అమ్మకి ఇష్టం లేదు, అందుకే నాన్నని దూరం పెట్టా..విష్ణుప్రియ కుటుంబ కష్టాలకు కన్నీళ్లు పెట్టుకున్న గంగవ్వ  

బిగ్ బాస్ తెలుగు సీజన్ 8 రోజు రోజుకి ఆసక్తికరంగా మారుతోంది. వైల్డ్ కార్డు ఎంట్రీలు వచ్చాక హౌస్ మొత్తం సందడిగా మారింది. ముక్కు అవినాష్, టేస్టీ తేజ, జబర్దస్త్ రోహిణి లాంటి వాళ్ళు బాగా నవ్విస్తూ ఎంటర్టైన్ చేస్తున్నారు. అదే విధంగా నామినేషన్స్ సమయంలో రచ్చ ఎక్కువ అవుతోంది. 45 వ రోజుకి సంబంధించిన ప్రోమో విడుదలయింది. 

ఇంటి సభ్యులు సరదాగా మాట్లాడుకుంటూ జోకులు వేసుకుంటున్నారు. ఈ క్రమంలో కొన్ని భావోద్వేగమైన సన్నివేశాలు కూడా చోటు చేసుకున్నాయి. విష్ణుప్రియ గంగవ్వతో మాట్లాడుతూ తన ఫ్యామిలీ ఇబ్బందుల గురించి షాకింగ్ విషయం బయటపెట్టింది. విష్ణు ప్రియని గంగవ్వ.. మీ నాన్న ఎక్కడ ఉంటాడు.. ఎం చేస్తుంటాడు.. మీకు అండగా ఉండడా అని ప్రశ్నించింది. దీనికి విష్ణుప్రియ బదులిస్తూ నాన్న ఊర్లో ఉంటారు. మా అమ్మకి వాళ్ళతో మాట్లాడడం ఇష్టం లేదు. 

మా నాన్నపై నాకు ప్రేమ ఉన్నప్పటికీ అమ్మ కోసం ఆయన్ని దూరం పెట్టా అని ఎమోషనల్ గా చెప్పింది. విష్ణుప్రియ మాటలకు గంగవ్వ కంటతడి పెట్టుకుంది. దీనితో విష్ణుప్రియ గంగవ్వని ఓదార్చింది. ఆ తర్వాత మణికంఠ, రోహిణి మధ్య ఫన్నీగా సంభాషణ జరిగింది. ఈ వారం తాను ఎలిమినేషన్ నుంచి సేఫ్ అయితే గంగవ్వకి బంగారు ముక్కుపుడక చేస్తానని నాగమణికంఠ చెప్పాడు. నాక్కూడా బంగారు వడ్డాణం చేయించాలి అని హరితేజ కోరింది. వడ్డాణం ఇస్తాను కానీ బేగం బజారు నుంచి తీసుకువస్తా అంటూ మణికంఠ సెటైర్ వేశాడు. 

నాకేమి ఇస్తావు అని రోహిణి అడిగింది. మణికంఠ వెంటనే ఓ ముద్దు ఇస్తా అంటూ బోల్డ్ గా చెప్పాడు. నువ్వు సేవ్ అయితే నాకెందుకు నీ ముద్దు అంటూ రోహిణి ప్రశ్నించింది. గంగవ్వ మాట్లాడుతూ మణికంఠ 9 వ వారం ఎలిమినేట్ అవుతాడని జోస్యం చెప్పింది. 

ఇక రోహిణి, ముక్కు అవినాష్, టేస్టీ తేజ కలసి నవ్వులు పూయించేలా కామెడీ స్కిట్ చేశారు. అవినాష్.. తేజ ముఖం మీద మాడ్లాడుతున్న విధానం.. రోహిణి.. గౌతమ్ కి వార్నింగ్ ఇస్తున్న విధానం చాలా ఫన్నీగా ఉంది. ప్రోమో చూస్తుంటే 45వా రోజు ఎపిసోడ్ ఫన్నీగా ఉండబోతున్నట్లు అర్థం అవుతోంది.