమంలో ఆయన నర్స్ నికోలా సెబాస్టియన్(మడోనా సెబాస్టియన్)ని చూసి ఫిదా అవుతాడు. ఆమెతో ప్రేమలో పడతాడు. దీంతో లీలాకి విడాకులు ఇవ్వాలని నిర్ణయించుకుంటాడు. ఆ విషయం చెప్పగానే లీలా రియాక్షన్ ఏంటి? ఇంట్లో బంధించి ఎందుకు కొట్టింది? నికోలాని చూసి లీలా రియాక్షన్ ఏంటి? లీలా ఇంట్లోకి వచ్చిన దొంగ(సప్తగిరి) ఏం చేశాడు? నిర్మాత(మొట్టా రాజేంద్రన్) లీలాని ఎందుకు కిడ్నాప్ చేయాలనుకుంటాడు? చివరికి ఈ కథ ఎలాంటి మలుపులు తీసుకుంది? ఎలాంటి ముగింపు పలికిందనేది సినిమా.
36
సతీ లీలావతి మూవీ ఎలా ఉందంటే?
సతీ లీలావతి మూవీ భార్యాభర్తల మధ్య గొడవ ప్రధానంగా చేసుకుని, దాని చుట్టూ కామెడీని అల్లుకుని రూపొందించిన చిత్రం. సందర్భాను సారంగా కామెడీని జనరేట్ చేయాలనే లక్ష్యంతో దీన్ని రూపొందించారు. భార్యాభర్తల గొడవలు ఇప్పుడు కామన్, ఒకరికొకరు టైమ్ ఇచ్చుకోలేని పరిస్థితుల్లో వాళ్లు వేరే వాళ్లకి కనెక్ట్ అవుతుంటారు. అది గొడవలకు దారితీస్తాయి. ఇందులో సరిగ్గా అదే జరిగింది. లావణ్య స్టార్ డైరెక్టర్ కావడంతో ఆమె బిజీగా ఉంటుంది. భర్తకి టైమ్ ఇవ్వలేకపోతుంది. దీంతో దేవ్.. మరో అమ్మాయికి కనెక్ట్ అవుతాడు. కానీ దాన్ని లావణ్య ఒప్పుకోదు. భర్తని నానా రకాలుగా హింసపెడుతుంది. ఆయా సన్నివేశాలను ఫన్నీగా మలిచాడు దర్శకుడు. అయితే ఆయా సీన్లు ఆశించని స్థాయిలో పండలేదు. కామెడీ కొన్ని చోట్ల ఫర్వాలేదు, కానీ మొత్తంగా వర్కౌట్ కాలేదు. కొన్ని సీన్లు మరీ క్రేజీగా ఉన్నాయి. సినిమా కథని ప్రారంభంలో ఎస్టాబ్లిష్ చేసిన తీరు బాగుంది. సినిమాపై ఆసక్తిని పెంచుతుంది. హీరోయిన్ చిన్ననాటి సన్నివేశాలను వివరించిన తీరు, నరేష్, పవిత్ర లోకేష్ గొడవలు ఆసక్తికరంగా ఉంటాయి. హీరోహీరోయిన్లు ప్రేమలో పడే సీన్లు, ప్రారంభంలో ఉండే సీన్లు ఫర్వాలేదనిపిస్తాయి. రియాలిటీకి దగ్గరగా ఉంటాయి. మొట్టా రాజేంద్రన్ పాత్ర కూడా అలరిస్తుంది. ఇంటర్వెల్ వరకు ఇలా ఉత్కంఠ భరితంగా, కొంత క్రేజీగా సాగుతుంది. సెకండాఫ్లో ఫన్ కాస్త రాంగ్ రూట్లోకి వెళ్తుంది. లాయర్ వీటీవీ గణేషన్ ఎంట్రీ, ఆ తర్వాత దొంగగా సప్తగిరి ఎంట్రీ, సెబాస్టియన్ ఎంట్రీ దొంగలతో ఇద్దరు హీరోయిన్లు చేసే ఫైట్లు బాగున్నా, ఓవర్గా అనిపిస్తాయి. అనవసరమైన లౌడ్ నెస్, గందరగోళానికి దారితీస్తుంది. మొట్టా రాజేంద్ర లావణ్యని కిడ్నాప్ చేయడం, మళ్లీ వదిలేయడం, మళ్లీ కిడ్నాప్ చేయడం, ఈ క్రమంలో లావణ్య ఆడే డ్రామా నవ్వులు పూయించడం కష్టం చిరాకు ఎక్కువగా తెప్పించాయి. అయితే చాలా చోట్ల సహజమైన కామెడీని వర్కౌట్ చేసే ప్రయత్నం చేశారు. నరేష్ పాత్ర కూడా కొంత రిలీఫ్నిస్తుంది. కానీ ఆయన్ని సరిగ్గా వాడుకోలేదు. క్లైమాక్స్ కొత్తగా ఉంటుంది. గేమ్తో ముగించిన తీరు కూడా డిఫరెంట్గా ఉంది. ఓవరాల్గా మూవీ నవ్వులు తక్కువ గోల ఎక్కువ అనేట్టుగా సాగింది.
