Induction Safety: ఇండక్షన్ స్టవ్ ఉపయోగించే వారి సంఖ్య పెరుగుతోంది. అయితే వర్షాకాలంలో ఇండక్షన్ వాడేటప్పుడు జాగ్రత్తగా ఉండాలని నిపుణులు చెబుతున్నారు. చిన్న నిర్లక్ష్యం కూడా కరెంట్ షాక్కు దారితీయొచ్చని హెచ్చరిస్తున్నారు.
వర్షాకాలంలో ఇండక్షన్ వాడేటప్పుడు ఎందుకు జాగ్రత్త అవసరం?
ఇండక్షన్ స్టవ్ పూర్తిగా విద్యుత్పై పనిచేస్తుంది. వర్షాకాలంలో గాలిలో తేమ ఎక్కువగా ఉండటంతో విద్యుత్ లీకేజ్ ప్రమాదం పెరుగుతుంది. వైరింగ్ దెబ్బతిన్నా, ప్లగ్ సరిగా లేకపోయినా లేదా ఇన్సులేషన్ పాడైనా కరెంట్ షాక్ తగిలే అవకాశం ఉంటుంది. అందుకే ఇండక్షన్ను వాడే ముందు అది సురక్షిత స్థితిలో ఉందో లేదో ఒకసారి పరిశీలించడం మంచిది.
25
వైరింగ్, ప్లగ్లో సమస్య ఉంటే వెంటనే మార్చండి
ఇండక్షన్కు కనెక్ట్ చేసిన వైర్ చిరిగిపోయినా, ప్లగ్ లూజ్గా ఉన్నా లేదా వైర్పై ఉన్న ఇన్సులేషన్ తొలగిపోయినా వెంటనే వాటిని మార్చాలి. ఇలాంటి లోపాల వల్ల విద్యుత్ లీకేజ్ జరిగి ప్రమాదాలు సంభవించే అవకాశం ఉంటుంది. కాబట్టి పాత లేదా దెబ్బతిన్న వైర్లు ఉపయోగించకపోవడం సురక్షితం.
35
తడి చేతులతో ఇండక్షన్ను తాకొద్దు
నీరు విద్యుత్ను వేగంగా ప్రసారం చేస్తుంది. అందుకే తడి చేతులతో ఇండక్షన్ ఆన్ చేయడం, వేడి పాత్రను తాకడం లేదా తడి పాత్రతో పాలు, టీ వేడి చేయడం ప్రమాదకరం. ఇండక్షన్ ఉపయోగించే ముందు చేతులు పూర్తిగా తుడుచుకుని పొడిగా ఉన్నాయో లేదో చూసుకోవాలి. పాత్రలు కూడా పొడిగా ఉండేలా చూసుకోవడం మంచిది.
సరైన పాత్రలనే ఉపయోగించాలి.. ఆన్లో ఉన్నప్పుడు జాగ్రత్త
ఇండక్షన్కు అనుకూలంగా ఉండే పాత్రలనే ఉపయోగించాలి. సరిగా నిలవని లేదా సులభంగా జారిపోయే పాత్రలను ఉపయోగిస్తే ప్రమాదం జరిగే అవకాశం ఉంటుంది. అలాగే ఇండక్షన్ ఆన్లో ఉన్నప్పుడు దానిపై ఉన్న పాత్రను అనవసరంగా చేతితో తాకకూడదు. ఒకవేళ విద్యుత్ లీకేజ్ ఉంటే కరెంట్ షాక్ తగిలే ప్రమాదం ఉంటుంది.
55
కరెంట్ షాక్ తగిలితే వెంటనే ఏం చేయాలి?
ఎవరైనా కరెంట్ షాక్కు గురైతే ముందుగా మెయిన్ పవర్ స్విచ్ను వెంటనే ఆఫ్ చేయాలి. తర్వాత పొడి కర్ర, ప్లాస్టిక్ లేదా విద్యుత్ను ప్రసారం చేయని వస్తువుతో బాధితుడిని విద్యుత్ మూలం నుంచి దూరంగా చేయాలి. నేరుగా చేతులతో తాకకూడదు. బాధితుడు అపస్మారక స్థితిలోకి వెళ్లినా లేదా పరిస్థితి తీవ్రంగా కనిపించినా వెంటనే ఆసుపత్రికి తరలించి వైద్యుల చికిత్స అందించాలి. ఇలాంటి అత్యవసర పరిస్థితుల్లో ఆలస్యం చేయకుండా స్పందించడం చాలా ముఖ్యం.
