Beer price: ఆకాశన్నింటిన బీర్ ధరలు.. గోవాకు మనకు ఎంత తేడానో తెలుసా.?
సమ్మర్లో చల్లగా బీర్ వేద్దామని అనుకుంటున్న మద్యం ప్రియులకు తెలంగాణ ప్రభుత్వం షాకింగ్ న్యూస్ చెప్పింది. రాష్ట్రంలో బీరు ధరలు పెంచుతూ నిర్ణయం తీసుకున్న విషయం తెలిసిందే. పెరిగిన ధరలు ఫిబ్రవరి 11వ తేదీ నుంచి అమల్లోకి వచ్చాయి. ఈ నేపథ్యంలో తెలంగాణలో బీరు ధరలు ఏమేర పెరిగాయో ఇప్పుడు తెలుసుకుందాం..
సమ్మర్లో బీర్ల అమ్మకాలు పెరగడం సర్వసాధారణం. ఓ లెక్క ప్రకారం ప్రతీ 5గురు మందు ప్రియుల్లో ముగ్గురు బీర్ తాగుతున్నారంటా. దీనిబట్టే అర్థం చేసుకోవచ్చు బీర్లకు ఎంత డిమాండ్ ఉంటుందో. వేడి వాతావరణంలో చల్లగా బీర్ వేద్దామని ఆశించే వారి జేబులకు చిల్లు పెడుతూ తెలంగాణ ప్రభుత్వం ధరలను పెంచుతూ నిర్ణయం తీసుకుంది. ఒక్కో బీర్పై ఏకంగా 15 శాతం వరకు పెంచారు. సమ్మర్లో బీర్ల అమ్మకాలు పెరగనున్న నేపథ్యంలో ప్రభుత్వం తీసుకున్న నిర్ణయంతో ప్రభుత్వా ఖజానాకు అదనంగా నెలకు రూ. 300 కోట్ల ఆదాయం వచ్చే అవకాశాలు ఉన్నాయని అధికారులు అంచనా వేస్తున్నారు.
గత కొన్ని రోజులుగా రాష్ట్రంలో ధరలను పెంచాలని లిక్కర్ కంపెనీలు ప్రభుత్వాన్ని డిమాండ్ చేస్తున్న విషయం తెలిసిందే. మల్టీనేషనల్ బీర్ల కంపెనీ తమకు ప్రస్తుతం చెల్లిస్తున్న బేసిక్ ధర మీద కనీసం 30 శాతం పెంచాలని ప్రభుత్వాన్ని కోరింది. అయితే బీర్ల ధరల పెంపుపై ప్రభుత్వం ఏర్పాటు చేసిన త్రిసభ్య కమిటీ 15 నుంచి 19 శాతం వరకు ధరలను పెంచొచ్చని నివేదిక అందించిన నేపథ్యంలో రాష్ట్ర ప్రభుత్వం బేసిక్ ధరలు 15 శాతం పెంచుతూ నిర్ణయం తీసుకుంది.