చలికాలంలో ఏ లిప్ స్టిక్ వాడితే బెటర్?

సాధారణంగా మహిళలు అందంగా, యవ్వనంగా కనబడాలని కోరుకుంటారు. ఆడవారి అందాన్ని పెంచడంలో లిప్ స్టిక్ ది ముఖ్య పాత్ర. లిప్ స్టిక్ పెదాలను అందంగా మార్చడమే కాకుండా మొహాన్ని కాంతివంతగా మెరిసేలా చేస్తుంది. కాబట్టి సరైన లిప్ స్టిక్ షేడ్స్ సెలెక్ట్ చేసుకోవడం ముఖ్యం.

మాములుగా స్కిన్ టోన్ కి సరిపోయే లిప్ స్టిక్ వాడినప్పుడే ఆడవారి అందం మరింత మెరుస్తుంది. అయితే సీజన్ మారేకొద్దీ.. లిప్ కాస్మెటిక్స్‌లో ట్రెండ్స్ మారుతుంటాయి. మరి చలికాలంలో ఎలాంటి లిప్ స్టిక్స్ వాడితే బాగుంటుంది. అవి మీ అందాన్ని ఎలా పెంచుతాయో ఇప్పుడు చూద్దాం.

చలికాలంలో సరైన లిప్ స్టిక్ షేడ్ ని ఎంచుకోవడం వల్ల మేకప్ లుక్ ను మరింత ఎలివేట్ చేసుకోవచ్చు. ప్రస్తుతం బోల్డ్ బెర్రీ టోన్లు చాలా ట్రెండింగ్ లో ఉన్నాయి. ఇవి ఏ లుక్‌కి అయినా మరింత గ్లామర్ ను జోడిస్తాయి. ఈ షేడ్స్ ఈ సీజన్‌లో బోల్డ్ స్టేట్‌మెంట్‌లను చేయడానికి సరైనవని కాస్మోటిక్ నిపుణులు చెబుతున్నారు.

అన్ని స్కిన్ టోన్లకు..

బెర్రీ టోన్లు చాలా ఆకర్షణీయమైనవి. ఈ షేడ్స్ అన్ని స్కిన్ టోన్లకు సెట్ అవడమే కాకుండా మరింత  అందంగా మారుస్తాయి. లైట్ స్కిన్ నుంచి డార్క్ స్కిన్ టోన్ల వరకు.. సరిపోయే అన్ని బెర్రీ లిప్ షేడ్స్ అందుబాటులో ఉన్నాయి.

లైట్ స్కిన్ కోసం..

క్రాన్‌బెర్రీ లేదా బ్లష్ రాస్ప్బెర్రీ లాంటి సాఫ్ట్ వైన్ బెర్రీ లిప్ స్టిక్.. లైట్ స్కిన్ టోన్ కి సరిపోతుంది. ఇది మీ అందంతో పాటు ఆత్మవిశ్వాసాన్ని పెంచుతుంది.

గ్లామరస్ లుక్ కోసం..

బెర్రీ షేడ్స్... పెదాలను మరింత ఆకర్షణీయంగా, మృదువుగా మారుస్తాయి. పూర్తి పగటి లుక్ కోసం మ్యాట్ బెర్రీ లిప్ స్టిక్ ను ట్రై చేయండి. ఇది రోజంతా పెదవులను తేమగా, మృదువుగా ఉంచడంతో పాటు రక్షణగా కూడా ఉంటుంది.

ముందుగా ఇలా చేయండి

లిప్ స్టిక్ వేసుకునే ముందు పెదాలను ఎక్స్‌ఫోలియేట్ చేయాలి. ఆ తర్వాత సరైన లిప్ అవుట్‌లైన్ ఇవ్వడానికి ఖచ్చితమైన మ్యాచింగ్ లిప్ పెన్సిల్ ను ఉపయోగించాలి. అనంతరం మీకు ఇష్టమైన బెర్రీ లిప్ స్టిక్ లేదా గ్లాస్‌ను అప్లై చేయండి.