ఎండాకాలంలో చాలా మంది రోజూ పెరుగును తింటుంటారు. ఈ కాలంలో చాలా మంది పెరుగును మజ్జిగ లేదా లస్సీ చేసుకుని తాగుతుంటారు. కొంతమంది రాత్రిపూట కూడా పెరుగును తింటుంటారు. కానీ రాత్రిపూట పెరుగును తింటే ఏమౌతుందో తెలుసా?
ఎండాకాలంలో చల్ల చల్లగా ఉండే ఆహారాలనే తినడానికి ఇష్టపడతారు. ఈ సీజన్ లో శరీరాన్ని లోపలి నుంచి చల్లగా, హైడ్రేటెడ్ గా ఉంచడానికని చాలా మంది పెరుగును బాగా తింటుంటారు. వేసవిలో పెరుగుతో పాటుగా మజ్జిగ, లస్సీ ని బాగా తీసుకుంటుంటారు. నిజానికి పెరుగు మన ఆరోగ్యానికి ఎంతో మేలు చేస్తుంది. దీనిలో మన శరీరానికి అవసరమైన ఎన్నో రకాల విటమిన్లు, మినరల్స్ పుష్కలంగా ఉంటాయి. పెరుగు ప్రోబయోటిక్ కు గొప్ప వనరు. దీనిలో ఉండే మంచి బ్యాక్టీరియా మన గట్ ఆరోగ్యాన్ని మెరుగుపరుస్తుంది. చాలా మంది వేసవిలో రాత్రిపూట కూడా పెరుగును రాత్రి భోజనంతో తింటుంటారు. అసలు ఇలా తినడం ఆరోగ్యానికి మంచిదా? కాదా? అన్న సంగతిని ఇప్పుడు తెలుసుకుందాం పదండి.
ఆరోగ్య నిపుణుల అభిప్రాయం ప్రకారం.. పెరుగును రాత్రిపూట తినకూడదు. ఎందుకంటే రాత్రిపూట పెరుగు జీర్ణ కాదు. ఒకవేళ మీరు రాత్రి భోజనంలో పెరుగును తింటే అజీర్థి సమస్యను ఎదుర్కోవాల్సి వస్తుంది.
కొవ్వు, ప్రోటీన్ ఎక్కువ మొత్తంలో ఉండే పెరుగు పాల ఉత్పత్తి. ఇది రాత్రిపూట జీర్ణం కావడం కష్టం. ఎందుకంటే ఈ సమయంలో మన గ్యాస్ట్రైటిస్ వేగంగా ఉండదు. ఆయుర్వేదం ప్రకారం.. మీ శరీరంలో కఫ దోషం ఎక్కువగా ఉంటే రాత్రిపూట పెరుగు తినకూడదు. ఎందుకంటే దీనివల్ల దగ్గు, జలుబు సమస్యలు వస్తాయి. ఎందుకంటే ఇది శరీరంలో కఫాన్ని పెంచుతుంది.
ఉబ్బసం ఉన్నవారు కూడా రాత్రిపూట పెరుగును తినకూడదు. ఎందుకంటే ఇది శ్లేష్మాన్ని పెంచుతుంది. పెరుగు జిగట స్వభావాన్ని కలిగి ఉంటుంది. ఇది శరీరంలోని మార్గాలను కూడా బ్లాక్ చేస్తుంది. అలాగే డయాబెటిస్, బరువు పెరగడం, కొలెస్ట్రాల్ స్థాయిలు పెరగడం వంటి సమస్యలకు ఇది దారితీస్తుంది.
పెరుగును ఎప్పుడూ కూడా మార్నింగ్ బ్రేక్ ఫాస్ట్ లో లేదా మధ్యాహ్న భోజనంలో తినాలి. అలాగే రోజూ తినడం మానుకోవాలి. పెరుగు జీర్ణం కావడంలో ఇబ్బందిగా ఉన్నవారు లేదా కఫం ఎక్కువగా ఉన్నవారు పెరుగుకు బదులుగా మజ్జిగను తాగాలి. నిపుణుల అభిప్రాయం ప్రకారం.. రాత్రిపూట పెరుగు తినడం వల్ల కొంతమందికి ఎలాంటి సమస్యలు రావు. కానీ ఆయుర్వేదం ప్రకారం రాత్రిపూట పెరుగు తినకూడదు.