Yoga Day 2022: ఈ 5 యోగాసనాలతో తల్లీ బిడ్డా ఇద్దరూ ఆరోగ్యంగా ఉంటారు..

Yoga Day 2022: గర్భధారణ సమయంలో మహిళల శరీరంలో అనేక మార్పులు చోటు చేసుకుంటాయి. దీని వల్ల అనేక రకాల సమస్యలు వస్తాయి. అటువంటి పరిస్థితిలో..  యోగా చేయడం ద్వారా.. గర్భిణీ స్త్రీలు ఈ సమస్యల నుంచి బయటపడటమే కాకుండా.. బిడ్డ కూడా ఆరోగ్యంగా ఉంటాడు.   

గర్భిణీ స్త్రీలు లు ఎక్కువగా పనిచేయకూడదు, వ్యాయామం లేదా యోగా చేయొద్దని సలహానిస్తుంటారు. కానీ గర్భిణీ స్త్రీలు చురుగ్గా ఉండటం చాలా అవసరం. అప్పుడే పుట్టబోయే బిడ్డ ఆరోగ్యంగా ఉంటాడు. అందుకోసం గర్బిణులు ఇంటి పనులను చేయాలని డాక్టర్లు సలహానివ్వడమే కాదు.. తేలికపాటి cardiovascular exercises యోగా చేయమని కూడా చెప్తుంటారు.

 ప్రెగ్నెన్సీ సమయంలో మహిళల శరీరంలో ఎన్నో మార్పులు వస్తుంటాయి. దీని కారణంగా వీళ్లు చాలాసార్లు బాధపడాల్సి వస్తుంటుంది. అటువంటి పరిస్థితిలో.. యోగా ద్వారా వారు తమను తాము ఫిట్ గా ఉంచుకోవచ్చు. గర్భిణీ స్త్రీలు తమను తాము ఫిట్ గా ఉంచుకునేందుకు ఈ ఐదు యోగాసనాలు ఉపయోగపడతాయి. 

తడాసనం (Thadasanam) - గర్భిణీ స్త్రీలకు వెన్ను నొప్పి (Back pain) ఉంటుంది. తడాసనం వీరికి ఎంతో ప్రయోజనకరంగా ఉంటుంది. ఇది వెన్నునొప్పి నుంచి ఉపశమనం కలిగిస్తుంది, దానితో పాటు వెన్నెముక (Spine)కూడా బలంగా ఉంటుంది. ఈ ఆసనాన్ని గర్భం ధరించిన మొదటి ఆరు నెలలు మాత్రమే చేయాలి.

వీరభద్రాసనం (Veerabhadrasanam)- వీరభద్ర ఆసనాన్ని యోధుల భంగిమ అని కూడా అంటారు. గర్భధారణ సమయంలో వీరభద్రాసనం చేయడం వల్ల శరీర సమతుల్యత మెరుగుపడుతుంది. ఇది చేతులు (Hands), భుజాలు (Shoulders), తొడలు (Thighs), దిగువ వీపు (Lower back)కండరాలను బలోపేతం చేస్తుంది. ఈ అవయవాలన్నింతో పాటు స్టామినా కూడా పెరుగుతుంది. అయితే అధిక రక్తపోటు సమస్య  ఉన్న వారు ఈ ఆసనాన్నిచేయకూడదు. 

కోనాసనం (Konasana)- ఈ ఆసనం స్త్రీలకు దివ్యౌషధం లాంటిది. దీనివల్ల  వెన్నుపాము (Spinal cord) బలంగా ఉంటుంది. రక్త ప్రసరణ (Blood circulation)సరిగ్గా జరుగుతుంది. రోగనిరోధక శక్తి (Immunity)పెరుగుతుంది. మలబద్ధకం నుంచి ఉపశమనం లభిస్తుంది. శరీరం యొక్క పై, దిగువ భాగం ఆరోగ్యంగా ఉంటుంది.

మార్గరీ ఆసనం (Marjari Asana)- ఈ ఆసనాన్ని పిల్లి భంగిమ అని కూడా అంటారు. ఇది వెన్నెముకకు బలాన్ని ఇస్తుంది. శరీరాన్ని Flexibility గా ఉంచుతుంది. రక్త ప్రసరణ కూడా మెరుగ్గా ఉంటుంది. దీనితో పాటు జీర్ణ ప్రక్రియ మెరుగ్గా ఉంటుంది.

శవాసనం (Savasana): గర్భధారణ సమయంలో మహిళల మూడ్ స్వింగ్స్ అవుతుంటాయి. దీంతో వీరు ఒత్తిడికి లోనవుతారు. ఈ ఆసనం వేయడం ద్వారా.. ఒత్తిడి తగ్గుతుంది. అదే సమయంలో గర్భంలో బిడ్డ ఎదుగుదల బాగా జరుగుతుంది. దీన్ని ప్రతిరోజూ చేయాలి.