Guppedantha Manasu: కొడుకు సంతోషాన్ని జగతి ఇక చూడదా.. శైలేంద్ర మాటలకు సపోర్ట్ చేస్తున్న వసు?

Guppedantha Manasu: స్టార్ మా లో ప్రసారమవుతున్న గుప్పెడంత మనసు సీరియల్ మంచి కథ కథనాలతో టాప్ సీరియల్స్ సరసన స్థానం సంపాదించుకుంటుంది. తమ్ముడి ఎదుగుదల ఓర్వ లేక పోతున్న ఒక అన్న కధ ఈ సీరియల్. ఇక ఈరోజు మే 19 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో తన దగ్గరికి వచ్చిన రిషి ని చూసి షాక్ అవుతుంది వసుధార. మీరేంటి సార్ ఇలా వచ్చారు అని అడుగుతుంది. నువ్వు ఇక్కడ ఉంటావని తెలుసు మూడీ గా ఉంటావని కూడా తెలుసు అందుకే వచ్చాను అంటాడు రిషి. మీ కోపం పోయిందా అంటుంది వసుధార. అది కోపం కాదు బాధ మేడం నిన్ను అందరి ముందు అలా అనేసరికి కోపం తట్టుకోలేకపోయాను.

అయినా ఆవిడ మనకి హద్దులు చెప్పడం ఏమిటి మన గురించి చాలా ఎక్కువ ఆలోచిస్తున్నారు. ఆవిడ మీద కోప్పడినందుకు నాకు కూడా చాలా బాధగానే ఉంది. నేను కోప్పడ్డానని మేడమ్ ఏమైనా బాధపడ్డారా అని అడుగుతాడు రిషి. ఆవిడ ఊరికే భయపడరు ఇంతకుముందు మీ మీద ఎటాక్ లు జరిగాయి కదా అందుకే భయపడుతున్నారు. ఆవిడ ధ్యాస అంతా మీ మీదే మీరు అంత కోప్పడినా ఆవిడ ఏమీ బాధపడలేదు.

నా కొడుకు క్షేమంగా ఉంటే అంతే చాలు అన్నారు నిజంగా మేడం గ్రేట్ అంటుంది వసుధార. గుడ్ నైట్ చెప్పి వెళ్ళిపోబోతాడు రిషి. వసుధార గుడ్ నైట్ చెప్పదు. ఎందుకు గుడ్ నైట్ చెప్పలేదు అని అడుగుతాడు రిషి. మీరు మూడీగా ఉంటే నేను గుడ్ నైట్ చెప్పలేను మీరు హ్యాపీగా ఉంటేనే నాకు హ్యాపీ నైట్ అంటుంది వసుధార. అందుకు నీ దగ్గర ఏమైనా ప్లాన్స్ ఉన్నాయా అంటాడు రిషి.

కాసేపు క్విజ్ ఆడుకుందాము అంటూ అతనిని మాటల్లో పెడుతుంది వసుధార. కాసేపు క్విజ్ ఆడుకుంటూ కాసేపు సరదాగా కబుర్లు చెప్పుకుంటూ అక్కడే పడుకుండిపోతారు రిషి వాళ్ళు. పొద్దున్నే కాఫీ తో వస్తుంది ధరణి. ఇక్కడే పడుకుండిపోయారా అంటుంది. అవును వదిన ఎప్పుడు పడుకున్నామో మాకే గుర్తులేదు అంటాడు రిషి. సరే కాఫీ తాగి ఫ్రెష్ అవ్వండి అంటూ కాఫీ ఇచ్చి వెళ్ళిపోతుంది ధరణి.

ఆ తర్వాత వసుధార రూమ్ కి వస్తాడు రిషి. అక్కడ రిషి, వసుధార ఇద్దరూ సరదాగా కబుర్లు చెప్పుకుంటూ ఉంటారు. అది చూసిన జగతి ఆనందపడుతుంది. ఇద్దరూ ఎప్పుడు ఇలాగే సంతోషంగా ఉండాలి అని మనసులోనే దీవిస్తుంది. ఆ దృశ్యాన్ని దేవయాని చూస్తుంది. ఇప్పుడే కంటి నిండా చూసుకో ఆ తర్వాత నీకు ఆ అవకాశం ఉండకపోవచ్చు అనుకుంటుంది.

సీన్ కట్ చేస్తే ఇంట్లో అందర్నీ సమావేశపరుస్తాడు శైలేంద్ర. మిషన్ ఎడ్యుకేషన్ గురించి అందరూ గొప్పగా మాట్లాడుకుంటున్నారు చిన్నవయసులోనే ఈ ఘనత సాధించినందుకు కంగ్రాట్స్ అని చెప్తాడు శైలేంద్ర. ఇదే ప్రాజెక్ట్ ని వేరే స్టేట్స్ లో కూడా ఎక్స్పెండ్ చెయ్యు అక్కడ ఉన్న నా ఫ్రెండ్స్ కూడా నీకు హెల్ప్ చేస్తారు అంటాడు శైలేంద్ర.

ఇది జరిగే పని కాదు నేను వెళ్ళను నేను లేకపోతే కాలేజీ ఎవరు హ్యాండిల్ చేస్తారు అంటాడు రిషి. నేను ఉన్నాను కదా నేను హ్యాండిల్ చేస్తాను నా వల్ల కాకపోతే అప్పుడు డాడీ జగతి పిన్ని ఉంటారు కదా వాళ్ళు చూసుకుంటారు అయినా ఇక్కడ నీ శత్రువులు నిన్ను తరచుగా ఇబ్బంది పడుతున్నారు కదా అంటాడు శైలేంద్ర.

అయినా కుదరదు అన్నయ్య.. నేను లేకపోతే స్టూడెంట్స్ భవిష్యత్తు పాడైపోతుంది అయినా నేను కాలేజీ వదిలి ఎక్కడికి వెళ్ళను అంటాడు రిషి. ఫణీంద్ర కూడా ఈ ప్రపోజల్ కి ఒప్పుకోడు. మీ అభిప్రాయం ఏంటి అని వసుధారని అడుగుతాడు శైలేంద్ర. మనం ఇక్కడ నుంచి వెళ్ళిపోవడమే మంచిది సర్ ఇక్కడ ఉంటే తరచూ ప్రమాదాలు ఎదురవుతున్నాయి అంటుంది వసుధార.

వసుధార మీద కోప్పడతాడు రిషి. నీకు కావాలంటే నువ్వు వెళ్ళు ప్రమాదం ఎదురైందని ఎక్కడికి పారిపోతాము.. నాకు ఎదురొచ్చే శత్రువులని ఎలా పక్కకు పెట్టాలో నాకు బాగా తెలుసు. నేను మాత్రం ఈ ఇల్లు ఈ కాలేజీ వదిలి ఎక్కడికి వెళ్ళను అంటూ కోపంగా అక్కడినుంచి వెళ్ళిపోతాడు రిషి. అతని వెనకే వస్తుంది వసుధార. తర్వాత ఏం జరిగిందో రేపటి ఎపిసోడ్ లో చూద్దాం.