ఏసీ ఎంత వాడినా కరెంట్ బిల్ తక్కువగా రావాలంటే ఏం చేయాలో తెలుసా?

ఎండలు మండిపోతున్నాయి. ఇంకేముంది ఉక్కపోతలను తట్టుకోలేక ఫ్యాన్లు, ఏసీలను వాడుతుంటాం. అయితే వీటి వాడకం వల్ల కరెంట్ బిల్లు ఎక్కడ ఎక్కువగా వస్తుందోనని భయపడి వీటిని ఆన్ కూడా చేయని వారున్నారు. కానీ కొన్ని ట్రిక్స్ తో ఏసీని ఎంత వాడినా కరెంట్ బిల్ మాత్రం తక్కువగానే వస్తుంది.   

ఎండాకాలంలో ఫ్యాన్లు, ఏసీలను వాడకుండా ఉండటం చాలా కష్టం. మండిపోతున్న ఎండలకు ఇళ్లంతా నిప్పుల కుంపటిలా మారుతుంది. అందుకే ఉదయం 10 కాగానే ఫ్యాన్లు, ఏసీలను ఆన్ చేస్తుంటారు. అలాగే కొంతమంది బయటకు వెళ్లి రాగానే ఏసీని ఫుల్ లో పెట్టేసి కూర్చుంటారు. కానీ ఏసీల వాడకం వల్ల కరెంట్ బిల్లు వాచిపోతుందని చాలా మంది భయపడిపోతుంటారు. ఈ కారణంగానే చాలా మంది ఎంత ఉక్కపోతగా ఉన్నా కొద్ది సేపు మాత్రమే ఏసీలను వాడుతుంటారు. కానీ మీరు గనుక కొన్ని సింపుల్ ట్రిక్స్ ను ఫాలో అయ్యారంటే మాత్రం పొద్దంగా ఏసీని వాడినా కరెంట్ బిల్లు మాత్రం ఎక్కువగా రాదు.

చాలా మంది ఏసీని ఎక్కువలో పెట్టేసి నిండుగా దుప్పటి కప్పుకుని పడుకుంటుంటారు రాత్రిళ్లు. చాలా మంది చేసే అతిపెద్ద తప్పు ఇదే. కరెంట్ బిల్లు ఎక్కువగా రాకూడదంటే ఏసీని 24, 23 డిగ్రీలు పెట్టి చలికి వణికేటట్టు మాత్రం పెట్టకూడదు. ఇలాంటప్పుడు మీకు ఏసీ అవసరం లేదు కదా. దీనివల్ల కరెంట్ బిల్లు కూడా వాచిపోతుంది. ఉష్ణోగ్రతను ఒక యూనిట్ తగ్గించడం వల్ల విద్యుత్ విద్యుత్ వినియోగం 6 శఆతం పెరుగుతుందట. నార్మల్ గా మనం కంఫర్ట్ బుల్ గా ఉండాలంటే మాత్రం ఏసీని 25, 26 డిగ్రీల్లో థర్మోస్టేట్ తోని ఏసీని పెట్టుకుని ఫ్యాన్ ఆన్ చేసుకుని తక్కువలో పెట్టుకుంటే మనకు కూల్ ఎయిర్ వస్తుంది. చల్లగా అనిపిస్తుంది. తర్వాత ఏసీ థర్మోస్టేట్ మీద ఆన్ అవ్వడం, ఆఫ్  అవ్వడం జరుగుతుంది. దీనివల్ల చల్లగానూ ఉంటుంది. కరెంట్ బిల్లు కూడా తక్కువగా గానూ వస్తుంది. దీనివల్ల 50 శాతం కరెంట్ ఆదా అవుతుంది.

అయితే చాలా మంది ఎండకు తిరిగి ఇంటికి రాగానే 18 టెంపరేచర్ లో ఏసీ పెడుతుంటారు. ఇది చాలా ఎక్కువ. దీనివల్ల కరెంట్ బిల్లు బాగా వస్తుంది. నిజానికి మీరు ఎంత ఎండలో వచ్చినా.. ఏసీని 25,26 డిగ్రీలు పెట్టుకుంటే సరిపోతుంది. దీనివల్ల మీరెంత ఎండలో వచ్చినా ఒక 5 నిమిషాలకే మీరు కంఫర్ట్ గా ఫీలవుతారు. అయితే చాలా మంది ఏసీని సర్వీసింగ్ చేయించరు.

కానీ సమ్మర్ తర్వాత కూడా ఒకసారి ఏసీని సర్వీసింగ్ చేయించాలి. ఎందుకంటే ఇంట్లో దుమ్ము వల్ల ఏసీ ఫిల్టర్లు మూసుకుపోతాయి. దీనివల్ల ఏసీ నుంచి చల్లదనం రాదు. దీనివల్ల కరెంట్ బిల్లు కూడా ఎక్కువగా వస్తుంది. అందుకే సమ్మర్ తర్వాత ఏసీని సర్వీసింగ్ కు ఇవ్వాలి. దీనివల్ల ఏసీ బాగా పనిచేస్తుంది. అలాగే కరెంట్ బిల్లు కూడా ఎక్కువగా రాదు.