నటుడు జగపతిబాబు ఆర్థికంగా కుంగిపోయిన దశలో ఓ హీరో తన పొలం అమ్మి అప్పులు తీరుస్తానని అన్నాడట. ఆ హీరో ఎవరో తెలిస్తే అవాక్కవుతారు.
జగపతిబాబు ఆర్థికంగా ఉన్నతమైన కుటుంబం నుండి వచ్చారు. ఆయన తండ్రి వీబీ రాజేంద్రప్రసాద్ స్టార్ ప్రొడ్యూసర్, దర్శకుడు కూడాను. హీరోగా ఎంట్రీ ఇచ్చిన జగపతిబాబు తనకంటూ ఓ ఇమేజ్, స్టార్డం సొంతం చేసుకున్నాడు. ఫ్యామిలీ చిత్రాల హీరోగా సెటిల్ అయ్యారు.
ఒక దశకు వచ్చాక జగపతిబాబు కెరీర్ తిరోగమనమైంది. ఆయన సినిమాలు వరుసగా ప్లాప్ అయ్యాయి. దానికి తోడు ఆర్థిక కష్టాలు. దానధర్మాలు, ఖర్చులు, నమ్మిన వారు మోసం చేయడం వంటి కారణాలతో జగపతిబాబు దివాళా తీశాడు. డబ్బుల కోసం వచ్చిన ప్రతి సినిమా చేసుకుంటూ పోయాడు. కొన్నాళ్ళకు ఆఫర్స్ ఆగిపోయాయి. దిక్కు తోచని స్థితికి చేరుకున్నారు.
తన ఇంటిని కూడా జగపతిబాబు అమ్మేశారు. ఎంతో ఇష్టపడి కట్టించుకున్న ఇల్లు వదులుకోవాల్సి వచ్చింది. అయితే ఇల్లు అమ్ముకున్నందుకు తను ఏ విధంగా బాధపడలేదట. ఇళ్ళు, కార్ల మీద మమకారం పెంచుకుంటే అది జీవితమే కాదు. మనం మన కోసం బ్రతుకుతున్నట్లు కాదని జగపతిబాబు అన్నారు. రమేష్ అనే ఓ వ్యక్తికి తన ఇంటిని అమ్మేశాడట. కుటుంబ సభ్యులు కూడా తనను ప్రశ్నించలేదట.
మీరు ఆర్థిక కష్టాల్లో ఉన్నప్పుడు ఎవరైనా ఆదుకుంటాను అన్నారా? మీ బెస్ట్ ఫ్రెండ్ అర్జున్ ఏం సలహా ఇచ్చారు? అని అడగ్గా... ఎవరికి ఉండే బాధలు వారికి ఉంటాయి. అర్జున్ తన ఫార్మ్ హౌస్ అమ్మి డబ్బులు ఇస్తాను అన్నాడు. కానీ నేను అంగీకరించలేదు. ఆ ఛాన్స్ నేను తీసుకోలేదని జగపతి బాబు చెప్పుకొచ్చారు.
తన ఇద్దరు కూతుళ్ళకు ఫ్రీడమ్ ఇచ్చాడట. వారు హీరోయిన్స్ కావాలని ఆశపడితే నేను ఎంకరేజ్ చేసేవాడిని, కానీ వారు అది కోరుకోలేదని జగపతిబాబు అన్నారు. జగపతిబాబు పెద్దమ్మాయి అమెరికన్ ని ప్రేమ వివాహం చేసుకుంది. క్రాస్ బ్రీడ్ పిల్లలు చాలా అందంగా పుట్టే అవకాశం ఉంది. వారు నటులు అవుతారేమో చూద్దాం అని జగపతిబాబు అన్నారు. గతంలో ఓ ఇంటర్వ్యూలో పాల్గొన్న జగపతిబాబు ఈ కామెంట్స్ చేశారు.
ప్రస్తుతం జగపతిబాబు సక్సెస్ఫుల్ కెరీర్ ఎంజాయ్ చేస్తున్నారు. లెజెండ్ మూవీ ఆయన కెరీర్ ని మలుపు తిప్పింది. ఆ చిత్రంతో జగపతిబాబు విలన్ గా మారారు. ఆ మూవీ సూపర్ హిట్ కావడంతో బ్రేక్ వచ్చింది. విలక్షణ పాత్రలు చేస్తూ బిజీగా ఉన్నారు. తెలుగుతో పాటు పలు భాషల్లో ఆయనకు అవకాశాలు వస్తున్నాయి.
విలన్, క్యారెక్టర్ రోల్స్ ఎక్కువగా చేస్తున్నారు. ఎలాంటి పాత్రకైనా జగపతిబాబు సూట్ అవుతారు. ఆయన ఫిగర్ అలాంటిది. రంగస్థలం, అరవింద సమేత చిత్రాల్లో ఒక రా అండ్ రస్టిక్ విలన్ ని ఆయనలో మనం చూడొచ్చు. అలాగే నాన్నకు ప్రేమతో చిత్రంలో స్టైలిష్ విలన్ గా ఆయన మెప్పించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి