పాలకూర మన ఆరోగ్యానికి చాలా మంచిది. దీనిలో ఐరన్ పుష్కలంగా ఉంటుంది. రెగ్యులర్ గా మన ఆహారంలో భాగం చేసుకోవాలి. అయితే.. ఈ పాలకూరను చాలా మంది తప్పుడు పద్దతిలో తమ డైట్ లో భాగం చేసుకుంటున్నారంటే మీరు నమ్ముతారా? మీరు చదివింది నిజమే.. ఎలా పడితే అలా తింటే.. పాలకూరలోని పోషకాలు మన శరీరానికి అందవట. దానిని ఎలా ఉడికించి తింటే ఆరోగ్యానికి మంచిదో ఇప్పుడు తెలుసుకుందాం..
ఆకుకూరల్లో పాలకూరను ఇష్టపడనివారు చాలా తక్కువ మంది ఉంటారు. ఎందుకంటే.. పాలకూరల్లో చాలా పోషకాలు ఉంటాయి. చాలా మంది తమ రెగ్యులర్ డైట్ లో పాలకూర ఉండేలా చూసుకుంటూ ఉంటారు. అంతేకాదు.. పాలకూర వండటం కూడా చాలా సులభం. దీనిని ఒక్కొక్కరు ఒక్కోలా వండుకుంటూ ఉంటారు. దాని రుచి కూడా ఒక్కొక్కకరు వండే విధానాన్ని మారుతూ ఉంటుంది.
అయితే.. నిపుణుల ప్రకారం.. పాలకూర వండే విధానం చాలా మందికి తెలీదట. దీనిని వండే విషయాలో చాలా పొరపాట్లు చేస్తున్నారట. సరైన పద్దతిలో దీనిని వండకపోతే.. దానిలోని పోషకాలన్నీ తొలగిపోయే ప్రమాదం ఉందట. మరి.. దీనిని ఎలా కుక్ చేయడం వల్ల మాత్రమే మనకు.. అన్ని పోషకాలు అందుతాయో, దీనిని వేరే ఏ ఇతర పదార్థాలతో కలిపి తీసుకోవచ్చో ఇప్పుడు తెలుసుకుందాం..
పాలకూరలో పోషకాలు..
పాలకూరలో విటమిన్లు, ఖనిజాలు వంటి పోషకాలు, యాంటీ ఆక్సిడెంట్లు పుష్కలంగా ఉంటాయి. 100గ్రాముల పాలకూరలో 23 కేలరీలు పుష్కలంగా ఉంటాయి. దాదాపు 91 శాతం నీరు, 2.9 గ్రాముల ప్రోటీన్, 3.6 గ్రాముల కార్బోహైడ్రేట్స్, 0.4 గ్రాముల చక్కెర, 2.23 గ్రాముల ఫైబర్, .4 గ్రాముల ఫ్యాట్ ఇందులో పుష్కలంగా ఉంటాయి.
పాలకూరలో కళ్లను ఆరోగ్యంగా ఉంచే విటమిన్ ఎ, కెరోటినాయిడ్లు పుష్కలంగా ఉంటాయి. శక్తివంతమైన యాంటీఆక్సిడెంట్ అయిన విటమిన్ సి పాలకూరలో ఉంటుంది. విటమిన్ సి చర్మ ఆరోగ్యాన్ని, రోగనిరోధక శక్తిని మెరుగుపరుస్తుంది. గాయాల నుండి వెలువడే రక్తాన్ని గడ్డకట్టడానికి అవసరమైన విటమిన్ కె1 పాలకూరలో ఉంటుంది. గర్భిణులకు అవసరమైన పోషకం అయిన ఫోలేట్ లేదా విటమిన్ బి9 పాలక్ లో ఉంటుంది. ఇది కణజాల పెరుగుదలకు చాలా అవసరం.
