బాలీవుడ్ యువ కథానాయకుడు సుశాంత్ సింగ్ రాజ్పుత్ మృతికి సంబంధించి రకరకాల వార్తలు ఇప్పటికీ వినిపిస్తూనే ఉన్నాయి. ముఖ్యంగా ఇండస్ట్రీలోని నెపోటిజం కారణంగానే సుశాంత్ ఆత్మహత్య చేసుకున్నాడని, భారీ ప్రాజెక్ట్స్ నుంచి వరుసగా తొలగించటంతో ఒత్తిడికి గురైన సుశాంత్ డిప్రెషన్కు లోనై ఆత్మహత్య చేసుకున్నట్టుగా ప్రచారం జరుగుతోంది.
undefined
ఈ నేపథ్యంలో నెపోటిజంపై తీవ్ర స్థాయిలో చర్చ జరుగుతోంది. దీంతో పోలీసులు కూడా సుశాంత్ మృతిపై లోతుగా విచారణ జరుపుతున్నారు. సుశాంత్ సన్నిహితులతో పాటు పలువరు ఇండస్ట్రీ వర్గాలు మృతిపై సీబీఐ ఎంక్వయిరీ వేయాలన్న డిమాండ్ కూడా వినిపిస్తున్నారు. ఈ సమయంలో విచారణ జరుపుతున్న పోలీసులకు సంచలన విషయాలు తెలిశాయి.
undefined
సుశాంత్ మొబైల్ ఫోన్ను ఫోరెన్సిక్ పరీక్షకు పంపిన పోలీసులకు రిపోర్ట్లో ఆసక్తికర విషయాలు తెలిశాయి. ఫోరెన్సిక్ రిపోర్ట్ ప్రకారం సుశాంత్ సింగ్ రాజ్పుత్ చివరి క్షణాల్లో తన మొబైల్ నుంచి గూగుల్లో తన పేరునే సెర్చ్ చేసుకున్నాడు.
undefined
ఉదయం 10 గంటల 15 నిమిషాల సమయంలో సుశాంత్ తన పేరును గూగుల్ సెర్చ్ చేసినట్టుగా ఫోరెన్సిక్ నిపుణులు గుర్తించారు. అంతేకాదు తన పేరు పై సెర్చ్ చేస్తే వచ్చిన కొన్ని న్యూస్ ఆర్టికల్స్ను కూడా సుశాంత్ ఓపెన్ చేసినట్టుగా గుర్తించారు. అయితే చివరి నిమిషంలో సుశాంత్ తన పేరునే ఎందుకు సెర్చ్ చేశాడు. ఏం తెలుసుకోవాలనుకున్నాడు అన్న కోణంలో పోలీసులు విచారణ చేస్తున్నారు.
undefined
ఒక వేళ సుశాంత్ నిజంగా డిప్రెషన్ కారణంగానే మరణించి ఉంటే అంతగా డిప్రెస్ అవ్వడం వెనుక ఉన్న ప్రధాన కారణం ఏంటి..? ఇప్పటికే దాదాపు 25 మందిని విచారించిన పోలీసులు కీలక విషయాలను సేకరించారు. పోలీసులు విచారించిన వారిలో కుటుంబ సభ్యులు, సన్నిహితులతో పాటు ఇండస్ట్రీ వర్గాలు కూడా ఉన్నారు.
undefined