Jana Nayagan OTT Rights: విజయ్‌ `జన నాయగన్‌` ఓటీటీ, థియేట్రికల్‌ రైట్స్ హాట్‌ కేక్‌.. ఎంతకి అమ్మిరంటే?

Aithagoni Raju Published: Mar 22, 2025, 8:04 PM IST

Jana Nayagan Movie: విజయ్ నటిస్తున్న చివరి సినిమా 'జన నాయగన్' ఓటీటీ హక్కుల్ని ఒక పెద్ద సంస్థ భారీ ధరకు కొనుక్కుందంట.

Jana Nayagan Movie

Jana Nayagan Movie: విజయ్ తన చివరి సినిమా 'జన నాయగన్'లో నటిస్తున్నాడు. హెచ్ వినోద్ దర్శకత్వంలో వస్తున్న ఈ సినిమాలో విజయ్ సరసన పూజా హెగ్డే నటిస్తోంది. బాబీ డియోల్, గౌతమ్ మీనన్, ప్రకాష్ రాజ్, నరైన్, ప్రియమణి, శృతి హాసన్, మమితా బైజు, రెబా మోనికా జాన్, వరలక్ష్మి శరత్‌కుమార్ తదితరులు కూడా నటిస్తున్నారు.

జన నాయగం వచ్చే ఏడాది విడుదల కానుందా?

కేవీఎన్ సంస్థ నిర్మిస్తున్న ఈ చిత్రానికి అనిరుధ్ సంగీతం అందిస్తున్నారు. దాదాపు రూ.400 కోట్ల బడ్జెట్‌తో రూపొందుతున్న ఈ చిత్రం ఈ ఏడాది చివరిలో విడుదల అవుతుందని ప్రకటించారు. అయితే రాజకీయ కారణాల వల్ల 2026కు వాయిదా వేసే అవకాశం ఉంది.

జన నాయగన్‌ థియేట్రికల్‌ రైట్స్

పూర్తిగా రాజకీయ కథాంశంతో తెరకెక్కుతున్న ఈ చిత్రం అభిమానుల్లో భారీ అంచనాలను నెలకొల్పింది. ఈ చిత్రాన్ని తమిళం, తెలుగు, కన్నడ, హిందీ, మలయాళం భాషల్లో పాన్ ఇండియా చిత్రంగా విడుదల చేయడానికి చిత్ర బృందం యోచిస్తోంది. ఈ సినిమా తమిళనాడు థియేట్రికల్ హక్కులను సెవెన్ స్క్రీన్ స్టూడియో రూ.100 కోట్లకు కొనుగోలు చేసింది.

థియేటర్ హక్కుల కోసం పోటీ:

అదేవిధంగా, ఓవర్సీస్‌ హక్కులను ఫార్స్ ఫిల్మ్ సంస్థ రూ.78 కోట్లకు కొనుగోలు చేసింది. దీనితో పాటు కేరళ, తెలుగు రాష్ట్రాల్లో కూడా ఈ సినిమా విడుదల హక్కుల కోసం తీవ్ర పోటీ నెలకొందని సమాచారం. ఇది విజయ్ చివరి సినిమా కావడంతో, గతంలో అమ్మిన దానికంటే ఎక్కువ మొత్తాన్ని నిర్మాణ సంస్థ డిమాండ్ చేస్తోందని తెలుస్తుంది.

షూటింగ్ పూర్తి కాకముందే నెట్‌ఫ్లిక్స్ కొనేసింది

మరో 25 రోజుల్లో సినిమాను పూర్తి చేయాలని విజయ్ భావిస్తున్నట్లు సమాచారం. ఆ తర్వాత రాజకీయాలపై దృష్టి పెట్టడానికి సిద్ధమవుతున్నాడు. ఈ నేపథ్యంలో షూటింగ్ పూర్తి కాకముందే ఈ సినిమా ఓటీటీ హక్కుల కోసం తీవ్ర పోటీ నెలకొంది. ప్రస్తుతం అందుతున్న సమాచారం ప్రకారం నెట్‌ఫ్లిక్స్ సంస్థే భారీ మొత్తం చెల్లించి ఈ సినిమాను ఓటీటీ రైట్స్ ని కొనుగోలు చేసిందని అంటున్నారు.

also read: ఇంకా పిల్లలు కావాలంటే వేరే అమ్మాయిని చూసుకో అన్నది.. కుటుంబ నియంత్రణపై మంచు విష్ణు బోల్డ్ స్టేట్‌మెంట్‌