పాలకూరలో ఐరన్ కూడా పుష్కలంగా ఉంటుంది. రక్తంలో హిమోగ్లోబిన్ ఏర్పడటానికి ఐరన్ సహాయపడుతుంది. ఇది శరీరంలోని కణజాలాలకు ఆక్సిజన్‌ను చేరవేస్తుంది. ఎముకల ఆరోగ్యానికి అవసరమైన కాల్షియం పాలకూరలో ఉంటుంది. అంతేకాకుండా నాడీ వ్యవస్థ, గుండె, కండరాలకు అవసరమైన ఖనిజం. ఇవి కాకుండా కీరాలో పొటాషియం, మెగ్నీషియం, విటమిన్లు బి6, బి9, ఇ కూడా ఉన్నాయి.
పాలకూరను ఎలా వండాలి?
పాలకూరను ఉడికించకుండా స్మూతీలాగా చేసుకుని తింటే మూత్రపిండాల్లో రాళ్లు వచ్చే అవకాశం ఉంది. ఇనుము, కాల్షియం వంటి ఖనిజాలను గ్రహించడాన్ని దీనిలోని ఆక్సాలిక్ యాసిడ్ అడ్డుకుంటుంది. అందువల్ల పచ్చిగా తినకూడదు. పాలకూరను పచ్చిగా తింటే దానిలోని ఫైబర్ కూడా తగ్గిపోతుంది, ఆక్సాలిక్ యాసిడ్ బయటకు వెళ్లదు. దీనివల్ల కాల్షియం లభించదు. అందుకే ఎప్పుడైనా సరే.. పాలకూరను ఉడికించి తినడమే మంచిది. అయితే అలా అని.. పాలకూరను ఎక్కువసేపు ఉడికించకూడదు. దీనివల్ల పోషకాలు నశిస్తాయి. పాలకూరను శుభ్రంగా కడిగిన తర్వతే వండుకొని తినాలి.
పాలకూరలోని ఐరన్, కాల్షియం మనకు అందాలంటే ఏం చేయాలంటే....
ఐరన్..
కేవలం పాలకూరను మాత్రమే తింటే దాని పోషకాలు పూర్తిగా లభించవు. పాలకూరను తినేటప్పుడు దానితో పాటు మరికొన్ని పదార్థాలను కూడా తినాలి. అంటే దీనిని వండుకుని తినేటప్పుడు విటమిన్ సి ఎక్కువగా ఉండే పదార్థాలను తింటేనే దాని పోషకాలు పూర్తిగా లభిస్తాయి. దీనికోసం క్యారెట్, టమాటా వేసుకుని వండుకోవచ్చు.
ఐరన్ విషయానికొస్తే హీమ్ ఐరన్, నాన్ హీమ్ ఐరన్ అని రెండు రకాలు. హీమ్ ఐరన్ మాంసం, కాలేయం వంటివి నాన్ వెజిటేరియన్ ఆహారాలలో లభిస్తుంది. ఇది నేరుగా మన శరీరంలోకి శోషించేలా చేస్తుంది. మనకు ఐరన్ లభిస్తుంది. కానీ శాఖాహార ఆహారాలలో లభించే 'నాన్ హీమ్ ఇనుము' పరోక్షంగా లభిస్తుంది. ఈ ఆహారాలను తినేటప్పుడు వాటితో పాటు విటమిన్ సి ఉన్న ఆహారాలను తప్పకుండా తినాలి. అలా తింటేనే శరీరానికి అవసరమైన ఐరన్ గ్రహించే శక్తి లభిస్తుంది.
కాల్షియం:
అలాగే పాలకూరలోని కాల్షియం లభించాలంటే దానితో పాటు విటమిన్ డి ఉన్న ఆహారాలను కూడా తినాలి. అలా తింటేనే ఎముకలను, దంతాలను దృఢంగా ఉంచే కాల్షియం పూర్తిగా లభిస్తుంది. విటమిన్ డి ఎక్కువగా లభించడానికి సూర్యుడే సులభమైన మార్గం. తెల్లవారుజామున వచ్చే ఎండలో మనం నడిచినప్పుడు విటమిన్ డి లభిస్తుంది. ఇది కాకుండా పుట్టగొడుగులు, గుడ్లు, పసుపు వంటి వాటిలో కూడా ఉంటుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి