డయాబెటిస్ పేషెంట్లు గుడ్డు తినొచ్చా? లేదా? నిపుణులు ఏమంటున్నారు?

డయాబెటీస్ వ్యాధిగ్రస్తులు కొన్ని రకాల ఆహార పదార్థాలకు దూరంగా ఉంటేనే మంచిది. ముఖ్యంగా జంక్ ఫుడ్, చక్కెర ఎక్కువగా, ప్రాసెస్ చేసిన ఆహారాలకు దూరంగా ఉండాలి. అయితే డయాబెటిస్ పేషెంట్లు గుడ్డు తింటే.. ఏమౌతుందో తెలుసా..

గుడ్డులో ప్రోటీన్లు, విటమిన్ ఎ,సి, డి, ఖనిజాలు పుష్కలంగా ఉంటాయి. అంతేకాదు దీనిని తినడం ఆరోగ్యానికి ఎంతో మంచిదని ఎంతో మంది గుడ్లను ప్రతిరోజూ తింటున్నారు. వీటిని డైలీ తినేవారి సంఖ్య రోజు రోజుకు పెరుగుతూనే ఉంది. మెరుగైన ఆరోగ్యానికి ప్రతిరోజూ కనీసం ఒక గుడ్డన్నా తినాలని ఆరోగ్య నిపుణులు సూచిస్తున్నారు.

డయాబెటిస్ పేషెంట్లు ఆహారం విషయంలో తగిన జాగ్రత్తలు తీసుకుంటూనే మంచిది. ముఖ్యంగా వారికి ఏ ఆహారం మేలు చేస్తుంది? ఏది హాని చేస్తుందన్న విషయాలను తెలుసుకోవడం ఎంతో అవసరం. షుగర్ లెవెల్స్ ను నియంత్రించే ఆహారాలనే ఎక్కువగా తీసుకోవాలి. ఒకవేళ రక్తంలో గ్లూకోజ్ స్థాయిలు పెరగితే హార్ట్ ఎటాక్, బ్రెయిన్ స్ట్రోక్, మూత్రపిండాల వైఫల్యం వంటి ప్రాణాంతక రోగాలు వచ్చే ఛాన్సెస్ చాలా ఉన్నాయి. అందుకే డయాబెటిస్ పేషెంట్లు తినే ఆహారంపై ప్రత్యేక శ్రద్ధ పెట్టాలని ఆరోగ్య నిపుణులు హెచ్చరిస్తున్నారు. 

diabetes diet

ముఖ్యంగా డయాబెటీస్ పేషెంట్లు జంక్ ఫుడ్ కు దూరంగా ఉండాలి. సాధారణంగా డయాబెటిస్ పేషెంట్లకు ఆకలి ఎక్కువగా అవుతుంది. ఇలాంటి సమయంలో తినడానికి ఎక్కువగా గింజలను, తాగా పండ్లను వారి దగ్గర పెట్టుకోవాలి. 

డయాబెటీస్ ను నియంత్రించడానికి పొట్టు తియ్యని ధాన్యాలు, ముడి బియ్యం వంటి వాటిని తింటే పీచు పదార్థం ఎక్కువగా అందుతుంది. ఇది షుగర్ లెవెల్స్ ను నియంత్రణలో ఉంచడానికి సహాయపడతాయి.

చాలా మంది డయాబెటిస్ పేషెంట్లకు వారు ఎలాంటి ఆహారాలను తీసుకోవాలో తెలియదు. ముఖ్యంగా గుడ్డు తినాలా? వద్దా? అన్న విషయంపై సందేహాలున్నాయి. అయితే డయాబెటిస్ పేషెంట్లు గుడ్లు తింటే వచ్చే లాభనష్టాలేమీటో తెలుసుకుందాం పదండి..

గుడ్డులో ప్రోటీన్లు ఎక్కువ మొత్తంలో ఉంటాయి. వీటిని ఈ రోజే తినాలి. ఆ రోజే తినాలి అంటూ రూలేమీ లేదు. వాటిని ఏరోజైనా తినొచ్చు. రోజుకు కనీసం ఒక గుడ్డైనా తినాలని ఆరోగ్య నిపుణులు చెబుతున్నారు. ఈ సంగతి పక్కన పెడితే డయాబెటిస్ పేషెంట్లు కూడా గుడ్లను బేషుగ్గా తినొచ్చు. ఆరోగ్య నిపుణుల అభిప్రాయం ప్రకారం.. గుడ్డులోని ప్రోటీన్లు రక్తంలోని చక్కెర స్థాయిలను నియంత్రించడానికి ఎంతో సహాయపడతాయని చెబుతున్నారు.

2011 లో British Journal of Medicine లో ప్రచురితమైన ఒక సర్వే ప్రకారం.. టైప్ 2 డయాబెటిస్ పేషెంట్లు రోజుకు కనీసం  2 గుడ్లను తింటే  Bad cholesterol తగ్గుతుందని తేల్చి చెప్పారు. అంతేకాదు దీనివల్ల బ్లడ్ షుగర్, లిపిడ్ ప్రొఫైల్ మెరుగుదల కనిపించిదని పేర్కొనబడింది. ముఖ్యంగా రోజుకు రెండు గుడ్లు తినే వారిలో రక్తపోటు, షుగర్ లెవెల్స్ నియంత్రణలో ఉన్నాయట. కానీ వీరు రోజుకు ఒకటి కంటే ఎక్కువ గుడ్లు తింటే ఆరోగ్యానికి మంచిది కాదని నిపుణులు చెబుతున్నారు. 

=

మధుమేహ వ్యాధిగ్రస్తులు High glycemic index ఉన్న ఆహార పదార్థాలను అస్సలు తినకూడదు. ఎందుకంటే వీటిని తినడం వల్ల గూకోజ్ లెవెల్స్ అమాంతం పెరుగుతాయి. దీంతో వారు అనారోగ్యం బారిన పడొచ్చు. కాబట్టి  మధుమేహ రోగులు ప్రాసెస్ చేసిన ఫుడ్, మాంసం, ప్యాకెట్ ఫుడ్ వంటి వాటికి దూరంగా ఉంటేనే మంచిది.