లోకేశ్ కనగరాజ్ డైరెక్షన్ లో విజయ్ దేవరకొండ...? మనసులో మాట బయటపెట్టిన రౌడీ హీరో

టాలీవుడ్ యంగ్ స్టార్ విజయ్ దేవరకొండతో... కోలీవుడ్ యంగ్ టాలెంటెడ్  స్టార్ డైరెక్టర్ లోకేష్ కనగరాజ్ సినిమా చేయబోతున్నారా..? త్వరలోనే ఈ సినిమా వర్కౌట్ కాబోతోందా..? రౌడీ హీరో ఏమంటున్నారు..?   

విజయ్ దేవరకొండ ఇమేజ్ గురించి ప్రత్యేకంగాచెప్పాల్సిన అవసరం లేదు.  చాలా తక్కువ టైమ్ లో ఆల్ ఓవర్ ఇండియాలో విజయ్ క్రేజ్ సాధించాడు. విజయ్ దేవరకొండ అంటే పడి చచ్చిపోతున్నారు అభిమానులు. ఆయనతో సినిమాచేయాలని  డైరెక్టర్లు క్యూ కడుతున్నారు. అయితే ఆయన మాత్రం తన మనసులో మాట ఒకటి బయట పెట్టారు. ఓ డైరెక్టర్ తో సినిమా చేయాలని ఉంది అన్నారు. 

ప్రస్తుతం విజయ్ దేవరకొండ  హీరోగా పూరి దర్శకత్వంలో  లైగర్  సినిమా రిలీజ్ కు రెడీగా ఉంది. ప్రపంచ వ్యాప్తంగా ఈ నెల 25న లైగర్ రిలీజ్ కాబోతోం.  పాన్ ఇండియా స్థాయిలో తెరకెక్కిన ఈసినిమా సూపర్ సక్కెస్ అయితే.. విజయ్ క్రేజ్ ను అందుకోవడం చాలా కష్టం అవుతుంది. 

ఇక ఈ సినిమా ప్రమోషన్స్ లో విజయ్ దేవరకొండ చాలా బిజీ బిజీగా ఉన్నాడు. ఈక్రమంలోనే ప్రమోషన్స్ లో భాగంగా విజయ్ ఓ ఇంటర్వ్యూలో మాట్లాడుతూ.. తమిళ దర్శకుడు లోకేశ్ కనగరాజ్ పై ప్రశంసల జల్లు కురిపించాడు. ఆయనతో సినిమా చేయాలని ఉంది అంటూ తన కోరికను బయట పెట్టాడు విజయ్. 

దళపతి విజయ్ తో వరుస సినిమాలు సక్సెస్ సాధించిన లోకేష్ కనగరాజ్ రీసెంట్ గా లోకనాయకుడు కమల్ హాసన్ తో విక్రమ్ సినిమా చేసి బ్లాక్ బస్టర్ సక్సెస్ సాధించాడు. ఓవర్ ఆల్ గాఈ సినిమా దాదాపు 450 కోట్లకు పైగా వసూళ్ళు సాధించింది. దాంతో లోకేష్ క్రేజ్ అమాంతం పెరిగిపోయింది. స్టార్ హీరోలు సైతం ఆయనతో సినిమాకు ఉత్సాహం చూపిస్తున్నారు. 

ఇక విజయ్ దేవరకొండ  మాట్లాడుతూ.. లోకేశ్ కనగరాజ్ గురించి విన్నాను. రీసెంట్ గా ఆయన డైరెక్ట్ చేసిన   విక్రమ్ సినిమాను చూశాను. ఆ సినిమాను చూస్తూ నన్ను నేను మరిచిపోయాను. మొదటి నుంచి చివరివరకూ ఆ సినిమా అలా కూర్చోబెట్టేసింది. లోకేశ్ కనగరాజ్ ఆ సినిమాను చాలా అద్భుతంగా తీశాడు. అందుకే ఆ సినిమా అంతలా బ్లాక్ బస్టర్ హిట్ అయ్యింది అన్నారు విజయ్. 

 అంతే కాదు లోకేశ్ కనగరాజ్ సినిమాటిక్ ప్రపంచంలోకి అడుగుపెట్టాలని నాకు చాలా ఉత్సాహంగా ఉంది. ఆయన డైరెక్షన్ లో నటించడానికి రెడీగా ఉన్నాను..  త్వరలోనే ఆయన నుంచి నాకు కాల్ వస్తుందని ఆశిస్తున్నాను అన్నాడు విజయ్ దేవరకొండ. లోకేష్ తో సినిమ చేయడానిక ఆత్రుతగా ఎదురుచూస్తున్నాడు రౌడీ హీరో. 

ఇక కోలీవుడ్ లో వరుస సినిమాలతో బిజీగా ఉన్నాడు లోకేష్ కనగరాజ్. దళపతి విజయ్ తో వరుస సినిమాలు చేసి సక్సెస్ సాధిస్తూ వచ్చిన లోకేష్.. ప్రస్తుతం   విజయ్ 67వ సినిమాను డైరెక్ట్ చేస్తున్నాడు. ఆతరువాత టాలీవుడ్ మెగా పవర్ స్టార్ రామ్ చరణ్ తో కూడా లోకేష్ సినిమా ఒకే అయ్యిందని టాక్ వినిపిస్తోంది.

అటు విజయ్ దేవరకొండ కూడా శివ నిర్వాణ దర్శకత్వంలో ఖుషి మూవీ చేస్తున్నాడు. తరువాత సుకుమార్ తో సినిమా చేయాల్సి ఉంది. మరి ఇంత బిజీ షెడ్యూల్స్ తో లోకేష్ కనగరాజ్ నుంచి విజయ్ కి కాల్ వస్తుందా..? వస్తే ఎప్పుడు రావచ్చు..? వీరి కాంబినేషన్ అసలు సెట్ అయ్యే అవకాశం ఉందా... లేదా..? అనేది తెలియాల్సి ఉంది. ?