Idli Kottu Movie Review: ఇడ్లీ కొట్టు మూవీ రివ్యూ, రేటింగ్.. ధనుష్ దర్శకుడిగా సక్సెస్ అయ్యాడా?
Idli Kottu Movie Review: ధనుష్, నిత్యా మీనన్ జంటగా నటించిన `ఇడ్లీ కొట్టు` మూవీ నేడు బుధవారం విడుదలైంది. ధనుష్ దర్శకత్వం వహించిన ఈ చిత్రం ఆడియెన్స్ ని ఆకట్టుకుందా అనేది రివ్యూలో తెలుసుకుందాం.
ధనుష్ చివరగా `కుబేర` చిత్రంతో తెలుగు ఆడియెన్స్ ముందుకు వచ్చారు. ఈచిత్రం డీసెంట్ హిట్ని అందుకుంది. ఆ తర్వాత ఇప్పుడు `ఇడ్లీ కొట్టు` అనే చిత్రంతో రాబోతున్నారు. తమిళంలో రూపొందిన `ఇడ్లి కడై` అనే చిత్రానికిది తెలుగు అనువాదం. ఇందులో ధనుష్కి జోడీగా నిత్యా మీనన్, షాలినీ పాండే నటించారు. అయితే ఈ చిత్రానికి ధనుష్ దర్శకుడు కావడం విశేషం. ఇందులో మనకు తెలిసిన అరుణ్ విజయ్, సముద్రఖని, సత్యరాజ్, రాజ్ కిరణ్, పార్థిబన్ వంటి వారు ముఖ్య పాత్రలు పోషిస్తున్నారు. ఈ మూవీని డాన్ పిక్చర్స్, వండర్ బార్ పిక్చర్స్ సంయుక్తంగా నిర్మించాయి. ధనుష్ కూడా ఓ నిర్మాత. దసరా కానుకగా ఈ చిత్రం ఒక్క రోజు ముందుగానే నేడు బుధవారం( అక్టోబర్ 1న) విడుదల అయ్యింది. ఇప్పటికే విడుదలైన ట్రైలర్ ఆకట్టుకుంది. ఈ నేపథ్యంలో సినిమా ఆకట్టుకునేలా ఉందా? అనేది రివ్యూలో తెలుసుకుందాం. ఈ మూవీని హైదరాబాద్లోని ఏఏఏ థియేటర్లో వీక్షించాను. తమిళ మూవీ కావడం, పెద్దగా ప్రమోషన్స్ లేకపోవడంతో బజ్ లేదు. థియేటర్ వద్ద పెద్దగా సందడి లేదు. మరి సినిమా అయినా ఆకట్టుకుందా? అనేది రివ్యూలో తెలుసుకుందాం.