నీ గురించి నీకు తెలియదు సమంత.. మయోసైటిస్ వ్యాధిపై వెంకటేష్ కుమార్తె కామెంట్స్

సమంత ప్రస్తుతం మయోసైటిస్ అనే ప్రమాదకర ఆటో ఇమ్యూన్ వ్యాధితో పోరాడుతోంది. సమంత దాదాపుగా కోలుకోవడం ఊరటనిచ్చే అంశం. అయితే పూర్తిగా కోలుకోవడానికి ఇంకాస్త సమయం పట్టేలా ఉంది.  దీనితో సమంతకి మనో ధైర్యాన్ని ఇస్తూ అభిమానులు, సెలెబ్రిటీలు వరుసగా పోస్ట్ లు పెడుతున్నారు.

ఇండస్ట్రీకి పరిచయమైన తక్కువ కాలంలోనే తన ప్రతిభతో సమంత స్టార్ స్టేటస్ సొంతం చేసుకుంది. ఇప్పుడు సమంత సౌత్ లోనే తిరుగులేని స్టార్ హీరోయిన్. జీవితంలో ఒడిదుడుకులు ఎదురైనా ఆమె జోరు తగ్గడం లేదు. కానీ ప్రస్తుతం సమంతకు విధి ఆరోగ్య సమస్యల రూపంలో మరో సవాల్ విసిరింది. 

సమంత ప్రస్తుతం మయోసైటిస్ అనే ప్రమాదకర ఆటో ఇమ్యూన్ వ్యాధితో పోరాడుతోంది. సమంత దాదాపుగా కోలుకోవడం ఊరటనిచ్చే అంశం. అయితే పూర్తిగా కోలుకోవడానికి ఇంకాస్త సమయం పట్టేలా ఉంది.  దీనితో సమంతకి మనో ధైర్యాన్ని ఇస్తూ అభిమానులు, సెలెబ్రిటీలు వరుసగా పోస్ట్ లు పెడుతున్నారు. ఆమె త్వరగా కోలుకోవాలని ప్రార్థిస్తున్నారు. ఎన్టీఆర్, అఖిల్, సాయిధరమ్ తేజ్, సుశాంత్, కాజల్, రాశి ఖన్నా లాంటి సెలెబ్రిటీలు ఇప్పటికే సమంత వ్యాధిపై స్పందించారు. 

ఇంకా సమంత కోలుకోవాలని వెల్లువలా సోషల్ మీడియా పోస్ట్ లు వస్తున్నాయి. అక్కినేని ఫ్యామిలీ నుంచి అఖిల్, సుశాంత్ సమంత హెల్త్ కండిషన్ పై స్పందించారు. ఇక దగ్గుబాటి ఫ్యామిలీ మెంబర్స్ కూడా స్పందించడం ప్రారంభించారు. 

ముందుగా విక్టరీ వెంకటేష్ కుమార్తె ఆశ్రిత దగ్గుబాటి సామ్ త్వరగా కోలుకోవాలని కామెంట్స్ చేసింది.  సమంత పెట్టిన పోస్ట్ కి ఆశ్రిత రిప్లై ఇస్తూ.. నీ గురించి నీకు తెలియదు సమంత.. నీలో నీకు తెలియనంత శక్తి దాగుంది.  అనంతమైన ప్రేమ నీకు పంపుతున్నా' అంటూ ఆశ్రిత ఇంస్టాగ్రామ్ లో కామెంట్ పెట్టింది. 

అంతే కాదు కమల్ హాసన్ చిన్న కుమార్తె అక్షర హాసన్, మంచు లక్ష్మి, రితేష్ దేశ్ ముఖ్, జెనీలియా ఇలా దేశం నలువైపుల నుంచి సెలెబ్రిటీలు సమంత త్వరగా కోలుకోవాలని విష్ చేస్తున్నారు. 

సమంత ప్రస్తుతం వరుస చిత్రాల్లో నటిస్తోంది. నవంబర్ 11న యశోద చిత్రం రిలీజ్ కి రెడీ అవుతోంది. ఆ తర్వాత శాకుంతలం రానుంది. గత ఏడాది సమంత నాగ చైతన్య నుంచి విడిపోయిన సంగతి తెలిసిందే. కొన్ని నెలల క్రితం సమంత చికిత్స కోసం అమెరికాకు వెళ్లినట్లు వార్తలు వచ్చాయి. చర్మవ్యాధికి సంబంధించిన ట్రీట్ మెంట్ సమంత తీసుకుంటోంది అంటూ వార్తలు వచ్చాయి. కానీ ఇప్పుడు సమంత స్వయంగా తాను మయోసైటిస్ అనే వ్యాధితో బాధపడుతున్నట్లు ప్రకటించింది.