ఒక సంవత్సరం, రెండు సంవత్సరాలు వాడిన తర్వాత.. బెడ్ షీట్స్ పాతగా మారిపోతాయి.. కలర్ షేడ్ అయిపోతాయి... మరకలు పడుతూ ఉంటాయి. దీంతో.. వాటిని తీసేసి కొత్తవి వేసుకుంటాం. ఆ పాత వాటిని ఎం చేసుకుంటాం అని పడేస్తూ ఉంటాం.
మన ఇంట్లో పాత వస్తువులు ఏవి ఉన్నా పారేస్తూనే ఉంటాం. వాటి స్థానంలో కొత్త వాటిని రీప్లేస్ చేస్తూ ఉంటాం. అలాంటి వాటిలో బెడ్ షీట్స్ కూడా ఉంటాయి. ఒక సంవత్సరం, రెండు సంవత్సరాలు వాడిన తర్వాత.. బెడ్ షీట్స్ పాతగా మారిపోతాయి.. కలర్ షేడ్ అయిపోతాయి... మరకలు పడుతూ ఉంటాయి. దీంతో.. వాటిని తీసేసి కొత్తవి వేసుకుంటాం. ఆ పాత వాటిని ఎం చేసుకుంటాం అని పడేస్తూ ఉంటాం. కానీ.. అవి మళ్లీ బెడ్ షీట్స్ గా వాడకపోయినా.. వాటిని చాలా రకాలుగా ఉపయోగించవచ్చు తెలుసా?
పాత బెడ్ షీట్స్ ని పడేయకుండా.. ఎన్ని రకాలుగా వాడొచ్చో.. ఇప్పుడు ఓసారి చూద్దాం..
మనం దాదాపు కూరగాయలు తెచ్చుకోవడానికి ప్లాస్టిక్ బ్యాగ్స్ వాడుతూ ఉంటాం. ఆ ప్లాస్టిక్ బ్యాగులకు బదులు.. మిగిలిపోయిన బెడ్ షీట్ తో మంచిగా క్లాత్ బ్యాగ్ కొట్టుకోవచ్చు. మీకు కుట్టడం రాకపోతే.. చిన్న కుట్టుమిషన్ దగ్గరైనా రెండు మూడు కుట్లతో కుట్టించేయవచ్చు. దానికి పెద్దగా ఖర్చు అవ్వదు. మంచిగా కూరగాయలు తీసుకువెళ్లడానికి ఉపయోగపడుతుంది. క్లాత్ బ్యాగ్ వాడటకం పర్యావరణానికి కూడా మేలు చేస్తుంది.
అంతేకాదు.. మీ పాత బెడ్ షీట్ ని కొంచెం చిన్న చిన్న ముక్కలుగా.. ఒక పది చేసుకోండి. ఆ ముక్కలను ఇంట్లో పలు చోట్ల దుమ్ము దులుపుకోవడానికి, ఇంట్లో ని వస్తువులను క్లీన్ చేసుకోవడానికి ఉపయోగించవచ్చు. కాటన్ క్లాత్ కాబట్టి... ఇంట్లో వస్తువులను శుభ్రం చేయడం చాలా సులభంగా ఉంటుంది. వాటిని ఉతకడం కూడా ఈజీగానే ఉంటుంది.
ఇక మనం బెడ్ షీట్స్ ని దాదాపు సాఫ్ట్ గా ఉండే క్లాతులనే ఎంపిక చేసుకుంటాం. కాబట్టి... వాటిని నీట్ గా కట్ చేసి పిల్లలకు న్యాప్ కిన్స్ గా కూడా వాడొచ్చు. డబల్ లేయర్డ్ గా మార్చి న్యాప్ కిన్ గా కుట్టాలి. ఇది ఎకో ఫ్రెండ్లీగా ఉంటుంది. తిరిగి వాష్ చేసుకోవడం కూడా సులభంగా ఉంటుంది. నీట్ గా కుట్టి ఇస్తే సరిపోతుంది.
ఇక ఎక్కువ బెడ్ షీట్స్ మిగిలిపోతే.... అన్నింటినీ కలిపి మంచిగా బొంతలాగా కూడా కుట్టించుకోవచ్చు. ఇవి కుట్టించడానికి కూడా పెద్దగా ఖర్చు అవ్వదు. ఒక్కసారి బొంతలాగా కుట్టిస్తే.. చాలా కాలం పాటు దానిని వాడుకోవచ్చు.
బెడ్ షీట్స్ ఎక్కువ కాలం వాడినా కొన్ని.. చూడటానికి ప్రెట్టీగానే ఉంటాయి. కాబట్టి.. పర్యవారణ కాలుష్యం అవ్వకుండా.. మంచిగా గిఫ్ట్ కవర్స్ గా కూడా వాడొచ్చు. లేదంటే.. రిబ్బన్స్ లాగా కట్ చేసి కూడా రీయూజ్ చేయవచ్చు.
అలా కూడా కాదు అంటే.. మీరు వాడని బెడ్ షీట్ ని మీ ఇంట్లో పెట్స్ ఉంటే.. వాటికి దుప్పటిలాగా, లేదంటే.. బెడ్ లాగా కూడా వాడొచ్చు. వాటి సైజు ప్రకారం కట్ చేసి వాడుకోవచ్చు.
ఇలా కూడా కాదు అంటే... మీరు మీ ఇంట్లో డైనింగ్ టేబుల్ ఉంటే.. దానిపై టేబుల్ క్లాత్ గా కూడా వాడుకోవచ్చు. అంచులను నీట్ గా కట్ చేసి.. కుడితే.. మంచి టేబుల్ క్లాత్ అవుతుంది.
బయటకు పిక్ నిక్ కి వెళ్లినప్పుడు ఈ బెడ్ షీట్స్ తీసుకొని వెళ్లాలి. వీటిని కింద వేసుకొని కూర్చోని తినడానికి సహాయపడుతుంది. చేతులు అవి తుడుచుకోవడానికి కూడా ఉపయోగపడుతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి