skin care tips: ఆయిల్ స్కిన్ కు ఇలా గుడ్ బై చెప్పేయండి..

skin care tips:ప్రస్తుతం చాలా మంది ఆయిల్ స్కిన్ తో బాధపడుతున్నారు. ఈ సమస్య నుంచి గట్టేక్కేందుకు ఎన్నో ప్రయత్నాలు చేస్తుంటారు. అయినా జిడ్డు అలాగే  కారుతూ ఉంటుంది. అలాంటి వారు కొన్ని సింపుల్ టిప్స్ తో జిడ్డు చర్మానికి గుడ్ బై చెప్పేయొచ్చు.  

ఆయిల్ స్కిన్ ప్రాబ్లమ్ చాలా మందిలో కనిపిస్తూ ఉంటుంది. ఈ ఆయిల్ స్కిన్ సమస్య నుంచి బయటపడేందుకు ఎన్నో క్రీమ్స్, సబ్బులను వాడుతూ ఉంటారు. అయినా ఈ సమస్య అస్సలు తగ్గదు కదా.. ఎప్పటి లాగే జిడ్డు కారుతూ ఉంటుంది. ఆయిల్ స్కిన్ తో మొఖంపై మొటిమలు, మచ్చలు రోజు రోజుకు పెరిగిపోతూనే  ఉంటాయి.

జిడ్డు చర్మానికి కారణం ఇదే:  కొందరిలో స్కిన్ లోపలుండే సెబేషియస్ గ్రంధులు స్రావాన్ని అవసరానికి మించి ఎక్కువగా ఉత్పత్తి చేస్తుంటాయి. దీనివల్లే వారి ఫేస్ జిడ్డుగా తయారవుతుంది.   అయితే కొన్ని సింపుల్ టిప్స్ తో జిడ్డు చర్మానికి గుడ్ బై చెప్పొచ్చు. అదేలా అంటే..

పాలు: పచ్చి పాలు లేదా కాగబెట్టిన పాలను ముఖానికి అప్లై చేయాలి. ఒక 15 నిమిషాల పాటు దాన్ని అలాగే వదిలేసి ఆ తర్వాత ఫేస్ ను నీట్ గా కడగాలి. పాలలో చర్మంలోపల పేరుకుపోయిన జిడ్డును వదిలించే గుణముంటుంది.

తేనె: తేనె ఆరోగ్యానికే కాదు చర్మ సౌందర్యానికి కూడా బాగా ఉపయోగపడుతుంది. ఈ తేనె జిడ్డును తొలగించడానికి ఎంతో సహాయపడుతుంది. కొద్దిగా తేనెను తీసుకుని ముఖానికి అప్లై చేయాలి. దాన్ని ఒక పదిహేను నిమిషాల పాటు అలాగే ఉంచి ఆ తర్వాత చల్లని లేదా గోరు వెచ్చని నీళ్లతో ముఖాన్ని కడుక్కోవాలి. దీనివల్ల జిడ్డు తొలగిపోతుంది.

లాక్టిక్ యాసిడ్: లాక్టిక్ యాసిడ్ వల్ల కూడా జిడ్డుతనం వదులిపోతుంది. లాక్టిక్ యాసిడ్ ఎక్కువ మొత్తంలో ఉండే పదార్థాలను ముఖానికి రాసుకుంటే జిడ్డు వదులుతుంది. అంతేకాదు ముఖంపై పోరుకుపోయిన మురికి కూడా పోతుంది. 

రోజ్ వాటర్: చర్మ సౌందర్యానికి రోజ్ వాటర్ ను ఎక్కువగా ఉపయోగిస్తుంటారు. కాగా రోజ్ వాటర్ లో కాస్త నిమ్మరసం కలిపి ముఖానికి అప్లై చేస్తే జిడ్డు వదిలిపోతుంది. 

వేడి నీళ్లతో:  జిడ్డు చర్మం  ఉన్న వాళ్లకు వేడి నీళ్లు బాగా ఉపయోగపడతాయి. ఎలాంటి సబ్బులు, క్రీములు పెట్టకుండా మొహాన్ని వేడినీళ్లతో కడగాలి. ఇలా చేస్తే చర్మంలో పేరుకుపోయిన జిడ్డు సులభంగా వదిలిపోతుంది. 

ఇవి కూడా తినాలి: చర్మ సంరక్షణకు తాజా పండ్లు, కూరగాయలు కూడా ముఖ్యమే. వీటిని మీ రోజు వారి ఆహారంలో చేర్చుకోవడం వల్ల  స్కిన్ ఆరోగ్యంగా ఉంటుంది. నూనె ఎక్కువగా ఉండే ఆహారాలను తినకూడదు