Railway Jobs : తెలుగు యువతకు బంపరాఫర్.. డిగ్రీ పాసైతే చాలు సికింద్రాబాద్ లో రైల్వే జాబ్

రైల్వే రిక్రూట్‌మెంట్ బోర్డ్ (RRB) దేశవ్యాప్తంగా 119 సెక్షన్ కంట్రోలర్ పోస్టుల భర్తీకి నోటిఫికేషన్ జారీ చేసింది. డిగ్రీ పాసైన అర్హులైన అభ్యర్థులు ఈ పోస్టులకు ఆన్‌లైన్‌లో అప్లై చేసుకోవచ్చు. సికింద్రాబాద్ లో కూడా పోస్టులున్నాయి.

రైల్వే జాబ్స్ భర్తీకి ఆర్ఆర్బి నోటిఫికేషన్

Indian Railway Jobs : ప్రభుత్వ ఉద్యోగం సాధించాలనేది చాలామంది యువతీయువకుల కల.. ఇందుకోసం రాత్రింభవళ్లు కష్టపడుతుంటారు. ఇలాంటి తెలుగు యువతకు ఇండియన్ రైల్వేస్ బంపరాఫర్ ఇచ్చింది... రైల్వే రిక్రూట్‌మెంట్ బోర్డ్ (RRB) ఉద్యోగాల భర్తీకి ప్రకటన విడుదల చేసింది. దేశవ్యాప్తంగా వివిధ రైల్వే జోన్లలో ఖాళీగా ఉన్న సెక్షన్ కంట్రోలర్ (Section Controller - CEN No.03/2026) పోస్టుల భర్తీకి అధికారిక నోటిఫికేషన్ జారీ చేసింది. డిగ్రీ పాసైన వాళ్లు ఆన్‌లైన్‌లో అప్లై చేసుకోవచ్చు.

రైల్వే ఉద్యోగాల భర్తీకి సంబంధించి కీలక తేదీలు...

ఆన్‌లైన్ అప్లికేషన్ ప్రారంభం : జూలై 15, 2026.

అప్లై చేయడానికి చివరి తేదీ : ఆగస్టు 14, 2026.

ఫీజు చెల్లించడానికి చివరి తేదీ : ఆగస్టు 16, 2026.

అప్లికేషన్ కరెక్షన్ విండో : 2026 ఆగస్టు 17 నుంచి 26 వరకు.

స్క్రైబ్ (Scribe) వివరాలు ఇవ్వడానికి : 2026 ఆగస్టు 27 నుంచి 31

CBT పరీక్షతో పాటు రిక్రూట్మెంట్ కు సంబంధించిన వివరాల కోసం RRB వెబ్ సైట్ ను తరచూ పరిశీలిస్తూ ఉండాలి.

దరఖాస్తు ఫీజు :

జనరల్/ఓబీసీ/ఈడబ్ల్యూఎస్ అభ్యర్థులకు: రూ. 500.

ఎస్సీ/ఎస్టీ/మహిళలు/ట్రాన్స్‌జెండర్/మాజీ సైనికులు/దివ్యాంగులకు: రూ. 250.

జోన్లవారిగా ఖాళీలు..

దేశవ్యాప్తంగా మొత్తం 119 సెక్షన్ కంట్రోలర్ పోస్టులను భర్తీ చేస్తున్నారు. వివిధ రైల్వే జోన్ల (Zones) వారీగా ఖాళీల వివరాలు ఇక్కడ ఉన్నాయి.

సికింద్రాబాద్ : 05 పోస్టులు

బెంగళూరు : 08 పోస్టులు

చెన్నై : 09 పోస్టులు

అహ్మదాబాద్ : 11 పోస్టులు

అజ్మీర్ : 01 పోస్టు

భోపాల్ : 06 పోస్టులు

భువనేశ్వర్ : 06 పోస్టులు

బిలాస్‌పుర్ : 04 పోస్టులు

చండీగఢ్ : 06 పోస్టులు

గౌహతి: 01 పోస్టు

జమ్మూ & శ్రీనగర్ : 10 పోస్టులు

కోల్‌కతా : 08 పోస్టులు

మాల్డా : 07 పోస్టులు

ముంబై : 06 పోస్టులు

ముజఫర్‌పుర్ : 03 పోస్టులు

పాట్నా : 06 పోస్టులు

ప్రయాగ్‌రాజ్ : 04 పోస్టులు

రాంచీ : 14 పోస్టులు

సిలిగురి : 05 పోస్టులు

గోరఖ్‌పుర్ : 05 పోస్టులు

తిరువనంతపురం : 04 పోస్టులు

రైల్వే ఉద్యోగాలకు అర్హతలు...

విద్యార్హతలు :

అభ్యర్థులు గుర్తింపు పొందిన యూనివర్సిటీ నుంచి ఏదైనా సబ్జెక్టులో డిగ్రీ (Graduate Degree) పాసై ఉండాలి.

వయోపరిమితి :

అభ్యర్థుల వయసు కనీసం 20 ఏళ్లు, గరిష్ఠంగా 33 ఏళ్ల లోపు ఉండాలి. జూలై 1, 2026 నాటి వయసును పరిగణలోకి తీసుకుంటారు.

ఓబిసి (నాన్ క్రిమిలేయర్ (NCL) - 3 ఏళ్లు సడలింపు ఉంటుంది.

ఎస్సి, ఎస్టి - 5 ఏళ్లు

మాజీ సైనికులు (కనీసం 6 నెలలు ఆర్మీలో పనిచేసివుండాలి) - రిజర్వేషన్ ను బట్టి 3 ఏళ్ల నుండి 8 ఏళ్లు

దివ్యాంగులు - రిజర్వేషన్ ను బట్టి 10 నుండి 15 ఏళ్లు సడలింపు ఇస్తారు.

వితంతువులు, విడాకులు తీసుకుని ఒంటరిగా జీవిస్తున్న మహిళలకు కూడా ప్రత్యేకంగా వయోపరిమితి సడలింపు కల్పించారు.

సెలెక్షన్ ప్రాసెస్, శాలరీ

ఎంపిక విధానం

రైల్వేలో సెక్షన్ కంట్రోలర్ ఉద్యోగాలను మొత్తం నాలుగు దశల్లో ఎంపిక చేస్తారు.  

సింగిల్ స్టేజ్ కంప్యూటర్ బేస్డ్ టెస్ట్ (CBT)

కంప్యూటర్ బేస్డ్ ఆప్టిట్యూడ్ టెస్ట్ (CBAT)

డాక్యుమెంట్ వెరిఫికేషన్ (Document Verification)

మెడికల్ ఎగ్జామినేషన్ (Medical Examination)

శాలరీ :

ఎంపికైన అభ్యర్థులకు నెలకు రూ. 35,400 ప్రారంభ జీతం ఉంటుంది… ఇతర రైల్వే ఉద్యోగుల మాదిరిగానే అలవెన్సులు వర్తిస్తాయి. కేంద్ర ప్రభుత్వ ఉద్యోగాలు కాబట్టి క్రమంగా శాలరీ ఇంక్రిమెంట్, ప్రమోషన్లు ఉంటాయి. 

ఈ రైల్వే సెక్షన్ కంట్రోల్ ఉద్యోగాలపై ఆసక్తి కలిగివుండి, అన్ని అర్హత ఉన్న అభ్యర్థులు మరిన్ని వివరాల కోసం రైల్వే రిక్రూట్‌మెంట్ బోర్డ్ అధికారిక వెబ్‌సైట్‌ను సందర్శించవచ్చు.