Natasha Doll: ప్రపంచాన్ని ఏడిపిస్తున్న నటాషా బొమ్మ.. దీని వెనుక అసలు కథ ఇదే

Natasha Doll: చిన్న చైనీస్ బొప్ప ఇప్పుడు ప్రపంచాన్ని చాలా బాధపెడుతోంది. ఈ నల్లటి చర్మం గల బొమ్మ పేరు నటాషా. అసలు ఈ బొమ్మ ఇంతగా ఎందుకు వైరల్ అయింది? దీన్ని ఎవరు తయారు చేశారు? దీని వెనుక అసలు కథేంటి? 

చైనావారి చిన్న బొమ్మ

ఒక చిన్న చైనీస్ బొమ్మ ప్రపంచవ్యాప్తంగా వైరల్ అయిపోయింది. నల్లటి చర్మంతో, ఎర్రటి పెదాలతో కనిపించే ఈ బొమ్మ పేరు నటాషా. చైనాలోని కంటెంట్ క్రియేటర్లు తమ సోషల్ మీడియా ప్లాట్‌ఫారంలలో దీంతోనే ఇప్పుడు వీడియోలు చేస్తున్నారు. దీనివల్ల ఒత్తిడి తగ్గుతుందని చెబుతున్నారు. అయితే ఆ వీడియోలలో ఈ నటాషా బొమ్మని చూపిస్తున్న తీరు మాత్రం ప్రపంచంలో ఎవరికీ నచ్చడం లేదు. ఈ బొమ్మలతో చైనీయులు చేస్తున్న పనులు హింసను ప్రోత్సహిస్తున్నట్టు ఉందని చెబుతున్నారు. ఎంతో మంది ఆ బొమ్మను చూసి ఎంతో ఫీలవుతున్నారు.

నటాషా బొమ్మ

నటాషా బొమ్మ అనేది ఒక చిన్న స్క్వీజ్ టాయ్. మెత్తగా ఉంటుంది. ఎలా నలిపేసినా ఏం కాదు. దీనిని మూడు రంగులలో తయారు చేశారు. తెలుపు, గోధుమ, నలుపు రంగుల్లో ఈ బొమ్మలు ఎక్కువగా ఉన్నాయి. ఆ వీడియోలో నటాషా బొమ్మలను రకరకాలుగా హింసించడం, కొట్టడం, కాలితో తొక్కడం చేస్తున్నారు. దీనివల్ల ఒత్తిడి తగ్గుతుందని చెబుతున్నారు. ఈ ట్రెండు చైనా నుంచి వేరే దేశాలకు కూడా పాకేసింది. ఒక చైనీస్ కంటెంట్ క్రియేటర్ సరదాగా ఆ బొమ్మను చూపిస్తూ అది తన కూతురు అని దాని పేరు నటాషా అని పరిచయం చేశాడు. అప్పటినుంచి దానికి నటాషా అని పేరు వచ్చింది.

బొమ్మపై ఎందుకింత హింస?

సోషల్ మీడియాలో మాత్రం చైనా ప్రజలు దాన్ని కొడుతూ, వేడి నీటిలో వేసి మరిగిస్తూ వీడియోలు అధికంగా పెడుతున్నారు. ఇది ఇతరులను ఎలా హింసించాలో చూపించే తీవ్రమైన సమస్యగా మారుతోందని ప్రపంచంలోని ఎంతోమంది ఆందోళన చెందుతున్నారు. ఈ బొమ్మపై సోషల్ మీడియాలో మిశ్రమంగా స్పందిస్తున్నారు నెటిజన్లు. చైనాలో ఉన్న నల్లజాతి వర్గాలు ఈ ట్రెండును తీవ్రంగా వ్యతిరేకిస్తున్నాయి. అలాగే న్యాయవాదులు, వైద్యులు కూడా ఇలాంటి వీడియోలకు వ్యతిరేకంగా మాట్లాడుతున్నారు. చైనా ప్రభుత్వం ఎలాంటి చర్యలు తీసుకుంటుందో చూడాలి.