chanakya niti tips: ఆచార్య చాణక్యకు రాజకీయవేత్త, దౌత్యవేత్త, వ్యూహకర్త, ఆర్థిక శాస్త్రాలపై అపారమైన పరిజ్ఞానం ఉంది. చాణక్య నీతి శాస్త్రంలో ఆచార్య చాణక్యుడు ఇలాంటి కొన్ని విషయాలను వివరించాడు.. ఇతని ప్రకారం.. మనం ప్రతి రోజూ ఉదయాన్నే కొన్ని పనులు చేస్తే ఎన్నో సమస్యలు తొలగిపోతాయి. డబ్బు సమస్యలు అసలే ఉండవు. ఇందుకోసం ఏం చేయాలంటే?
chanakya niti tips: ఆచార్య చాణక్యుడు ప్రజల సమస్యలను తొలగించే ఎన్నో విషయాలను చెప్పారు. వీటిని జీవితంలో అవలంబించడం వల్ల మనకున్న ఎన్నో సమస్యలు పూర్తిగా తొలగిపోతాయని చాణక్య నీతిలో చెప్పబడింది. చాణక్య నీతి ప్రకారం.. ఉదయం నిద్రలేవగానే ఎలాంటి పనులు చేస్తే ఇంట్లో డబ్బుకు కొదవ ఉండదో ఇప్పుడు తెలుసుకుందాం..
ఈ పని చేయండి
బ్రహ్మ ముహూర్తంలోనే రోజూ నిద్రలేవాలని ఆచార్య చాణక్యుడు చెబుతాడు. ఎందుకంటే ధార్మిక దృక్పథంతో పాటుగా ఆరోగ్య పరంగా కూడా ఈ అలవాటు మంచిదని భావిస్తారు. ఉదయాన్నే నిద్రలేవడం విజయానికి తొలి మెట్టని ఆచార్య చాణక్యుడు చెప్తాడు. ఆ తర్వాత స్నానం మొదలైన కార్యక్రమాలను పూర్తి చేసుకుని భగవంతుడిని ధ్యానించాలి. ఇది ఒక వ్యక్తి జీవితంలో అనేక సానుకూల ఫలితాలకు దారితీస్తుంది.
పురోగతి సాధించే మార్గాలు
స్నానం చేసిన తర్వాత సూర్యభగవానుడికి నీటిని సమర్పించాలి. ఇలా చేయడం వల్ల మీకు పురోగతి అవకాశాలు ప్రారంభమవుతాయి. సూర్యునికి అర్ఘ్యం సమర్పించిన తర్వాత భగవంతుని నామాన్ని జపించాలి. ఆ తర్వాత ఈ పూలమాలతో పాటుగా గంధాన్ని నారాయణుడికి సమర్పించాలి. ఆ తర్వాత ఈ గంధాన్ని నుదుటికి, మెడకు మీరు పెట్టుకోవాలి. ఇలా చేయడం వల్ల భగవంతుని అనుగ్రహంతో పాటుగా మానసిక ప్రశాంతత మీకు లభిస్తుంది.
ఆరోగ్యం
ఆచార్య చాణక్యుడి ప్రకారం.. ఆరోగ్యంగా ఉండటం మన మొదటి ఆనందం. అందుకే మిమ్మల్ని మీరు ఆరోగ్యంగా ఉంచడానికి ప్రత్యేక శ్రద్ధ వహించాలి. ఇందుకోసం ఉదయాన్నే నిద్రలేచి ఆరోగ్యం కోసం కొంత సమయం కేటాయించి యోగా, వ్యాయామం చేయండి. ఎందుకంటే ఆరోగ్యం బాగుంటేనే మీరు మీ లక్ష్యంపై దృష్టి పెట్టగలుగుతారు.