డయాబెటీస్( మధుమేహం) చాలా ప్రమాదకరం. ఈ మధ్యకాలంలో వయసుతో తేడా లేకుండా చాలా మంది ఈ వ్యాధిభారిన పడుతున్నారు. ఆ తర్వాత దానిని తగ్గించుకునేందుకు చాలా తిప్పలు పడుతున్నారు.
undefined
డయాబెటిస్ అనేది కొందరిలో ఒక్కసారిగా కొట్టొచ్చినట్లు తెలుస్తాయి. మరికొందరిలో శరీరంలో కొన్ని లక్షణాలు కనబడ్డా దాన్ని అంత త్వరగా డయబెటిస్ లక్షణాలుగా గుర్తించరు. కొంత కాలానికి నిదానంగా బయట పడుతుంది. కాబట్టి డయాబెటిస్ వెంటనే బయట పడినా.. లేదా కొద్ది రోజుల తర్వాత తెలిసినా ప్రారంభ లక్షణాలను డాక్టర్ ద్వారా తెలుసుకొని వాటికి సరైన చికిత్సను తీసుకోవాలి
undefined
అసలు డయాబెటిస్ ని ముందుగానే గుర్తించాలంటే.. దాని లక్షణాలు తెలిసి ఉండాలి.. అవేంటో ఓసారి చూద్దాం...
undefined
మాటిమాటికీ మూత్రాన్ని అతిగా విసర్జించటం: రక్తంలోని గ్లూకోజ్‌ పరిమాణం ఒక స్థాయికి మించి చేరుకున్నప్పుడు ఆ అధిక గ్లూకోజ్‌ని మూత్ర పిండాలు రక్తం నుండి వేరు చేస్తాయి. వేరు చేసిన గ్లూకోజ్‌ని విసర్జించటం కోసం మూత్రం అధికంగా ఉత్పత్తి అవుతుంది. మూత్రం ఎంతగా ఉత్పత్తి అవుతోంటే అంత తరచుగా ఆ వ్యక్తి మూత్ర విసర్జనకు వెళ్ళాల్సి వస్తుంటుంది. మాటిమాటికీ మూత్ర విసర్జన చేయటాన్ని పగలు ఎవ రూ అంతగా గమనించరు. కాని రాత్రులు రెండు మూ డు సార్లు వెళ్ళాల్సి వచ్చినప్పుడు స్పష్టంగా తెలుస్తుంది.
undefined
నోరు పొడారటం, అతిగా దప్పిక: మూత్రాన్ని అధికంగా విసర్జించుతున్నప్పుడు శరీరంలో నీరు తగ్గుతుంటుంది. దానితో నోరు పొడారటం, దప్పిక మొదలవుతాయి. దప్పికను తీర్చుకోవడం కోసం తీపి పానీయాల్ని తీసు కుంటే రక్తంలో గ్లూకోజ్‌ ఇంకా పెరిగి సమస్య మరింత జటిలమవుతుంది. అందువల్ల తీపి పదార్థాలు లేని మంచినీళ్ళు తాగటమే ఉత్తమం.
undefined
నీరసం, బలహీనత: ఎప్పుడూ అలిసిపోయినట్లుగా అనిపించి రోజువారీ కార్యక్రమాల్ని చేసుకోవటం కష్టసాధ్యంగా అనిపిస్తుంది. ఒకవేళ ఎప్పటికంటే ఎక్కువగా రెస్టు తీసుకున్నా లేక నిద్రపోయినా మరింతగా అలిసిపోయినట్లు అనిపిస్తుంది. శరీరానికి శ్రమంటూ లేకుండా ఉండే వారికి రక్తంలోని గ్లూకోజ్‌ శరీర కణ జాలంలోకి ప్రవేశించలేక రక్తంలోనే మిగిలి అధికం కావటం వల్ల ఇలా జరుగుతుంది. అలసటగా ఉన్నాసరే ఇలాంటి సమయంలో శరీరానికి ఎంతోకొంత శ్రమను కల్పిస్తే గ్లూకోజ్‌ శరీర కణాలలోకి ప్రవేశించి రక్తంలో అధికం కాకుండా ఉంటుంది.
undefined
బరువు తగ్గిపోవడం: రక్తంలోని గ్లూకోజ్‌ని వినియోగించ లేకపోయేసరికి శరీరం కండరాలలోనూ, వేరే చోట్లా ఉన్నా కొవ్వు నిలవల్ని శక్తి కోసం వినియోగించుకోవటం ప్రారంభిస్తుంది. దీనితో శరీరపు బరువు తగ్గడం ప్రారం భమవుతుంది.
undefined
మసక చూపు: రక్తంలో గ్లూకోజ్‌ పరిమాణం అధికం కాగానే కంటి కట కాలు గ్లూకోజ్‌ని, నీటినీ పీల్పుకోవటం మొదలెడతాయి. దీనితో అవి ఉబ్బి చూపు మసకేస్తుంది.
undefined
శ్వాసలో తీపివాసన: ఇది ఆఖరి లక్షణంగా కనిపిస్తుంది. రక్తంలో గ్లూకోజ్‌ పరిమాణం ప్రమాదకరమైన స్థితికి చేరుకున్నదనేందుకు సూచన ఇది. శక్తి కోసం శరీరం తనలోని కొవ్వు నిలవల్ని ఉపయోగించుకోవటం మొదల వగానే కీటోన్స్ అనబడే విషపదార్థాలు తయారవుతుంటాయి.శ్వాసలో తీపివాసన మొదలయిందంటే ఊపిరితిత్తుల ద్వారా శరీరం కీటోన్స్ ని విసర్జింపజేయటానికి ప్రయత్నిస్తోందని అర్థం చేసుకోవాలి. దీనితో పాటు తెమలటం, వాంతులు, పొత్తి కడుపులో నొప్పి కూడా మొదలయాయంటే వెంటనే చికిత్స కోసం హాస్పిటల్‌కి తరలించడం చేయాలి.
undefined