విజయ్‌ `జన నాయకన్‌` షూటింగ్‌ అప్‌ డేట్‌.. వెయ్యి కోట్లు టార్గెట్‌ చేసిన దళపతి ఫ్యాన్స్

విజయ్ నటిస్తున్న 'జననాయకన్' సినిమా షూటింగ్ జూన్ నెలతో పూర్తవుతుందని అంచనా.  అయితే ఈ మూవీ నుంచి టీమ్‌ సుమారు వెయ్యి కోట్లు ఆశిస్తున్నారు. మరి అది సాధ్యమవుతుందా?

జూన్‌లో `జన నాయకన్‌` షూటింగ్‌ పూర్తి

విజయ్ హీరోగా రూపొందుతున్న సినిమా 'జననాయకన్'. హెచ్. వినోద్ దర్శకత్వం వహిస్తున్న ఈ సినిమా షూటింగ్ జూన్ నెలతో పూర్తవుతుందని అంచనా. అనిరుధ్ సంగీతం అందిస్తున్న ఈ చిత్రంలో బాబీ డియోల్, పూజా హెగ్డే, ప్రకాష్ రాజ్, గౌతమ్ వాసుదేవ్ మీనన్, నరేన్, ప్రియమణి, మమిత బైజు వంటి  తారాగణం నటిస్తుంది. 

వచ్చే సంక్రాంతికి జనవరి 9న `జన నాయకన్‌` విడుదల

వెంకట్ కె. నారాయణన్ తన కెవిఎన్ ప్రొడక్షన్స్ పతాకంపై ఈ చిత్రాన్ని నిర్మిస్తున్నారు. విజయ్ కి ఇష్టమైన దర్శకులు లోకేష్ కనకరాజ్, అట్లీ, నెల్సన్ లు ఒక పాటలో కనిపిస్తారని తెలుస్తుంది. దీంతో ఈ మూవీపై ప్రత్యేకమైన బజ్‌ ఏర్పడింది. ఇక ఈ మూవీని వీలైనంత త్వరగా పూర్తి చేసి వచ్చే ఏడాది జనవరి 9న సంక్రాంతి కానుకగా విడుదల చేసేందుకు టీమ్‌ ప్లాన్‌ చేస్తుంది. 

`జన నాయకన్‌` పై విజయ్‌ అభిమానులు భారీ ఆశలు

ఇదిలా ఉంటే ఈ మూవీ విషయంలో అటు విజయ్‌ అభిమానులు, చిత్ర బృందం భారీ అంచనాలు పెట్టుకుంది. ముఖ్యంగా కలెక్షన్ల పరంగా విజయ్‌ రేంజ్‌ చూపించాలని అనుకుంటున్నారు. ఈ మూవీతో వెయ్యి కోట్ల కలెక్షన్లు టార్గెట్‌ చేసినట్టు తెలుస్తుంది.  ఎలాగైనా వెయ్యి కోట్ల క్లబ్ లో ఈ సినిమాని చేర్చాలని ఫ్యాన్స్ గట్టిగా ఫిక్స్ అయ్యారట. 

విజయ్‌ వెయ్యి కోట్ల టార్గెట్‌ రీచ్‌ అవుతారా?

మరి `జన నాయకన్‌` మూవీ వెయ్యి కోట్ల క్లబ్‌లో చేరుతుందా అనేది ఆసక్తికరంగా మారింది. ఈ మూవీ వెయ్యి కోట్లు వసూలు చేస్తే విజయ్‌ గ్రాండ్‌గా సినిమాలకు విరామం ప్రకటించే అవకాశం ఉందని తెలుస్తుంది. మరి అది సాధ్యమేనా అనేది చూడాలి.

పూర్తి స్థాయి రాజకీయాల్లోకి విజయ్‌

విజయ్‌ రాజకీయాల్లోకి ఎంట్రీ ఇచ్చిన విషయం తెలిసిందే. తమిళాగ వెట్రి కజగమ్‌(టీవీకే) పేరుతో రాజకీయ పార్టీని స్థాపించారు. వచ్చే తమిళనాడు ఎన్నికల్లో ఆయన పోటీ చేయబోతున్నారు. అందుకోసం త్వరలోనే ఆయన సినిమాల నుంచి బ్రేక్‌ తీసుకోబోతున్నారు. `జన నాయకన్‌` మూవీ షూటింగ్‌ అయిపోయాక ఆయన పూర్తి స్థాయిలో రాజకీయాలపై ఫోకస్‌ పెట్టబోతున్నారు.