Number 13: మీరు ఎప్పుడైనా విమానంలోని సీట్లను గమనించండి. 13వ నెంబరు కనిపించదు. 12 నుంచి మేరుగా 14వ నెంబరుకు చేరుకుంటుంది. దీనికి కారణం ఏంటో తెలుసా? 13 సంఖ్యను అసలందుకు నిషేధించారు?
తరచూ విమానంలో ప్రయాణించే వారికి 13 నంబరు సీట్లు లేకపోవడాన్ని గమనించే ఉంటారు. 12వ వరస తర్వాత నేరుగా 14వ వరుసకే సీట్లు చేరుకుంటాయి. దీని వెనుక బలమైన కారణం కూడా ఉంది. బాగా ఆలోచించే 13వ నంబర్ సీట్లు విమానాల్లో ఏర్పాటు చేయలేదని చెబుతారు. కొంతమంది దీని మూఢనమ్మకంగా కొట్టిపడేస్తే.. మరి కొంత మంది మాత్రం 13వ సంఖ్యను అసభకరమైనదిగా నమ్ముతారు. విమానాల్లో 13వ నంబర్ సీట్లు ఎందుకు పెట్టలేదో తెలుసుకోండి.
24
ఈ భయానికి క్రైస్తవ మూలాలు
ప్రపంచంలోని అనేక ప్రాంతాల్లో 13వ సంఖ్యకు సంబంధించి ఒక నమ్మకం ఉంది. పాశ్చాత్య సంస్కృతిలో 13వ సంఖ్యను అశుభకరంగా భావిస్తారు. ఆ భయాన్ని ట్రైస్కడోఫోబియా అంటారు. క్రైస్తవ సాంప్రదాయంలో ఈ ఫోబియా తాలూకు మూలాలు ఉన్నాయి. ది లాస్ట్ సప్పర్ చిత్రంలో 13వ వ్యక్తి కనిపించిన తర్వాతే ఏసుక్రీస్తుకు శిలువ వేశారని చెప్పుకుంటారు. దీనివల్ల భద్రతకు అత్యంత ప్రాధాన్యాన్ని ఇచ్చే ప్రయాణం, రవాణా రంగాల్లో 13వ నెంబరు తాలూకా భయం పెరిగిపోయింది.
34
ఇదే కారణం
విమానం ప్రయాణం చాలా ఒత్తిడితో కూడుకున్నది. ముఖ్యంగా విమాన ప్రయాణం చేస్తున్న ప్రయాణికులు ల్యాండ్ అయ్యేవరకు భయపడుతూనే ఉంటారు. 13వ నెంబరు అంటే ఎంతమంది ప్రయాణికులకు భయం ఉంటుందో తెలియదు.. కాబట్టి ఆ నెంబర్ ను తీసేస్తే ఎలాంటి భయం ఉండదని ఆ నెంబరును తొలగించడానికి సిద్ధపడ్డాయి విమానయాన సంస్థలు. 13వ నెంబర్ సీటు వచ్చినా కూడా కొంతమంది కూర్చోవడానికి ఇష్టపడరు. అలాంటప్పుడు ఆ వరుసను ఖాళీగా ఉంచాల్సి వస్తుంది. దానికి బదులు పడం 13వ నెంబర్ సీట్లను తొలగించడమే మంచిదని ఆ పని చేశాయి విమానయాన సంస్థలు.
13వ అంకెకు మాత్రమే కాదు ఇటలీ, బ్రెజిల్ వంటి దేశాల్లోని ప్రజలు 17వ సంఖ్యను కూడా అశుభంగా భావిస్తారు. ఎందుకంటే రోమన్ అక్షరమాలలోని 17 అనే సంఖ్యకు లాటిన్ భాషలో ‘నేను నా జీవితాన్ని పూర్తిగా గడిపాను’ అని అర్థం వస్తుంది. అందుకే ఆ సంఖ్యను అశుభంగా భావిస్తారు.
