ముఖం చూసి మోసపోవద్దు... టార్చర్ చూపించాడు, యంగ్ హీరోపై నాగార్జున ఆరోపణలు 

ముఖం చూసి మోసపోవద్దు, ఆ హీరో టార్చర్ పెడతాడంటూ ఓపెన్ కామెంట్స్ చేశాడు నాగార్జున. ఇంతకీ నాగార్జునను అంతగా విసిగించిన ఆ హీరో ఎవరు? ఎందుకు?  

Nagarjuna

అక్కినేని నాగార్జున కెరీర్లో అనేక మల్టీస్టారర్స్ ఉన్నాయి. వాటిలో దేవదాస్ ఒకటి. శ్రీరామ్ ఆదిత్య ఈ చిత్రానికి దర్శకుడు. నాని మరొక హీరోగా నటించారు. రష్మిక మందాన హీరోయిన్. ఒక గ్యాంగ్ స్టర్ కి సిన్సియర్ అండ్ ఇన్నోసెంట్ డాక్టర్ కి మధ్య జరిగే కామెడీ, ఎమోషనల్ డ్రామానే దేవదాస్ మూవీ.. 

Nagarjuna

నాగార్జున దేవ అనే గ్యాంగ్ స్టర్ రోల్ చేయగా... ఇక నాని, దాస్ అనే హానెస్ట్ డాక్టర్ పాత్రలో అలరించారు. నాని-నాగార్జున కాంబోలో వచ్చే సన్నివేశాలు అలరిస్తాయి. రష్మిక మందాన సైతం కథలో కీలకమైన పాత్ర చేసింది. దేవదాస్ చిత్రానికి మిశ్రమ స్పందన దక్కింది. వసూళ్ల పరంగా పర్లేదు అనిపించుకుంది. హిట్ స్టేటస్ మాత్రం దక్కలేదు. కాగా దేవదాస్ మూవీ ప్రమోషన్స్ లో నాని పై నాగార్జున ఆసక్తికర ఆరోపణలు చేశాడు.. 

Nagarjuna

దేవదాస్ ప్రీ రిలీజ్ ఈవెంట్లో వేదిక ఎదురుగా కూర్చున్న నానిని ఉద్దేశిస్తూ నాగార్జున... ఏం నాని నేను రాకముందు ఏం మాట్లాడావు. టార్చర్ పెడుతున్నానా? నిజానికి నువ్వే నన్ను టార్చర్ పెట్టావు. సుమ... నాని ముఖం చూసి మోసపోవద్దు. నేను అలానే మోసపోయాను. చాలా డీసెంట్ గా కనిపిస్తే... కలిసి మూవీ చేద్దాం అనుకున్నాను. కానీ నాకు నరకం చూపించాడు, అన్నారు. నాగార్జున మాటలకు నాని చిన్నగా నవ్వేశారు. 

అయితే ఇదంతా సరదాగా నాని మీద నాగార్జున చేసిన కామెంట్స్ మాత్రమే. ఆ మూవీలో నానిని నాగార్జున బాగా ఇబ్బందిపెడతాడు. దేవదాస్ మూవీలో పాత్రలను ఉద్దేశిస్తూ ఒకరిపై మరొకరు ఇలా ఫన్నీ కామెంట్స్ చేశారు. ఇక దేవదాస్ మూవీ సెట్స్ లో నాని ఎలా ఉండేవాడో కూడా నాగార్జున తెలియజేశాడు. నాని అస్తమానం ఫోన్ చూసుకుంటాడట. ఏం చూస్తాడో అర్థం కాదు. ఒక అందమైన అమ్మాయిని పక్కన కూర్చోబెట్టినా కూడా నాని ఫోన్ చూసుకుంటాడని అన్నాడు. 

ఇక దేవదాస్ మూవీ విడుదలై దాదాపు ఏడేళ్లు అవుతుంది. మరలా వీరి కాంబోలో చిత్రం తెరకెక్కలేదు. నాగార్జున ఈ ఏడాది మరో మల్టీస్టారర్ చేశారు. నా సామిరంగ టైటిల్ తో సంక్రాంతి బరిలో నిలిచాడు. అల్లరి నరేష్,రాజ్ తరుణ్ సైతం ఈ చిత్రంలో కీలక రోల్స్ చేశారు. ఆషికా రంగనాథ్ హీరోయిన్ గా నటించింది. నా సామిరంగ ఓ మోస్తరు విజయాన్ని నమోదు చేసింది. 

coolie

నాగార్జున తదుపరి చిత్రాలు కూడా మల్టీస్టారర్స్ కావడం విశేషం. లోకేష్ కనకరాజ్ డైరెక్షన్ లో రజినీకాంత్ కూలీ టైటిల్ తో మూవీ తెరకెక్కుతుంది. ఈ చిత్రంలో నాగార్జున కీలక రోల్ చేస్తున్నారు. కూలీ మూవీలో నాగార్జున రోల్ అద్భుతంగా డిజైన్ చేశాడట లోకేష్ కనకరాజ్. రజినీకాంత్-నాగార్జున మధ్య సన్నివేశాలు మెస్మరైజ్ చేయనున్నాయట. 

Nagarjuna Kubera

అలాగే ధనుష్ తో కలిసి ఒక చిత్రం చేస్తున్నారు. శేఖర్ కమ్ముల ఈ చిత్రానికి దర్శకుడు కావడం విశేషం. కుబేర టైటిల్ తో తెరకెక్కుతున్న ఈ చిత్రంలో నాగార్జున కోటీశ్వరుడిగా కనిపిస్తున్నాడు. అదే సమయంలో ధనుష్ బికారి పాత్ర చేస్తున్నాడు. రష్మిక మందాన పాత్ర కూడా ఆసక్తి రేపుతోంది.