లీలాగా దర్శకురాలి పాత్రలో లావణ్య త్రిపాఠి ఇరగదీసింది. సినిమా మొత్తం తన పాత్ర చుట్టూనే తిరుగుతుంది. ఆమె కూడా అంతే బాగా చేసి మెప్పించింది. దర్శకురాలిగా, భార్యగా, లవర్గా, సైకో భార్యగా అదరగొట్టింది. యాక్షన్ సీన్లు కూడా అదిరిపోయేలా చేసింది. ఇందులో ఆమె నటిగా చాలా ఓపెన్ అయి చేసి మెప్పించింది. సేతుగా దేవ్ మోహన్ పాత్ర ఫర్వాలేదు. కానీ హీరోయిన్గా గొడవలో ఓడిపోయిన తీరు అసహజంగా ఉంది. నికోలా సెబాస్టియన్ పాత్రలో మడోనా సెబాస్టియన్ అందంతో కట్టిపడేసింది. యాక్షన్ పరంగా మెప్పించింది. మొట్టా రాజేంద్రన్ నిర్మాతగా నవ్వించాడు. మరోవైపు లావణ్య బావ పాత్రలో జాఫర్ పాత్ర అలరిస్తుంది. కొన్ని చోట్ల నవ్విస్తుంది. దొంగగా సప్తగిరి ఇరగదీశాడు. రెచ్చిపోయి చేశాడు. చాలా రోజుల తర్వాత పాత సప్తగిరి కనిపిస్తాడు. వీటీవీ గణేషన్ పాత్ర కొన్ని చోట్ల నవ్విస్తుంది. మిగిలిన పాత్రలు ఓకే అనిపిస్తాయి.
56
సతీ లీలావతి టెక్నీకల్గా ఎలా ఉందంటే?
టెక్నీకల్గా సతీ లీలావతి బాగుంది. బినేంద్ర మీనన్ విజువల్స్ మాత్రం అదిరిపోయాయి. స్క్రీన్ కలర్ఫుల్గా ఉంది. సతీష్ సూర్య ఎడిటింగ్ ఫర్వాలేదు. కాకపోతే కన్ఫ్యూజన్గా అనిపిస్తుంది. మిక్కీ జే మేయర్ సంగీతం ఫర్వాలేదు. దర్శకుడు తాతినేని సత్య ఎంచుకున్న కథ ఫర్వాలేదు. దాన్ని కామెడీ ఎంటర్టైనర్గా తెరకెక్కించడంలో కొంత తడబాటు కనిపిస్తుంది. ఫన్నీ సీన్లు అన్నీ వర్కౌట్ కాలేదు. కొంత వరకు మాత్రమే నవ్వించాయి. నిర్మాణ విలువలకు కొదవలేదు. నాగ మోహన్ చాలా రిచ్గా తీశారు. రాజీపడకుండా నిర్మించారు. సినిమాపై ఆయనకున్న ప్యాషన్ ప్రతి ఫ్రేములోనూ కనిపిస్తుంది. అయితే సినిమాలో ఫ్యామిలీకి సంబంధించి అంతర్లీనంగా అందించిన సందేశం బాగుంది. భార్యాభర్తలు ఎంత గొడవ పడ్డా, అది ఇంటికే పరిమితం కావాలి, కానీ విడిపోయే వరకు వెళ్లకూడదని చెప్పిన సందేశం బాగుంది.
66
ఫైనల్గా
కొంత వరకు అలరించే సతీ లీలావతి. భార్యాభర్తలకు సంబంధించిన ఇచ్చిన సందేశం బాగుంది.
