విజయ్ అరెస్ట్ కు రంగం సిద్థం, అల్లు అర్జున్ కు కూడా ఇదే జరిగిందా? దళపతిపై BNS సెక్షన్ 105: 5 ఏళ్ల జైలు?
విజయ్ ర్యాలీ కారణంగా తమిళనాడులో దాదాపు 38 మందికి పైగా ప్రాణాలు కోల్పోయారు. దీనికి విజయ్ బాధ్యత వహించాలని డిమాండ్లు వినిపిస్తున్నాయి. బహుశా భారతీయ న్యాయ సంహిత సెక్షన్ 118(1) కింద విజయ్పై కేసు నమోదు చేసి, అరెస్ట్ చేసే అవకాశం ఉందని అంటున్నారు.
టీవీకే అధ్యక్షుడు విజయ్ కరూర్ ప్రచారంలో జరిగిన తొక్కిసలాటలో చిక్కుకుని 10 మంది వరకూ పిల్లలు, 17 మంది మహిళలు, 10 మందికి పైగా పురుషులు సహా 38 మంది వరకు మరణించారు. ఈ ఘటన తమిళనాడు రాజకీయ వర్గాల్లో పెద్ద దుమారం రేపింది. విజయ్ ప్రచార వాహనం వైపు లక్షలాది మంది అభిమానులు, కార్యకర్తలు తరలిరావడంతో తోపులాట జరిగింది. పిల్లలు, మహిళలతో సహా చాలా మంది స్పృహతప్పి పడిపోవడంతో ఆసుపత్రికి తరలించారు. విజయ్ ప్రసంగించి వెళ్లిన తర్వాత, జనం చెదిరిపోయేలోపే 20 మందికి పైగా స్పృహతప్పి పడిపోయినట్లు తెలిసింది. వారిని అంబులెన్స్ల ద్వారా కరూర్ ప్రభుత్వ ఆసుపత్రికి తరలించారు. 30 మందికి పైగా ఐసీయూలో చికిత్స పొందుతున్నారు. మొత్తం 45-50 మంది ఆసుపత్రిలో చికిత్స పొందుతున్నారు. తల్లి-పిల్లల వార్డులు నిండిపోయాయి. కరూర్ ప్రభుత్వ ఆసుపత్రిలో 74 పడకలు ఉండగా, అవన్నీ నిండిపోయాయి. తిరుచ్చి సహా సమీప జిల్లాల నుంచి వైద్య బృందాలను రప్పించారు.