సాయి పల్లవి ఈ వార్త నిజమేనా? ఫ్యాన్స్ వెయిటింగ్ ఇక్కడ

సాయి పల్లవి ప్రభాస్ నటిస్తున్న 'ఫౌజీ' సినిమాలో నటించే అవకాశం ఉందని వార్తలు వస్తున్నాయి. ఈ సినిమాలో రెండో హీరోయిన్ పాత్ర కోసం ఆమెను సంప్రదించినట్టు తెలుస్తోంది. ఈ వార్త ఇప్పుడు సోషల్ మీడియాలో హాట్ టాపిక్ గా మారింది.

న్యాచురల్ బ్యూటీ సాయి పల్లవికి అన్ని చోట్లా  అభిమానులు ఉన్నారు. అందం, అభినయంతో తొలి చిత్రం నుంచే  సినీప్రియుల హృదయాల్లో చోటు సంపాదించుకుంది. ప్రస్తుతం ఆమె నటించిన లేటేస్ట్ మూవీ తండేల్ రిలీజ్ కు సిద్దంగా ఉంది.  అక్కినేని నాగ చైతన్య హీరోగా నటిస్తున్న ఈ చిత్రానికి చందు మొండేటి దర్శకత్వం వహించారు. ఇక ఆ తర్వాత సాయి పల్లవి చేయబోయే లిస్ట్ చాలా ఉంది. అయితే అందులో ప్రభాస్ సినిమా కూడా ఉందనే వార్త ఇప్పుడు అంతటా హాట్ టాపిక్ మారింది. 

ప్రస్తుతం ప్రభాస్ చేస్తున్న సినిమాల్లో అంత్యంత క్రేజ్ ఉన్న ప్రాజెక్టు  'ఫౌజీ' (Fauji Movie). అందులో కొత్త అమ్మాయి ఇమాన్ ఇస్మాయిల్ అలియాస్ ఇమాన్వీని హీరోయిన్ గా ఎంపిక చేశారు. అయితే, ఈ సినిమాలో మరొక హీరోయిన్ కు కూడా చోటు ఉందట. ఆ పాత్రలో నటించమని సాయి పల్లవిని సంప్రదించినట్టు మీడియాలో వార్తలు గుప్పు మన్నాయి

SaiPallavi

రెండో ప్రపంచ యుద్ధం నేపథ్యంలో 'ఫౌజీ' రూపొందుతోంది. ఇందులో ప్రభాస్ (Prabhas role in Fauji)ది బ్రాహ్మణ యువకుడి పాత్ర అని సమాచారం. నేతాజీ సుభాష్ చంద్రబోస్, ఆయన స్థాపించిన ఆజాద్ హిందూ ఫౌజ్ నేపథ్యంలో కొన్ని సన్నివేశాలు ఉంటాయట. సుమారు 30 నిమిషాల పాటు ఉండే ఆ ఫ్లాష్ బ్యాక్ ఎపిసోడ్ కోసం హీరోయిన్ గా సాయి పల్లవిని అడుగుతున్నారట.

ఆవిడతో పాటు మరికొంత మంది కూడా లిస్టులో ఉన్నారని, అయితే దర్శకుడు హను రాఘవపూడి ఫస్ట్ ఛాయస్ సాయి పల్లవి  అని వినిపిస్తోంది. రీసెంట్ గా ఆమెను కలిసి కథ, ఆ క్యారెక్టర్ గురించి చెప్పారని అయితే ఇంకా ఫైనల్ కాల్ తీసుకోలేదని అంటున్నారు.