పెళ్లైన రెండు రోజులకే అలా కావడంతో విష్ణుప్రియా గోల.. తాళిబొట్టు కంటే శోభనమే గుర్తొచ్చిందంటూ వేణు సెటైర్‌

యాంకర్‌ విష్ణు ప్రియ చాలా రోజుల తర్వాత మళ్లీ యాక్టివ్‌ అవుతుంది. గతంలో అందాల ఆరబోతతో సంచలనంగా మారిన ఈ భామ ఇప్పుడు మరోసారి హాట్‌ టాపిక్‌ అయ్యింది. ఓ షోలో ఆమె చేసిన పనులు చర్చనీయాంశంగా మారాయి.   

యాంకర్‌ విష్ణుప్రియా.. తాజాగా సుమ యాంకర్‌గా చేసే `సుమ అడ్డా` షోలో పాల్గొంది. ఇందులో ధన్‌రాజ్‌కి పెయిర్‌గా వచ్చింది. మరోవైపు చమ్మక్‌ చంద్ర, `బలగం` వేణు కలిసి వచ్చారు. ఈ షోలో ఆద్యంతం నవ్వులు పూయించారు. తమదైన కామెంట్లు, పంచ్‌లు,సెటైర్లతో కామెడీని పంచారు. మరోవైపు సుమ తాలుకూ పంచ్‌లు సైతం బాగా పేలాయి. కానీ ఇందులో యాంకర్‌ విష్ణు ప్రియా కామెంట్లు, ఆమె చేసిన చేష్టలు హైలైట్‌గా మారడం విశేషం. 

ఈ షోలో ఓ టాస్క్ ఇచ్చింది సుమ. పెళ్లి అనగానే ఏం గుర్తొస్తాయో చెప్పాల్సి ఉంటుంది. ఇందులో విష్ణు ప్రియా `షాపింగ్‌, బంధువులు అని, ధన్‌రాజ్‌.. శుభలేఖలు, కళ్యాణ మండపం, బంగారం అని చెప్పొకొచ్చాడు. ఇంతలో విష్ణు ప్రియా రియాక్ట్ అవుతూ `శోభనం` అని చెప్పేసింది. దీంతో నవ్వులు విరిసాయి. కానీ అది రాంగ్‌ ఆన్సర్‌ అయ్యింది. దీనికి దర్శకుడు వేణు రియాక్ట్ అవుతూ శోభనం గుర్తొచ్చింది కానీ, తాళిబొట్టు గుర్తుకు రాలేదని సెటైర్‌ వేయడంతో షో మొత్తం దద్దరిల్లింది. విష్ణు ప్రియా మొఖం వాడిపోయింది. 

అనంతరం మరో ప్రశ్న వేసి భార్యలు ఏ సమయంలో భర్తలను పట్టించుకోరు అని అడగ్గా, షాపింగ్‌ అని చెప్పి పది వేలు బెట్టింగ్‌ పెట్టాడు ధన్‌రాజ్‌. దానికి సుమ అభ్యంతరం చెప్పగా, ఓకే ఇరవై వేలు, ఓకే ముప్పై వేలు అంటూ విష్ణు ప్రియా చెప్పడంతో ఈ వాయిస్‌ కోఠిలో విన్నట్టుందే అంటూ సుమ పంచ్‌లు వేయడం హైలైట్‌గా నిలిచింది. మరోసారి విష్ణు ప్రియా ముఖం పాలిపోయింది. 

అనంతరం `పుష్ప` చిత్రంలోని `సామి రారా నా సామి` అనే పాటకి ధన్‌రాజ్‌తో కలిసి స్టెప్పులేసింది విష్ణుప్రియ. ఇందులో తనదైన మాస్‌ స్టెప్పులతో అదరగొట్టింది. ఈ క్రమంలో ధన్‌రాజ్‌ నడుము పట్టుకుంది. దీంతో గోలెత్తిపోయింది విష్ణుప్రియా. ఏమండి పెళ్లైన రెండు రోజులకే ఇలా అయ్యిందంటూ ఒకరకమైన సౌండింగ్‌ చేసింది. దీంతో దర్శకుడు వేణుతో సహా `వామ్మో` అంటూ పారిపోవడం విశేషం. ఇది షోకే హైలైట్‌గా మారింది. అనంతరం `చంద్రముఖి` సినిమాలోని సాంగ్‌కి డాన్సు చేస్తూ కాసేపుఉర్రూతలూగించింది విష్ణు ప్రియా. ప్రస్తుతం ఈ ప్రోమో యూట్యూబ్‌లో ట్రెండ్‌ అవుతుంది. 

యాంకర్‌ విష్ణు ప్రియా ఒకప్పుడు యాంకర్‌గా మెప్పించింది. `పోరా పోవే` అంటూ ఆకట్టుకుంది. కానీ ఇప్పుడు షోస్‌ లేవు. అడపాదడపా టీవీ షోస్‌లో గెస్ట్ గా మెరుస్తుంది. మరోవైపు రీల్స్, వీడియో సాంగ్‌లు చేస్తూ ఆకట్టుకుంటుంది. మానస్‌తో కలిసి ఆమె ఒరిజినల్‌ సాంగ్స్ చేస్తున్న విషయం తెలిసిందే. వీటికి విశేష ఆదరణ దక్కుతుంది. అయితే టీవీ షోస్‌ లేకపోవడంతో గ్లామర్‌ ట్రీట్‌ కూడా తగ్గించింది. కానీ అరుదుగా ఇచ్చినా అదిరిపోయేలా అందాలు ఆరబోస్తుండటం విశేషం.