Jobs : ఏఐ ఎంత అభివృద్ధి చెందినా ఈ ఉద్యోగాలకు ఢోకా ఉండదు ... అవేంటో తెలుసా?
కృత్రిమ మేధ (AI) ఎంట్రీతో అనేక రంగాల్లో మనుషుల అవసరం ఉండదని... చాలా ఉద్యోగాలు కనుమరుగయ్యే ప్రమాదం ఉందని ప్రచారం జరుగుతోంది. ఇలాంటి సమయంలో టెక్ దిగ్గజం బిల్ గేట్స్ ఏఐ ప్రభావం ఉండని ఉద్యోగాల గురించి తెలిపారు. ఆ ఉద్యోగాలేమిటంటే..
ఈ టెక్ జమానాలో ఆర్టిఫిషియల్ ఇంటెలిజెన్స్ (AI)అద్భుతాలు చేస్తోంది... మనిషి సృష్టించిన ఈ టెక్నాలజీ మానవ మేధస్సునే డామినేట్ చేస్తోంది. తన సౌలభ్యంకోసం రూపొందించిన అత్యాధునిక టెక్నాలజీ ఇప్పుడు మనిషి మనుగడనే ప్రశ్నార్థకంగా మారుస్తోంది... ఈ ఏఐ కూడా అలాంటిదే అనే ఆందోళన వ్యక్తమవుతోంది. అన్ని రంగాల్లోనూ ఆర్టిఫిషియల్ ఇంటెలిజెన్స్ ఎంటర్ అయితే ఉద్యోగాలు, ఉపాధి అవకాశాలు దెబ్బతింటాయనే వాదన వుంది. ఇలా ఏఐ వల్ల సామాన్య ఉద్యోగులే కాదు ఆయా రంగాల్లో నిపుణులు కూడా రోడ్డునపడే ప్రమాదముందనే ప్రచారం జోరుగా సాగుతోంది.
ఏఐ టెక్నాలజీ ఉపయోగాలు ఏమోగాని దుష్పరిణామాలపైనే పెద్దఎత్తున చర్చ జరుగుతోంది. ఈ క్రమంలో తాజాగా టెక్ దిగ్గజం, మైక్రోసాఫ్ట్ అధినేత బిల్ గేట్స్ ఈ ఏఐ గురించి ఆసక్తికర కామెంట్స్ చేసారు. ఇది ఏయే రంగాలపై ప్రభావం చూపుతుందో కాదు ఏ రంగాలపై ప్రభావం చూపలేదో వివరించారు. ఏఐ ఎంతలా అభివృద్ధి చెందినా ఓ మూడు రంగాలను మాత్రం ప్రభావితం చేయలేదని బిల్ గేట్స్ పేర్కొన్నారు. కాబట్టి ఆ రంగాల్లోని ఉద్యోగులు ఏఐ గురించి ఆందోళన చెందకుండా నిశ్చింతంగా ఉండవచ్చని మైక్రోసాఫ్ట్ వ్యవస్థాపకులు ఆసక్తికర విషయాలు వెల్లడించారు.