పెళ్లిపై అల్లు శిరీష్‌ షాకింగ్‌ కామెంట్‌.. హ్యాపీగా ఎంజాయ్‌ చేయోచ్చంటూ బాలయ్యకే షాక్‌.. ఓ రేంజ్‌లో ఆడుకున్నాడు

పెళ్లిపై అల్లు శిరీష్‌ ఆశ్చర్యకమైన కామెంట్లు చేశారు. బాలయ్య అడిగిన ప్రశ్నకు స్పందిస్తూ ఆయన షాకింగ్‌ ఆన్సర్‌ ఇచ్చారు. పక్కన ఉన్న తండ్రి అల్లు అరవింద్‌ ముందే అంత మాట అనేశాడు. ఇదిప్పుడు వైరల్‌ అవుతుంది.   

అల్లు శిరీష్‌ హీరోగా నటించి `ఊర్వశివో రాక్షసివో` చిత్ర ప్రీ రిలీజ్‌ ఈవెంట్ ఆదివారం సాయంత్రం హైదరాబాద్‌లో జరిగింది. బాలకృష్ణ గెస్ట్ గా హాజరయ్యారు. స్టేజ్‌పైకి వెళ్లేముందు బాలయ్య, శిరీష్‌ల మధ్య సరదా కన్వర్జేషన్‌ జరిగింది. ఈ సందర్భంగా సినిమా పోస్టర్లు, వీడియోలపై బాలయ్య ఘాటుగానే రియాక్ట్ అయ్యారు. ఆ పోస్టర్లేంటే మరీ చేతులు అడ్డు పెట్టుకుని, వీడియోల్లోనూ వల్గారిటీ ఉంది అనే ఉద్దేశాన్ని ఆయన తనదైన స్టయిల్‌లో సరదాగా ప్రశ్నించారు. కాసేపు ఓ రేంజ్‌లో శిరీష్‌ని ఆడుకున్నారు. 

ఈ క్రమంలో సినిమాల్లోనే, బయటకు కూడా ఇలానేనా? అని అల్లు అరవింద్ ముందే అడిగి షాకిచ్చారు. దీంతో వేదిక మొత్తం హోరెత్తిపోయింది. తాను సినిమాల్లో మాత్రమే అని, బయట ఇలా కాదని బుద్దిమంతుడినేనని చెప్పాడు శిరీష్‌. కానీ బాలయ్య దాన్ని నమ్మలేదు, రియల్‌ లైఫ్‌కి దూరంగా ఉండే పాత్ర అంటే నా భాషలో అది దగ్గరే అని అర్థమని తెలిపారు బాలయ్య. దీంతో సర్‌ ఇలా మీరు అందరి ముందు టీజ్‌ చేస్తే నాకు ఇక పెళ్లి కాదు, పిల్లని ఎవరూ ఇయ్యరంటూ తన ఆవేదన వ్యక్తం చేశారు శిరీష్‌.

బాలయ్య అంతటితో ఆగలేదు. పెళ్లి ఎప్పుడు అని అడిగాడు. దీంతో చాలా ప్రయత్నాలు చేస్తున్నాను సర్‌, ప్రేమ గీమా అంటూ ప్రయత్నాలు చేస్తున్నానని, ఏది వర్కౌట్‌ కావడం లేదన్నారు. త్వరలో చేసుకుంటాను సర్‌, మిమ్మల్ని కూడా పిలుస్తానని తెలిపారు. అంతేకాదు అయినా పెళ్లి ఎందుకు సర్‌, ఇలా హాయిగా సింగిల్‌గా ఎంజాయ్‌ చేయోచ్చు కదా అంటూ కామెంట్ చేశారు. ఇందులో రెండు రకాలున్నాయని ఒకటి ఎంజాయ్‌.. అంటూ తెలిపారు. 

`ఊర్వశివో రాక్షసివో`తో యువతని చెడగొడదామనుకుంటున్నావా? అని బాలయ్య అడగ్గా, చెడగొట్టాలని కాదు, బయట యువత ఎలా ఉందో చెబుతాదామని తీశాం అని శిరీష్‌ చెప్పగా, వాళ్లు ఎలా ఉంటే నీకెందుకయ్యా అంటూ మరోసారి రెచ్చిపోయారు బాలయ్య. నేను బయట బాలయ్య, ఇంట్లో మొగుడిని అవన్నీ నీకెందుకు అంటూ పంచ్‌ ఇచ్చాడు. నచ్చుతుందని ట్రయల్‌ వేశామని శిరీష్‌ చెప్పగా, బాగుందని, నేను నీ కంటే ఏజ్‌ కొంచెం తక్కువే అంటూ చెప్పడం నవ్వులు పూసాయి.

స్టేజ్‌పై కూడా అల్లు శిరీష్‌ని మరోసారి ఆడుకున్నారు బాలకృష్ణ. శిరీష్‌, బాలయ్య మధ్య కన్వర్జేషన్‌ ఆద్యంతం నవ్వులు పూయించింది. అదే సమయంలో శిరీష్‌ని ఓ రేంజ్‌ లో ఆడుకున్నారు బాలయ్య. ఈ సందర్భంగా బాలయ్య నటించిన `భైరవద్వీపం`, `ఆదిత్య 369` తనకు చాలా ఇష్టమని చెప్పారు శిరీష్‌. మరోవైపు తాను నటించిన చిత్రాల్లో ఊర్వశి, రాక్షసి ఎవరో చెప్పాలంటూ నయనతార, విజయశాంతి, సిమ్రాన్‌, శృతి హాసన్‌ పేర్లు శిరీష్‌ చెప్పగా, నయనతార ఊర్వశి అని,శృతి హాసన్‌ రాక్షసి అని బాలయ్య చెప్పడం విశేషం.