లావణ్య త్రిపాఠి వరుణ్‌ తేజ్‌ని వివాహం చేసుకున్న నేపథ్యంలో పెళ్లి తర్వాత మెగా ఫ్యామిలీ కండీషన్స్ కారణంగా ఆమె సినిమాలు చేయడం లేదనే రూమర్‌ ఉంది. దీనిపై వరుణ్‌ తేజ్‌ క్లారిటీ ఇచ్చాడు.
హీరోయిన్‌ లావణ్య త్రిపాఠి, వరుణ్‌ తేజ్‌ ప్రేమించి పెళ్లి చేసుకున్న విషయం తెలిసిందే. `మిస్టర్‌` సినిమా టైమ్‌లో ఏర్పడిన పరిచయం, స్నేహం, ప్రేమగా మారింది. ఎట్టకేలకు గతేడాది ఈ ఇద్దరు మ్యారేజ్‌ చేసుకున్నారు. ఇటలీలో చాలా గ్రాండ్‌గా డెస్టినీ వెడ్డింగ్‌ చేసుకున్న విషయం తెలిసిందే. పెళ్లై ఏడాది కూడా పూర్తయ్యింది. ఆ తర్వాత బయట కనిపించడం లేదు లావణ్య. పండగల సమయంలో ఇంట్లో చేసే పూజలకు సంబంధించిన వీడియోలను సోషల్‌ మీడియాలోనే పంచుకుంటుంది. తప్ప బయటకు మెరిసింది లేదు.
బిగ్ బాస్ తెలుగు 8 అప్ డేట్స్ కోసం ఇక్కడ క్లిక్ చేయండి.
దీంతో లావణ్య త్రిపాఠి సినిమాలు మానేస్తుందా అనే ప్రచారం ఊపందుకుంది. దీనికితోడు పెళ్లి తర్వాత ఆమె ఇప్పటి వరకు ఒక్క మూవీలో కూడా నటించలేదు. ఈ నేపథ్యంలో లావణ్య త్రిపాఠి సినిమాలు మానేస్తుందని అంతా అనుకుంటున్నారు.
అంతేకాదు మెగా ఫ్యామిలీ కండీషన్‌ కూడా అదే అనే టాక్‌ కూడా వినిపించింది. లావణ్య ఇక ఫ్యామిలీ లైఫ్‌కే పరిమితమవుతుందని పిల్లల ప్లానింగ్‌లో ఉన్నారనే రూమర్స్ వచ్చాయి. ఈ నేపథ్యంలో దీనిపై తాజాగా హీరో వరుణ్‌ తేజ్‌ స్పందించారు.
లావణ్య త్రిపాఠి మళ్లీ సినిమాలు చేయడంపై ఆయన క్లారిటీ ఇచ్చారు. సినిమాలు చేయడానికి తాను రెడీగానే ఉందని తెలిపారు వరుణ్‌ తేజ్‌. అయితే గతంలో వచ్చిన సినిమాలు చేసింది. పాత్రకి ప్రయారిటీ ఉన్నా, లేకపోయినా చేసుకుంటూ వచ్చింది. ఆ జర్నీ డిఫరెంట్‌. కానీ ఇప్పుడు ఆ అవసరం లేదు. ప్రస్తుతం తను కంఫర్టబుల్‌ ప్లేస్‌లో ఉంది. ఇప్పుడు ఏది పడితే అది చేయాల్సిన అవసరం లేదు.
ప్రస్తుతం కథలు వింటుంది. త్వరలోనే సినిమాలు చేస్తుంది. మేం ఇద్దరం కూడా మంచి కథ వస్తే చేస్తాం. మంచి పాత్ర దొరికాలి. స్క్రిప్ట్ కుదరాలి. అప్పుడే చేస్తాం. అదే సమయంలో పెళ్లైయ్యాక సినిమాలు చేయకూడదనే మైండ్ సెట్‌లో ఎవరూ లేరు. ఇప్పుడు అంతా మారిపోయింది. పెళ్లాయ్యక కూడా సినిమాలు చేయోచ్చు. లావణ్య కూడా చేస్తుందని చెప్పారు వరుణ్‌ తేజ్‌.
ఈ క్రమంలో ఆయన పరోక్షంగా తనపై వచ్చే రూమర్లకు కౌంట్‌ ఇచ్చాడు. మెగా ఫ్యామిలీ పెట్టిన కండీషన్స్ వల్లే సినిమాలు చేయడం లేదనే రూమర్స్ వచ్చిన నేపథ్యంలో తాజాగా వరుణ్‌ దానికి కూడా ఆయన కౌంటర్‌ ఇచ్చాడు. ఇంతకు ముందులా ఇప్పుడు లేదు, పెళ్లైతే సినిమాలు చేయకూడదనే భావనలో ఎవరూ లేరని తెలిపారు వరుణ్‌ తేజ్‌.
తాను ప్రస్తుతం `మట్కా` సినిమాలో నటిస్తున్నాడు. మీనాక్షి చౌదరీ హీరోయిన్‌గా చేస్తుంది. కరుణ కుమార్‌ దర్శకత్వంలో రూపొందిన ఈ మూవీ ఈ నెల 14న(రేపు గురువారం) విడుదల కానుంది. ఈ క్రమంలో చిత్ర ప్రమోషన్స్ లో భాగంగా ఆయన మీడియాతో ముచ్చటిస్తూ ఈ విషయాలను తెలిపారు.
`మట్కా` మూవీ గురించి చెబుతూ, మట్కా కింగ్‌గా వెలిగిన వాసు కథ ఇది. మట్కా గ్యాంబ్లర్‌ రతన్‌ ఖేత్రి జీవితం ఆధారంగా దీన్ని రూపొందించారు. తన ముప్పై ఏళ్ల జర్నీని ఈ సినిమాలో చూపిస్తున్నట్టు తెలిపారు వరుణ్‌ తేజ్‌. సినిమా కోసం దర్శకుడిని ఫాలో అయినట్టు వెల్లడించారు. వాసు జీవితంలోని ప్రధానంగా నాలుగు దశలను
ఇందులో చూపించబోతున్నట్టు తెలిపారు. వాసు రోల్‌ పూర్తి నెగటివ్‌గా ఉండదని చెప్పారు. చూసే కోణం బట్టి ఉంటుందన్నారు. తాను చాలా రోజులుగా ఇలాంటి సినిమా కోసం చూస్తున్నానని, లక్కీగా ఇప్పుడు కుదిరిందన్నారు వరుణ్‌ తేజ్‌. ఈ సినిమాతో పెద్ద రేంజ్‌ హిట్‌ని ఆశిస్తున్నట్టు వెల్లడించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి