Bigg Boss Telugu 8: బిగ్ బాస్ హౌస్లోకి బ్యాంకాక్ పిల్ల... ఈ క్రేజీ యూట్యూబర్ ఎవరో మీకు తెలుసా?

బిగ్ సీజన్ 8 త్వరలో ప్రారంభం కానుంది. ఫస్ట్ ప్రోమో సైతం వచ్చేసింది. కంటెస్టెంట్స్ ఎంపిక దాదాపు పూర్తి అయినట్లు తెలుస్తుండగా... బ్యాంకాక్ పిల్ల ఎంట్రీ ఇస్తుందట.   

బిగ్ బాస్ తెలుగు 8 వచ్చేస్తుంది. ఆడియన్స్ నాలుగు వారాలకు ముందే ఈ మూడ్ లోకి జారుకున్నారు. కంటెస్టెంట్స్ ఎవరు? హోస్టింగ్ నాగార్జునే చేస్తారా? లేక మరొకరు వస్తారా? షో ఎలా ఉండబోతుంది?... ఇలా అనేక సందేహాలు బిగ్ బాస్ లవర్స్ మైండ్ లో రన్ అవుతున్నాయి. జులై 21న నాగార్జున బిగ్ బాస్ సీజన్ 8 ప్రోమో లాంచ్ చేశారు. తన అధికారిక ట్విట్టర్ లో పోస్ట్ చేశారు. మీకు అన్ లిమిటెడ్ వినోదం పంచేందుకు తిరిగి వస్తున్నామని కామెంట్ జోడించారు. 

Bigg Boss Telugu

నాగార్జున పోస్ట్ తో ఒక క్లారిటీ వచ్చేసింది. ఈసారి కూడా బిగ్ బాస్ హోస్టింగ్ బాధ్యతలు ఆయనే తీసుకుంటున్నారు. వరుసగా ఆరో సీజన్ ని నాగార్జున తన సారధ్యంలో నడిపించనున్నారు. కాగా బిగ్ బాస్ 8 లోగో చూసిన రివ్యూవర్స్ అంచనాలు వేస్తున్నారు. సీజన్ 8 డిజైన్ ఇలా ఉంటుందని మైండ్ బ్లోయింగ్ డిటైల్స్ రివీల్ చేస్తున్నారు. 

Bigg boss telugu 8

సీజన్ 6 ప్లాప్ కావడంతో సీజన్ 7 కొత్తగా డిజైన్ చేసి సక్సెస్ అయ్యారు. ఉల్టా పల్టా అంటూ ప్రేక్షకులకు కొత్త అనుభూతిని పంచారు. గతంలో చూడని పవర్ అస్త్ర, ఫినాలే అస్త్ర వంటి కాన్సెప్ట్స్ సీజన్ 7లో మనం చూశాము. లాంచింగ్ ఎపిసోడ్స్ రెండు నిర్వహించడం కూడా కొత్త టెక్నిక్. లాంచింగ్ ఎపిసోడ్ రోజు 14 మంది కంటెస్టెంట్స్ ని పరిచయం చేసిన నాగార్జున... ఐదు వారాల తర్వాత మినీ లాంచ్ ఈవెంట్ నిర్వహించి మరో 5 మంది కంటెస్టెంట్స్ ని హౌస్లోకి పంపారు. ఇది టీఆర్పీ పరంగా కలిసొచ్చింది. 

కాగా బిగ్ బాస్ తెలుగు 8 కంటెస్టెంట్స్ ఎంపిక దాదాపు కంప్లీట్ అయినట్లు సమాచారం. రీతూ చౌదరి, విష్ణుప్రియ, యూట్యూబర్ అనిల్, బంచిక్ బబ్లు, ఖయ్యూమ్ అలీ, సోనియా సింగ్, అమృత ప్రణయ్, యాదమ్మ రాజు ఎంపికైన కంటెస్టెంట్స్ లిస్ట్ లో ఉన్నారట. అబ్బాస్, వినోద్ కుమార్, నటుడు రోహిత్, క్రికెటర్ అర్జున్ అంబటి, వేణు స్వామి పేర్లు కూడా వినిపిస్తున్నాయి. అధికారిక సమాచారం లేదు. 

Bigg boss telugu 8

తాజాగా బ్యాంకాక్ పిల్ల పేరు వినిపిస్తోంది. ఉత్తరాంధ్రకు చెందిన తెలుగు అమ్మాయి శ్రావణి పెళ్లి చేసుకుని బ్యాంకాక్ వెళ్ళింది. ఆ దేశంలోని వింతలు విశేషాలు తెలియజేస్తూ వీడియోలు చేస్తూ ఫేమస్ అయ్యింది. ఆమె యూట్యూబ్ ఛానల్ కి ఏకంగా 2 మిలియన్ సబ్స్క్రైబర్స్ ఉన్నారు. ఈ బ్యాంకాక్ పిల్లకు బిగ్ బాస్ సీజన్ 8లో ఛాన్స్ వచ్చిందని అంటున్నారు.