ప్రభాస్ - సమంత కాంబినేషన్ లో సినిమా రాకపోవడానికి కారణం ఏంటో తెలుసా..?

మీరు గమనించారా.. ఇంత వరకూ ప్రభాస్ - సమంత కాంబినేషన్ లో సినిమా రాలేదు. ఎవరు ప్రయత్నం కూడా చేయలేదు. మరి దానికి కారణం ఏంటో తెలుసా..?   

ఫిల్మ్ ఇండస్ట్రీలో ఎన్నో అరుదైన కాంబినేషన్లు వెండితెరపై సందడి చేశాయి. కాని కొన్ని కాంబోలు మాత్రం ఇంత వరకూ తెరపై కనిపించలేదు. కారణం ఎంటో తెలియదు. అలాంటి కాంబోలలో ప్రభాస్  సమంత జంట కూడా ఒకటి. ఈ ఇద్దరు కలిసి ఇంత వరకూ సినిమాలు చేయలేదు. ఒక్కటంటే ఒక్క సినిమా ప్రభాస్ సమంత జంటగా రాలేదు. ఇంతకీ కారణం ఏంటో తెలుసా..? 

Prabhas, The Raja Saab, maruthi

పాన్ ఇండియా స్టార్ గా ప్రభాస్ దూసుకుపోతున్నాడు. టాలీవుడ్ లో చిన్న హీరో స్థాయి నుంచి పాన్ వరల్డ్ ఫేమస్ అయ్యే వరకూ.. తన లాంగ్ మూవీ కెరీర్ లో చాలా మంది స్టార్ హీరోయిన్లతో నటించాడు. కాని సమంతతో మాత్రం ఒక్క సినిమా కూడా చేయలేదు ప్రభాస్. మరోవైపు  సమంత కూడా ఏం తక్కువ కాదు. సౌత్ లో ఆమె క్రేజ్ అంతా ఇంతా కాదు. 

Samantha

మరీ ముంఖ్యంగా తెలుగు, తమిళ భాషల్లో స్టార్ డమ్ చూసిన సమంత.. ఇప్పుడు బాలీవుడ్ ను గట్టిగా ఆకర్షిస్తోంది. బాలీవుడ్ లో వరుసఆఫర్లు సాధిస్తోంది. స్టార్ హీరోల ఇమేజ్ తో ఆమె దూసుకుపోతోంది. ఈరకంగా చూసుకుంటే  ప్రభాస్ లాగే సమంత కూడా పాన్ ఇండియా హీరోయిన్. తెలుగు, తమిళం, హిందీ  భాషల్లోని పలువురు స్టార్ హీరోలతో కలిసి స్క్రీన్ షేర్ చేసుకుంది. 

టాలీవుడ్ లో అల్లు అర్జున్, మహేష్ బాబు,  పవన్ కల్యాణ్,  రామ్ చరణ్, జూనియర్ ఎన్టీఆర్ లాంటి స్టార్ హీరోలతో పాటు.. నాగ చైతన్య, నాని, విజయ్ దేవరకొండ లాంటి 2 టైర్ హీరోలతో కూడా నటించి మెప్పించింది సమంత. ఇక  తమిళం విషయానికి వస్తే.. సూర్య, ధనుష్, విజయ్, విశాల్ వంటి స్టార్ హీరోలతో కలిసి నటించింది సమంత. 

ఇక ప్రభాస్ విషయం చెస్పనక్కర్లేదు. తెలుగు,తమిళ, హీందిలో టాప్ హీరోయిన్స్ తో ఆడిపాడాడు.  అయితే వీరిద్దరు ఇంత కాలం నుంచి  తెలుగు సినిమాల్లో.. పాన్ ఇండియా సినిమాల్లో నటిస్తున్నా.. కాంబినేషన్ లో మాత్రం సి నిమా రాకపోవడానికి కారణం ఏంటో తెలుసా..? దీనికి ఓ కారణం ఉంది. అదేంటంటే..  ప్రభాస్, సమంత మధ్య హైట్ తేడా చాలా ఉంది. 

వీరిద్దరు  కలిసి సినిమా చేస్తే చూడాలని చాలామంది అభిమానులు ఎదురుచూశారు. సోషల్ మీడియా వేదికగా కూడా పలు కామెంట్లు వినిపించాయి.  కాని  వీరిద్దరూ కలిసి నటించకపోవడానికి కారణం ప్రభాస్ హైట్. అవును, ప్రభాస్ 6 అడుగులు ఉంటే, సమంత హైట్ 5.2 అడుగులు. ఈ కారణంగానే వీరిద్దరితో కలిసి సినిమా తీయడానికి మేకర్స్  ఎవరూ ముందుకు రావడం లేదు. 

ప్రభాస్ హీరోగా వచ్చిన  సాహోలో ముందుగా సమంతనే అనుకున్నారట. కాని హైట్ ప్రాబ్లమ్ వల్లే ఈ పాత్రలోకి బాలీవుడ్ బ్యూటీ శ్రద్ధా కపూర్ వచ్చి చేరినట్టు తెలుస్తోంది. ఇక ఫ్యూచర్ లో వీరు కలిసే అవకాశం లేదనే అనుకోవాలి. ఏదైనా మిరాకిల్ జరిగి వీరు ఎందులో అయినా కనిపిస్తారేమో  చూడాలి. 

ఇక ప్రస్తుతం ప్రభాస్ సినిమాల విషయానికి వస్తే..  రాజా సాబ్ సినిమా ష‌ూటింగ్ లో ఉంది.. రీసెంట్ గా ఈమూవీ నుంచి డిఫరెంట్ లుక్ తో ఉన్న ప్రభాస్ పోస్టర్ కూడా రిలీజ్ అయ్యింది. మారుతి దర్శకత్వంలో తెరకెక్కుతోన్న ఈ సినిమాలో మాళవికా మోహనన్, నిధి అగర్వాల్ హీరోయిన్లుగా నటిస్తున్నాడు. 

దీంతో పాటు  హను రాఘవ పూడి దర్శకత్వంలో చేస్తున్న ఫౌజీ మూవీ కూడా షూటింగ్ లో ఉంది. అటు సందీప్ రెడ్డి వంగాతో స్పిరిట్,  సలార్ 2, కల్కీ 2 సినిమాలు కూడా ప్రభాస్ చేయాల్సి ఉంది. ఈరకంగా ఓ ఐదారేళ్లు ప్రభాస్ ను పట్టుకోవడం కష్టమనే చెప్పాలి.

ఇక సమంత విషయానికి వస్తే.. ఆమె నటించిన సిటాడెల్ హిందీ వెబ్ సిరీస్ తో పాటు  హనీ బానీ కూడా రిలీజ్ కు రెడీగా ఉంది. బాలీవుడ్ లో వరుస ప్రాజెక్ట్ లకు గ్రీన్ సిగ్నల్ ఇస్తోంది సమంత. దాదాపు ఏడాదిన్నర గా సినిమాలకు దూరంగా ఉన్న సమంత. మళ్లీ బిజీ కాబోతోంది.