సమంత భర్త నాగ చైతన్యతో విడిపోయి చాలా కాలం అవుతుంది. అయితే ఈ చేదు అనుభవం మాత్రం ఏదో ఒక రూపంలో ఆమెను వెంటాడుతుంది. తాజాగా ఆమెకు సంచలన ప్రశ్న ఎదురైంది.
వ్యక్తిగత కారణాలతో నాగ చైతన్య-సమంత విడాకులు తీసుకుని విడిపోయారు. 2018 లో ప్రేమ వివాహం చేసుకున్న ఈ స్టార్ కపుల్ 2021లో విడాకుల ప్రకటన చేశారు. పరస్పర అవగాహనతో విడిపోతున్నట్లు స్పష్టత ఇచ్చారు. ప్రస్తుతం ఎవరి దారిన వాళ్ళు బ్రతుకుతున్నారు.
గత ఏడాది సమంత నటించిన శాకుంతలం, ఖుషి చిత్రాలు విడుదలయ్యాయి. అలాగే సిటాడెల్ అనే యాక్షన్ వెబ్ సిరీస్ షూటింగ్ పూర్తి చేసింది. హాలీవుడ్ సిరీస్ ఇండియన్ వెర్షన్ గా తెరకెక్కిన ఈ ప్రాజెక్ట్ కి హనీ బన్నీ అని టైటిల్ మార్చారు. హాలీవుడ్ వెర్షన్ లో ప్రియాంక చోప్రా నటించిన విషయం తెలిసిందే.
కాగా సమంత మరోసారి అల్లు అర్జున్ తో జతకట్టనున్నట్లు వార్తలు వస్తున్నాయి. పుష్ప 2 అనంతరం దర్శకుడు అట్లీ తో అల్లు అర్జున్ సినిమా చేస్తున్నారట. ఈ ప్రాజెక్ట్ లో హీరోయిన్ గా సమంత ఎంపికైంది అంటున్నారు.
మరోవైపు సమంత సోషల్ మీడియాలో ఫ్యాన్స్ కి అందుబాటులో ఉంటుంది. హెల్త్ పాడ్ క్యాస్ట్స్ విడుదల చేస్తుంది. ఎక్స్పర్ట్స్ తో మాట్లాడుతుంది. తాజాగా సమంత ఓ యోగ వీడియో షేర్ చేసింది. తన దిన చర్యలో యోగకు ఎంతటి ప్రాధాన్యత ఉంది. దాని వలన ఉపయోగాలు తెలియజేస్తూ వీడియో చేసింది.
సదరు వీడియో చూసిన అభిమానులు సమంతను అభినందిస్తున్నారు. ఆమె లైఫ్ స్టైల్ పై పాజిటివ్ కామెంట్స్ చేస్తున్నారు. ఓ నెటిజన్ మాత్రం సమంతను తన ప్రశ్నతో బాధపెట్టాడు. 'అమాయకుడైన భర్త నాగ చైతన్యను ఎందుకు మోసం చేశావ్?' అని అడిగాడు.
ఈ ప్రశ్నకు స్పందించిన సమంత సమాధానం చెప్పింది. ఈ ప్రశ్న మీకు మంచిది కాకపోవచ్చు. మీకు ఇంకా స్ట్రాంగ్ టెక్నిక్స్ కావాలి. ఏది ఏమైనా మీరు బాగుపడాలి అని కోరుకుంటున్నాను... గట్టి కౌంటర్ ఇచ్చింది. సమంత వ్యక్తిగత జీవితం గురించి ఎలాంటి ప్రశ్నలు వేయడం సరికాదని కొందరు ఆమెకు మద్దతు తెలుపుతున్నారు...