డైరెక్ట్ ఓటీటీలోకి నయనతార మూవీ ? ఆ సినిమా ఏంటో తెలుసా?

లేడీ సూపర్‌ స్టార్‌ నయనతార గతేడాది ఫ్యాన్స్ ని నిరాశ పరిచింది. ఆమె నటించిన ఒక్క సినిమా కూడా థియేటర్‌లోకి రాలేదు. ఇప్పుడు మరో ట్విస్ట్ ఇస్తుంది నయన్‌. 

నయనతార జవాన్ సినిమా

నయనతార సౌత్‌లో టాప్‌ హీరోయిన్‌గా రాణిస్తుంది. స్టార్‌ హీరోలకు దీటుగా సినిమాలు చేస్తూ మెప్పిస్తుంది. అంతేకాదు రెండేళ్ల క్రితం బాలీవుడ్‌ లోకి ఎంట్రీ ఇస్తూ ఏకంగా 1200కోట్ల హీరోయిన్‌ గా పేరుతెచ్చుకుంది. షారూఖ్‌ ఖాన్‌తో ఆమె `జవాన్‌` సినిమా చేసిన విషయం తెలిసిందే. ఇది ఎంత  పెద్ద హిట్‌ అయ్యిందో తెలిసిందే.  

నయనతార: బియాండ్ ది ఫెయిరీ టేల్

గతేడాది నయనతార నటించిన సినిమాలేవీ విడుదల కాలేదు. నెట్‌ఫ్లిక్స్‌లో 'నయనతార: బియాండ్ ది ఫెయిరీ టేల్' అనే డాక్యుమెంటరీ మాత్రమే విడుదలైంది. ఇప్పుడు 'టెస్ట్' సినిమా విడుదలకు సిద్ధంగా ఉంది.

నయనతార టెస్ట్ సినిమా

శశికాంత్ దర్శకత్వం వహించిన ఈ స్పోర్ట్స్ డ్రామాలో నయనతారతో పాటు మాధవన్, సిద్ధార్థ్, మీరా జాస్మిన్, కాళీ వెంకట్ నటించారు. ఈ మూవీ రిలీజ్‌ కి రెడీ అవుతుంది. అయితే ఈ మూవీ డైరెక్ట్ ఓటీటీలో రాబోతుందని సమాచారం. థియేటర్‌లోకి కాకుండా ఓటీటీలోనే విడుదల చేయాలని ప్లాన్‌ చేస్తున్నట్టు సమాచారం. 

ఓటీటీలో టెస్ట్

జనవరి నెలాఖరులోపు 'టెస్ట్' ఓటీటీ విడుదల గురించి అధికారిక ప్రకటన వస్తుందట. మరి ఎందుకు ఓటీటీలో రిలీజ్‌ చేయాలనుకుంటున్నారనేది తెలియాల్సి ఉంది. ఇక నయనతార  ప్రస్తుతం `మన్నాంగట్టి సిన్స్ 1960', 'డియర్ స్టూడెంట్స్', 'టాక్సిక్', విష్ణు ఎడవన్ సినిమా, 'రాక్కాయి' వంటి సినిమాల్లో నటిస్తూ బిజీగా ఉంది.