Strange disease: కొన్ని రోగాలు చాలా వింతగా ఉంటాయి. అవి వస్తే అలా జీవితాంతం బతకడమే కానీ ఎలాంటి మందులు ఉండవు. అలాంటి రెండు వింతైన రోగాల గురించి ఇక్కడ చెప్పాము.
ఆధునిక కాలంలో వైద్య శాస్త్రం ఎంతో పురోగతి చెందుతోంది. ఏ వ్యాధికైనా చికిత్సను కనిపెట్టే దశలో ఇప్పుడు వైద్య రంగం ఉంది. కానీ కొన్ని వ్యాధులు మాత్రం ఇప్పటికే వైద్యులకు సవాలు విసురుతూనే ఉన్నాయి. సాధారణంగా మనిషి ఆహారం తీసుకోవడం, నడవడం, ఆలోచించడం వంటి పనులు సహజంగా జరుగుతాయి. కానీ కొన్ని అరుదైన వ్యాధులు వచ్చినప్పుడు మనిషి ప్రవర్తనలో, శరీరంలో ఊహించని మార్పులు వస్తాయి. అలాంటి వాటిలో ఒకటి మనిషిని గడ్డి తినేలా చేసే వ్యాధి కాగా, మరొకటి శరీరాన్ని క్రమంగా రాయిలా మార్చే పరిస్థితి. ఈ వ్యాధులు చాలా అరుదుగా కనిపిస్తాయి.
24
గడ్డి తినేలా చేసే వ్యాధి
గడ్డి తినేలా చేసే అరుదైన వ్యాధి ఒకటుంది. దీన్ని బోయాంత్రోపీ (Boanthropy) అంటారు. ఇది ఒక రకమైన తీవ్రమైన మానసిక సమస్యగా చెబుతారు వైద్య నిపుణులు. ఈ సమస్య ఉన్న వ్యక్తులు తాము మనుషులం అనే ఆలోచన కూడా మర్చిపోతారు. తాము జంతువులనకుంటారు. ముఖ్యంగా తాము ఆవులం లేదా ఇతర జంతువులం అని భావించి వాటిలాగే ప్రవర్తించడానికి ప్రయత్నిస్తారు. కొందరు వ్యక్తులు జంతువుల మాదిరిగా నేలపై నడవడం, గడ్డి తినడం వంటి పనులు కూడా చేయవచ్చు. మెదడులోని ఆలోచనా విధానంలో వచ్చే మార్పులు, కొన్ని మానసిక సమస్యలు ఈ పరిస్థితికి కారణం కావచ్చని నిపుణులు భావిస్తున్నారు. సరైన చికిత్స, వైద్యుల సలహా, కౌన్సెలింగ్ ద్వారా ఈ సమస్యను నియంత్రించేందుకు ప్రయత్నిస్తారు.
34
శరీరాన్ని రాయిలా మార్చే వ్యాధి
ఇక మరో వింతైన వ్యాధి స్టోన్మ్యాన్ సిండ్రోమ్ (Stone Man Syndrome). దీనిని వైద్య భాషలో ఫైబ్రోడిస్ప్లాసియా ఆసిఫికన్స్ ప్రోగ్రెసివా (FOP) అని పిలుస్తారు. ఇది జన్యుపరంగా వచ్చే అరుదైన వ్యాధి. ఈ వ్యాధి ఉన్నవారి శరీరంలోని కండరాలు, కణజాలాలు క్రమంగా ఎముకల్లాగా గట్టిపడతాయి. సాధారణంగా కదలాల్సిన భాగాలు నెమ్మదిగా గట్టిపడటం వల్ల చేతులు, కాళ్లు, మెడ వంటి భాగాలను కదపడం కష్టంగా మారుతుంది. శరీరం లోపల అదనంగా ఎముకలు పెరగడం వల్ల కదలికలు తగ్గిపోతాయి. ఈ కారణంగానే దీనికి స్టోన్మ్యాన్ సిండ్రోమ్ అనే పేరు వచ్చింది.
ఈ రెండు వ్యాధులకు పూర్తిగా నయం చేసే చికిత్స లేదు. అయితే వైద్యులు లక్షణాలను తగ్గించడం వరకు సాయం చేస్తారు. రోగులు జీవన నాణ్యత మెరుగుపరచడం కోసం చికిత్స అందిస్తారు. ఇటువంటి అరుదైన వ్యాధులు మనిషి ఎంత జాగ్రత్తగా ఉండాలో చెబుతున్నాయి. సాధారణంగా మనకు తెలిసిన ఆరోగ్య సమస్యలకు భిన్నంగా ఉండే ఈ పరిస్థితులు వైద్య పరిశోధనలకు కూడా ముఖ్యమైన అంశాలుగా మారాయి. శరీరంలో చిన్న మార్పు కూడా మనిషి జీవన విధానాన్ని ఎంతగా ప్రభావితం చేయగలదో ఈ వ్యాధులు చూపిస్తున్నాయి.
